San Lucas 23:13 - Wounaan Meu

¹³ Deeu Erodeeu Jesús ich aar deebapäaiwai Pilatoou thumaam khʉʉn ãbam aig thʉ̃rkha aujim aajem: phadnaan chi porkha nʉm khʉʉn, judionaan chi thethem khʉʉn maimua chi phoborpienjã agjo.

Woun Meu

¹³ Deeu Herodeeu Jesús hich haar deebapäaiwai Pilatoou t'umaam k'ʌʌn hãbam haig t'ʌ̃rk'a haujim haajem: p'adnaan chi pörk'a nʌm k'ʌʌn, judionaan chi t'et'em k'ʌʌn maimua chi p'öbörpienjã hagjö.

San Lucas 23:13 Iomraidhean Croise

San Marcos 15:14

Magbaa jũrr Pilatoou amag, —¿Pari khan nemta irua khaigba waujĩma ajim anʉm, pãrau mag warre i thõopi jaau nʉm? Mamʉ irua magbaawai chará warag ich mag pakuls gaaita meerphepi jajaau aajeejim anʉm.

San Lucas 23:35

Maagwain õrau Jesuugta eerpapaad thʉnaajim anʉm. Mag nʉm dʉi chi thethem khʉʉnaujã iukhanaa, i wau iekhanaa, daau irua ichdeupai ich peerdʉ athaju awia irig, —Deeum khʉʉn peerdʉ autarrpí, pʉchjã peerdʉ athá aajeejim anʉm, pʉchta chadcha Cristo chaar Ẽwandamau jʉr auwia pʉitarr khai.

San Lucas 24:20

Mamʉ mag khitarrta phadnaan chi pornaanau chi thethem khʉʉn dʉimua Pilatoog pʉr deebajieb ajim anʉm, jũrr ich soldaaunag pakuls gaai meerphe thõopi jaaumkhĩir.

San Juan 12:42

Mag judionaan thumaam khʉʉnau chan Jesús iek ʉkhabajierrab mamʉ, ãaur khʉʉnaun ʉu i iek ʉkhajierram; chi ʉkha narr khʉʉn ee chi thierrnaanpa thʉnaajim. Pari mag ʉkha nʉmta chi fariseonaanau, tag amach culto ee dubpimaaugau amach jʉr werppʉiju ogkhawia, amach khaugpiba aajeejim.

San Juan 18:38

Magbaawai Pilatoou irig, —Mag chadcharam iek anʉm, ¿ma khanim iekhauma? ajim anʉm. Mag “¿Ma khanim iekhauma?” a jeeupet awi deeu dawag oberbaadejim, jũrr chi judionaan dʉi iekhaan. Mag oberwi amag, —Mua mʉg woun bʉ̃ʉrjã kulp paraa sim ooba chirʉmgui ajim, pãrau jaau nʉmjo.

San Juan 19:4

Chi soldaaunau mamagkham ee, chi Pilatoou deeu dawag oberchenaa chi judionaan pom pos thʉnʉmʉg, —Pãade oobat: Cha mua i dawag waipierrum, mua oowai mʉg woun bʉ̃ʉrjã kulp chukhu simgui ajim.

San Juan 3:1

Woun ãb sĩejim, Moiseeu Ẽwandam iek phã pʉatarr wajapcha ʉʉrkhaajem khʉʉn eem, Nicodemo a thʉ̃r sĩerr. Maan judionaan eem chi thethem ajim ĩchab.

San Juan 7:26

¿Jãga jãg õor pom thʉnʉm dakhĩir amachigcha mag iekhamamjã bʉ̃ʉrjã i chig aba nʉmma? ¿Wa ya chi thethecharam khʉʉnaujã, “Jãata chadcha warrgarwe ich Ẽwandamaucha pʉiju jaaujerr” a nʉwa? aajeejim.

San Juan 7:48

Maach meeun judionaan chi pornaanaun khaphʉnaa maach chi fariseonaanaujã khaphʉ nʉmgui ajierram aajem, jãg woun chan Ẽwandamau pʉiju jaaujerr Mesías khaba sim.

Hechos 13:27

Jerusalén phobor eem khʉʉnau amach pornaan dʉimua bʉ̃ʉrjã pod Jesús khaug aubajierramgui ajim anʉm. Mag khãai ante i igwia Ẽwandam i jaaumienau phã pʉatarr iek sabarhedpierr thʉ̃r nʉmjã bʉ̃ʉrjã i khaug auba, warag amachdeuta warrgarwe Ẽwandam i jaaumienau jaauwai i dau aphʉʉ wau thõomamua thõopʉiju a jaaujerrjoo ajierramgui ajim aajem, i dʉi.

Hechos 3:17

Magnaa ich Pedrooupai, —Mua khaphʉ chirʉmgui ajim anʉm, pãrau pãach pornaan dʉimua Jesús pʉrnaa thõopäaiwai chadcha ich Ẽwandamaucha pʉitarr khabampii awiata jãg i thõojierram.

Hechos 4:5

Maimua ag noram ãspaau chadcha Jerusalén phobor ee ãba podpajierram aajem: Judionaan porkha nʉm khʉʉn, Ẽwandamag jeeujem degam khʉʉn jooin, maimua Ẽwandam i jawaag chi machnaanpa, thum ãba.

Hechos 4:8

Magbaawai Pedroou Ẽwandam Akhaar ich gaai phẽs wai sĩerr aawai amag magjim anʉm: —Keena, pãar ar mʉg phobor ee chi porkha nʉm khʉʉn maimua ĩchab mʉg Israel durr Ẽwandamag jeeujem degam jooin, mʉ iek ũrbat, mua pãrag magkhimgui ajim anʉm.