San Lucas 22:42 - Wounaan Meu

⁴² Mag jeeumamua, —Tata ajim anʉm, pua khõs akhiin, atcha mʉ dau aphʉʉ apibakham. Deeum nem waubarmuajã agjo õor peerdʉ auju ayaa akhiin, mʉ gaai machag mʉgcha ãwatbakhamgui aajeejim anʉm. Mamʉ pʉchdeuta khap chirʉm; mʉchdeu khõsi chirʉmjo khaba, pʉchdeu khõchagpierrta mʉ dʉi abá a iekhamajim aajem.

Woun Meu

⁴² Mag jëeumamua, —Tata hajim hanʌm, pua k'õs hak'iin, hatcha mʌ dau hap'ʌʌ hapibak'am. Deeum nem waubarmuajã hagjö hõor peerdʌ hauju hayaa hak'iin, mʌ gaai machag mʌgcha hãwatbak'amgui haajeejim hanʌm. Mamʌ pʌchdëuta k'ap chirʌm; mʌchdëu k'õsi chirʌmjö k'aba, pʌchdëu k'õchagpierrta mʌ dʌ̈i habá ha hiek'amajim haajem.

San Lucas 22:42 Iomraidhean Croise

San Mateo 11:25

Ich mag jaar ĩchab ich Jesuu ich Ayag jeeumamua, —Tata, mua pʉrʉg ʉu ajim a chirʉmgui ajim anʉm, pʉchta ʉ̃gtharm magwe nem thum mʉg wejom Por aawai. Mʉ onee chirʉmgui ajim anʉm, õor amach khĩirjug khaug thowia, nem thum khaphʉm khaphʉm aajem khʉʉnaujã amach peerdʉju iek khaugba arrta, jũrr pua khĩirjugdam meraa chaainjo khitheem khʉʉnagta ʉu khaugpibaawai.

San Mateo 11:26

Chadcha puata nem wajapha waaujem Tata, pʉchdeu juau am dʉi magju atarr aawai ajim aajem mag jeeumamua.

San Mateo 20:22

Magbaawai Jesuu warre chi chaainagta, —Pãrau chan pãachdeu jeeu nʉmjã khaugbata nʉmgui ajim. ¿Pãrau khĩirjuawai mag pãachta warm khʉʉn khãai ʉ̃rpai aag chikhamnau pãach dau aug wau nʉmjã mʉ denjo ãwatju aai nʉ? ajim amag. Magbaawai amachdeu, —Eera, marau ãwatbajup ajierram.

San Mateo 26:39

Amag mag jaau pʉawi ichin am bigaau am warphaapai sĩeimajim aajem. Magnaa jẽkhʉt thʉkhoonaa khĩeb jẽb gaai dagau dʉrnaa ʉ̃gthaag jeeumamua, “Tata, pua khõs akhiin, atcha mʉ dau aphʉʉ apibakhamgui” ajim anʉm. “Deeum nem waubarmuajã agjo õor peerdʉ auju ayaa akhiin, mʉ gaai machag mʉgcha ãwatbakham. Pari mʉchdeu khõsi chirʉmjo khaba, pʉchdeu khõsimjota mʉ dʉi abá” a jeeumajim aajem.

San Mateo 26:42

Maimua ichin deeu ũwaai mawia jeeubaademua ich Ayag, “Tata, pua mʉ mʉg dau aug waupibaju ayaa akhiin ʉu akhamgui” a khitaajeejim anʉm; “mamʉ ichiita mʉ aphʉʉ aju aai chirʉm khai, agjo ʉu sim. Mʉ dʉi pʉchdeu am aig abá” a jeeumajim aajem.

San Mateo 26:44

Mag khãidʉtkha thʉnʉm oobaichee deeu ich sĩerr aar mawia ich ag iekpai deeu ich Ayag jajawagmajim aajem. Ma biek thãrjupam ajim aajem, mag jeeu sim.

San Mateo 6:10

Pʉrʉgta marau maach dʉi pʉchdeu ampierr apinaa pʉchta thumaam khʉʉn Porkhapim khõsi nʉm. Ʉ̃gtharjã jãg pʉchdeu nem waupi jaau nʉm appai waaujemjo, mʉig eegarjã thum pʉchdeu jaau simjota apim khõsi nʉm.

San Marcos 14:36

—Tata, pʉ ithee chan bʉ̃ʉrjã phithurm nem chukhum. Pua khõs chirʉm khai mʉ peerdʉ athá ajim anʉm, mʉ dau aphʉʉ aju nawe. Pʉrʉg mua jeeu chirʉm, mamʉ mʉchdeu khõsi chirʉmjo khaba pʉchdeu khõsimjota abá mʉ dʉi a jeeumajim aajem.

San Lucas 23:34

[Maagwai pakuls gaaimua Jesuu, —Tata, õrau mʉ dʉi mʉg nʉm ideu sĩi ich jãg khĩir okhoobapʉi. Amau amachdeu nem wau nʉmjã khaugba naawaita mʉg mʉ dau aphʉʉ wau nʉm aajeejim aajem.] Maagwai chi soldaaunau amach appai, “Magan ¿khaíuta chi khajũa jʉ̃aju khai?” awia, mokdaudam bar nʉmua gan aumajierram aajem.

San Juan 18:11

Magbaawai ich Jesuu Pedroog, —Pʉch espaar deeu ich deg phĩ sĩubá, oob mʉ kõit jãgam ajim. ¿Pua khĩirjuawai mʉ Ayau mʉrʉg mʉg dau aphʉʉ api sim isegwi mua i ichaaur aju aai chirʉ́? Mua pod magju khaba chirʉm, ichiita am jua ee aphʉʉ aju aai chirʉmgui ajim.

San Juan 4:34

Pari maar mag iekha nʉm ũrbaawai Jesuu marag, —Mua mag thach khoju wai chirʉm a chirʉmʉn, Ẽwandamauta mʉ pʉitarr aawai irua khõsi simjota nem wau chirʉmʉugui ajim, mʉchig phidag jaaupʉitarr thumaa opʉyaag.

San Juan 5:30

’Mʉ Ayauta mʉ pʉitarr aawai irigjã jeeuba sĩi mʉch khĩrau chan pod mua nem wauba chitʉmgui ajim. Maguata, mʉch Ayau jaaubaawaita mua agpierr nem waaujem; mag ichdeu jaau sĩewai nem agchata waaujemgui ajim.

San Juan 6:38

Mʉ chan sĩi mʉchdeu am aig nem wawaagjã ʉ̃gtharmua beebajim. Mʉʉn mʉch Ayau mʉchig nem mag abaawai i ipierr aagta beejimgui ajim, ichdeuta mʉ pʉitarr aawai.

Hechos 21:14

Par mag jajaaukhamjã maach iek ʉkhaba abaawai warag ich magpai sĩuwia Ẽwandamagta marau, —Ẽwandam, pʉʉta maach Por aawai pʉchdeu khap irig nem jaaubá anaajim.