San Lucas 22:41 - Wounaan Meu

⁴¹ Mag jaauwia, ichin am aigmua mawia, juau mokdau barbapäaiwai burrjem ag warphagjopai sĩeimajim aajem, am bigaau. Maig jẽkhʉt jĩeporou phõbkhanaa, ʉ̃gthaag eerpanaa, ich Ayag jeeubaadejim aajem.

Woun Meu

⁴¹ Mag jaauwia, hichin ham haigmua mawia, juau mokdau barbapäaiwai burrjem hag warp'agjöpai sĩeimajim haajem, ham bigaau. Maig jẽk'ʌt jĩepöröu p'õbk'anaa, hʌ̃gt'aag heerpanaa, hich Hayag jëeubaadëjim haajem.

San Lucas 22:41 Iomraidhean Croise

San Mateo 26:39

Amag mag jaau pʉawi ichin am bigaau am warphaapai sĩeimajim aajem. Magnaa jẽkhʉt thʉkhoonaa khĩeb jẽb gaai dagau dʉrnaa ʉ̃gthaag jeeumamua, “Tata, pua khõs akhiin, atcha mʉ dau aphʉʉ apibakhamgui” ajim anʉm. “Deeum nem waubarmuajã agjo õor peerdʉ auju ayaa akhiin, mʉ gaai machag mʉgcha ãwatbakham. Pari mʉchdeu khõsi chirʉmjo khaba, pʉchdeu khõsimjota mʉ dʉi abá” a jeeumajim aajem.

San Marcos 14:35

Magpet awi ichin ag atgajãrpai kanieu phõbkhanaa, jẽb gaai dagau dʉrnaa, Ẽwandamag jeeumamua i gaai machag ãwatpibaju akhiin ʉu akham a jeeumajim aajem. Magnaa,

San Lucas 18:11

Chi ajapcha Moiseeu phã pʉatarr iek ʉʉrkhaajemua bʉjãaupai oo dʉnʉmua, Ẽwandamag jeeu nʉm anʉmta, ichpai tho iekhamamua magmajim aajem: “Ẽwandam, pʉrʉg ʉu ajim a chirʉm, ʉuta jãg mʉ chikhamnaanjo khaba chitʉm. Mʉ amjo nem jĩignemjã khaba, pekau pomjã khaba, ni deeum ʉʉinjã wauba chitʉmgui” ajim anʉm. “Mʉ chan gobiernoog õrau debpaar paraa nʉm khʉʉnag jeeujem ar achum simjojã khaba chitʉm” a iekhamajim anʉm, ichdeupai ich ajaug thowia.

San Lucas 18:13

Maagwai jũrr chi gobiernoog paar nʉm khʉʉnag jeeujemdam ich appai ag warphaa oothẽu kherʉmua agjo Ẽwandamag jeeu sĩejim aajem. Mamʉ maan, jũrr ichdeupaijã ich pekau pom khitʉm khaphʉ sĩerr aawai, gaai machgau warag eeg ʉ̃thʉnaa por jõjõikhamuata maagjeejim anʉm Ẽwandamag: “Ẽwandam, mʉch chadcha pekau pom chitʉm khap, pʉrʉg jeeu chirʉm; mʉ ap chitʉm mʉ eeg oobá” aajeejim anʉm.

Hechos 20:36

Mag am wawí wai sĩewi iekha aaipabaadeewai jĩepor phõbkhanaa amach thumaam khʉʉn dʉi ãba Ẽwandamag jeeujim.

Hechos 21:5

Mamʉ par mag mapiba jaau nʉm ãba, seman ãb dichdimam ee maar wetaagpajim. Mag maar wetum aadeewai Ẽwandam gaaimua maach khodkha nʉm khʉʉn thum amach ʉʉin dʉi amach chaainpa phobor igaau jer maar oopäain beejim. Maig jer mosjã ee pachewi, maach thum jĩepor phõbkhanaa, Ẽwandamag jeeujim.

Hechos 7:60

Mag Ẽwandamag jeeu dichwia, jĩeporou jẽkhʉt phõbkhanaa thet, —Señor ajim anʉm, amau mʉ dʉi mʉg khaigba nʉm paarjã oob pua amag mʉgtarr iek eudʉ chitamgui ajim anʉm. Mag iekha khitʉm ee, warag chaaupabaadejim aajem.

Hechos 9:40

Magbaawai ich Pedroou õor thum dawag jʉrkhʉʉipʉiwi, kanieu phõbkhanaa, Ẽwandamag oraajim aajem. Mag oraa aaipawi chi binaanag oonaa, —Tabita, phiidʉbá ajim anʉm. Magbaawai chadcha chi binaanau dau ẽe oowia Pedro khĩir eerpa athaawai phiidʉ oo sĩsijim anaabá.

Hebreos 5:7

Cristo agtha mʉig eegar kheraawai ʉu ich meem iekcha meepiba aag jua theeg simʉg jeeu simua nem theeg ijẽjẽbkham dʉi bĩe jochkherʉmuata jeeu kherajim aajem; ajapcharan ich Ayag jeeu kherʉmuama. Mamʉ mag ich Ayau khõsimjo i ipierraa am khõchgauta ichig jeeutarr aawai ʉu Jooirau i iek ʉkhajim, deeu i phiriu athamua.