San Lucas 22:39 - Wounaan Meu

³⁹ Maigmua oberdʉtkhaau Jesús Olivo durrsĩig petajim aajem, kheeupierr mawia mag durrsĩ gaaimua ich Ayag jeeujerr aawai. Mag i mam dʉi ĩchab i khapeenjã i dʉi wetjim aajem.

Woun Meu

³⁹ Maigmua höbërdʌtk'aau Jesús Olivo durrsĩig petajim haajem, k'eeupierr mawia mag durrsĩ gaaimua hich Hayag jëeujerr haawai. Mag hi mam dʌ̈i hĩchab hi k'apeenjã hi dʌ̈i wëtjim haajem.

San Lucas 22:39 Iomraidhean Croise

San Mateo 21:1

Mag wetumua ya Jerusalén dakha Olivo durrsĩ gaai deeum phobordam Betfagé anʉm paaukhabaimaawai ich Jesuu maach ich dʉi wenʉrraajerr khʉʉn eem numí thʉ̃rnaa amag,

San Mateo 26:30

Mag maach ich dʉi ãba wenʉrraajerr khʉʉn ich dʉi ãba mes gaai iyʉʉ thach kho aaipawi, meukhaarjã Ẽwandam iek Salmos anʉm gayam auwia, Olivo durrsĩig wetjim.

San Marcos 11:11

Mag wetumua Jerusalén phobor ee barimajierram aajem. Mag barimawia, Aai i jeeujem diig mawia, ag ee dubwia, dijã thumaa eerpa phʉʉrdʉpʉiwia, deeu oberbaadejim aajem. Mag oberbaadewia ya edau kheeuraa aadem ee Betaniaag petajim aajem, ich khapeen doceem dʉi.

San Marcos 11:19

Mamʉ amau mag khĩirju nʉm ee, ya edau kheubaadee Jesús ich khapeen dʉi mag phobor eemua warag amachta chawag wetjim aajem.

San Marcos 13:3

Maigmua ereubaadeeu mag Aai i jeeujem di khĩirphee durrsĩ Olivo anʉm gaai sĩeimajim aajem, ich khapeen dʉi. Maimua barwi ya i jẽkhʉt jupbaimaawai Pedroou, Santiago, Juan maimua Andrés dʉimua amach jayapam khʉʉnau irig jeeumamua magjierram anʉm:

San Marcos 14:26

Jesús mag ich khapeen dʉi ãba mes gaai iyʉʉ thach kho naawia, meukhaarjã Ẽwandam iek Salmos anʉm gaaim auwia, Olivo durrsĩig ereujim aajem.

San Lucas 21:37

Mag jaau simua ãsdaaupain sĩi Jesuu Aai i jeeujem deg õrag jaaujeejim aajem, Ẽwandam iek. Maimua edaar paawaita jũrr durrsĩ Olivo anʉm gaai mawia ich mam eejeejim aajem.