San Lucas 22:52 - Wounaan Meu

⁵² Maimua Jesuu oowai aig naajim aajem: phadnaan chi porkha nʉm khʉʉn, judionaan Asamblea eem pornaan, maimua Ẽwandam i jeeujem di thʉajem khʉʉn chi pornaanpa thʉnaajim aajem, i pʉr awaan beetarr khʉʉn. Magbaawai chi Jesuu amag magjim aajem: —¿Pãrau oowain mʉʉn sĩi õor nem jĩgkhanaa õor thõomiejota chirabama ajim anʉm, jãg sĩi mʉ aig jua ee jierrnempan appai beeg?

Woun Meu

⁵² Maimua Jesuu hoowai haig naajim haajem: p'adnaan chi pörk'a nʌm k'ʌʌn, judionaan Asamblea heem pörnaan, maimua Hẽwandam hi jëeujem di t'ʌajem k'ʌʌn chi pörnaanpa t'ʌnaajim haajem, hi pʌr hawaan bëetarr k'ʌʌn. Magbaawai chi Jesuu hamag magjim haajem: —¿Pãrau hoowain mʌʌn sĩi hõor nem jĩgk'anaa hõor t'õomiejöta chirabama hajim hanʌm, jãg sĩi mʌ haig jua hee jierrnempan happai bëeg?

San Lucas 22:52 Iomraidhean Croise

San Mateo 26:47

Mag maar aig beewi agtha ich Jesús maar dʉi iyʉʉ dʉnʉm ee, ich mag maach i khapeen doce narr eem ãb Judas anʉmta õor pochag urajim. Mag wedurum khʉʉnan ãaur khʉʉn espaar jua panhapha bee thʉnaawai tagam khʉʉn pa dʉijã bee thʉnaajim. Makhʉʉn, phadnaanau jooin chi pornaan dʉimua pʉitarr khʉʉn ajim.

San Mateo 26:55

Mag iekhapʉiwia jũrr ich pʉr awaan beetarr khʉʉnagta, —¿Pãrau oowain mʉʉn sĩi õor nem jĩgkhanaa õor thõomiejota chirab ajim jãg pãrau sĩi mʉ aig jua ee jierrnempan appai beeg athee? Ag na ed eepierr pãrag mua Aai i jeeujem deg Ẽwandam i jaaujeewai bʉ̃ʉrjã pãrau mʉ pʉr aubajierram.

San Lucas 22:37

Mua pãrag mag chirʉmʉn, Ẽwandam iek phã sim gaai jaau simjo ya mʉch thõimʉʉ paawaita mag chirʉmgui ajim anʉm. Ẽwandam iek phã sim gaai mʉ igwia jaauwai, “Iin, õor thõomiejota wai naaju” a sim. Mʉ igwia ich mag phã sim aawai chadcha thum ichdeu jaau sim eyaa obeberg maju a jaaumajim aajem.

San Lucas 22:51

Magbaawai Jesuu ich khapeenag, —Oob jãgmiet; ideu mʉ dʉi amachdeu ampierr apibat ajim anʉm. Magnaa chi kach deeu ich sĩerrjoo khaarpi sĩujim anaabá.

San Lucas 22:53

Ẽwandamag jeeujem deg ed eepierr pãar dʉi mʉ chiraawai, bʉ̃ʉrjã pãrau mʉ chig aba aajerrta, ĩsta Ẽwandamau pãrag ʉdʉraa mʉ pʉr aupiju ed ajim. Maagwai ĩsta ĩchab chi dosãtjã pãar ʉ̃rpaju ed ajimgui ajim anʉm, mʉ pʉr aumkhĩir.

San Juan 17:12

Mʉg jẽb gaai mʉchta am kha ogdʉba chitaawain pua mʉrʉg jua theeg deetarrau mua am chig apiba thʉa wai chitajimgui ajim, magamkhĩirta pua amag mʉ iek ʉkhapitarr aawai. Mag am thʉa wai chitaawai ãbjã okhooba, ãba ya ag nawe chi okhoom arr appaita okhoobarmgui ajim. Dau ãb jãgbarmʉn, jãan pʉch iek phã sim gaai jaau simjo ich jãgju arr aawai ajimgui” ajim, Judas igwia.

Hechos 5:26

Magbaawai mag Aai i jeeujem degam guardianaan porou agjo guardianaan ich khãai jua eegpaim khʉʉn dʉi mawia, õor pom am iek ũr narr khʉʉnag amach mokou barm ugua, bʉ̃ʉrjã am chig aba phe aubeejim aajem.