San Lucas 22:36 - Wounaan Meu

³⁶ Magbaawai deeu ichdeupai amag, —Magtarr ĩsin chadau put wai nʉm khai, athaadet; ĩchab phatkhon khãijã wai nʉm khai, athaadet; maimua ãb khãijã espaar chukhu sim khai, ich khajũa perbapʉi ajim anʉm, agua awaag.

Woun Meu

³⁶ Magbaawai deeu hichdëupai hamag, —Magtarr hĩsin chadau put wai nʌm k'ai, hat'aadët; hĩchab p'atk'on k'ãijã wai nʌm k'ai, hat'aadët; maimua hãb k'ãijã espaar chuk'u sim k'ai, hich k'ajũa përbapʌ̈i hajim hanʌm, hagua hawaag.

San Lucas 22:36 Iomraidhean Croise

1 Tesalonicenses 3:4

Maach ipaarmua nawejã marau pãrag, ichiita maachin ich jãg õrau maach dʉi khaigba nʉm gaaimua okhĩirjugjã ãwatab khaba ãwat wenʉrraju a jaau naajim. Magtarr aawai chadcha ag ee oberjim. Majã pãrau khaphʉ nʉm.

San Juan 16:33

Oob khĩirjumiet, mua ag nawe thum pãrag mag jaau chirʉmʉn, pãach warag mʉ denkha wenʉrrʉm gaaimua onee amkhĩraugui ajim. Mʉig eegar nʉweran pãar chadcha dau aphʉʉ wenʉrraju; pari khĩirdam onee abat ajim; mua mʉch garmuata mʉg durr gayam jua theeg thum podpʉiwia pãar eeg oo wai chitajugui ajim.

1 Pedro 4:1

Mag, Cristojã maach gaaimua õrau mas wautarr aawai pãarjã agjo i gaaimua dau aphʉʉ aag magʉm abaju aai nʉm. Cristo gaaimua dau aug wau nʉmjã magʉm aba, waragta i ipierraa jʉmpʉpʉikhamʉn, pekaujã maach dʉi jua theeg chukhuta aadeejem,

San Juan 15:20

¿Chaig mua jaau chirarr pãrau khĩir eyaa khaba nʉ? Sĩi chikham chogkha nʉm khʉʉn amach patronnaan khãai ʉ̃rpai khaba aajem. Magua, amau mʉ dʉi khaigba aajerr aawai pãarjã ich agjo amau khaibag waujugui ajim. Maagwai ich jãg mua jaau chitʉm iek ãaur khʉʉnau ʉkhatarr aawai pãar iekjã agjo amau ʉkhajugui ajim.

San Mateo 10:10

Ni khʉd jãrr thach khoogjã oob phiejãb arrmiet ajim. Khajũajã pãach mor gaaim appai arrwi zapatjã pãachdeu jũa nʉm appaita athaadet. Bordonjã chukhu ich jãg ereubaadet ajim. Mua pãrag mag chirʉmʉn, pãachdeu am dʉi wajapha nʉm khʉʉn õraupai agjo pãrau nem igbarmjã khap naaju aawaita bʉ̃ʉrjã nem arrpiba chirʉmgui ajim.

San Lucas 22:35

Maimua warm khʉʉnagjã magjim aajem: —Ar mua Ẽwandam iek jawamkhĩir pãar putjã chukhu phatkhonjã chukhu sĩi ich jãg zapat theg jũajujã chukhu pʉijim ed, ¿nem inag athee pãar augchejierrá? ajim anʉm. Magbaawai chi khapeenau, —Ʉ̃hʉ̃, bʉ̃ʉrjã maar augchebajimgui ajierram aajem.

San Lucas 22:37

Mua pãrag mag chirʉmʉn, Ẽwandam iek phã sim gaai jaau simjo ya mʉch thõimʉʉ paawaita mag chirʉmgui ajim anʉm. Ẽwandam iek phã sim gaai mʉ igwia jaauwai, “Iin, õor thõomiejota wai naaju” a sim. Mʉ igwia ich mag phã sim aawai chadcha thum ichdeu jaau sim eyaa obeberg maju a jaaumajim aajem.

San Lucas 22:38

Magbaawai amachdeu irig oopinaa, —Señor, ya marau mʉig espaar numí wai nʉmgui ajierram anʉm. Magbaawai ichdeu, —Tag mʉ iekhabam, ideu ich magpai sĩujugui ajim.