San Lucas 22:6 - Wounaan Meu

⁶ Ichig magbaawai chará warag, —Ich magau magan maach iekhabarm; murua chadcha pãrag i pʉr deejugui ajim anʉm. Magtarr aigmua ãba i pʉr deeju khĩirjugta wai sĩsijim aajem, chi phoborpienagjã ich khaugpiba.

Woun Meu

⁶ Hichig magbaawai chará warag, —Hich magau magan maach hiek'abarm; murua chadcha pãrag hi pʌr deejugui hajim hanʌm. Magtarr haigmua hãba hi pʌr deeju k'ĩirjugta wai sĩsijim haajem, chi p'öbörpienagjã hich k'augpiba.

San Lucas 22:6 Iomraidhean Croise

San Mateo 26:5

Mamʉ mag i thõopʉyaag ẽkha nʉmta amachdeupai deeu, —Õor pom mʉg thʉnʉm meeukhapimaaugau, mʉg phiesta ee chan i chig aba, phiesta dichtarr khurta thõopʉijugui ajierram anʉm.

San Marcos 14:2

Amach odegpain mag i thõopʉiju khĩirju naajieb mamʉ, jũrr tagam khʉʉnau, “Keena, mʉg nemkhoo ee maadeu i thõoba sĩuju. Magba akhiin õor pom mʉg wejom maach dʉita meeukhaju” aajeejim anʉm.

San Lucas 22:5

Maimua barimawia jaaubaawai, amachdeu chi Judas iek amach jʉ̃gaagaa ũrbaawai, oneeu phobaadewia warag irig phatkhonjã deeju a iekhajierram aajem.

San Lucas 22:7

Judaau Jesús eugar mamagkham ee, pan levadura chukhu wauwia khoojem ed ãspa eebaadejim aajem. Mag ed judionaanau nemkhoo edam athee ovejadam wai narr thõowia edau kheubaadeewai khoojeejim aajem.