San Lucas 22:32 - Wounaan Meu

³² Mamʉ mua jũrr pʉ kõit Ẽwandamag jeeu chirʉmgui ajim anʉm, pʉch khũgurcheewai warre burrm iek burrm ugua. Maagwai ũmaai deeu mʉ thʉ̃r gaai khĩirju chirsiewai pʉchdeupaita jũrr pʉch khapeenag jaauju aai chirʉmgui ajim anʉm, amjã agjo ubʉ nʉisimkhĩir.

Woun Meu

³² Mamʌ mua jũrr pʌ kõit Hẽwandamag jëeu chirʌmgui hajim hanʌm, pʌch k'ũgurcheewai warre burrm hiek burrm hugua. Maagwai hũmaai deeu mʌ t'ʌ̃r gaai k'ĩirju chirsiewai pʌchdëupaita jũrr pʌch k'apeenag jaauju haai chirʌmgui hajim hanʌm, hamjã hagjö hubʌ nʌisimk'ĩir.

San Lucas 22:32 Iomraidhean Croise

San Mateo 18:3

—Mʉ cha iekha chirʉm iekhau pãrau pãachta ʉ̃rʉʉcha am khõchgau pãachdeu mag khĩirju nʉm isegnaa chaain mʉgʉmdam agtha serbiibamjoo abam chan, pãar pod mʉ dʉi chi pornaan khaju khaba nʉm.

San Mateo 26:75

Mag ãthãrr iek ũrbaawaita ich Pedroou jaauwai i khĩir eyaa dʉnʉisijim anʉm, Jesuu ichig “Nau ãthãrr bĩeju nawe pua biek thãrjup õrag mʉ khaugba chitʉm a iekhaju” atarr. Mag khĩir ee dʉnʉisim abarmʉn chadau gaai machaaga aademua dawag oberwi warre o jãsenag aademua bĩe chirʉʉ ajim aajem, ichdeu jaauwai.

San Marcos 14:72

Pedroou mag irua chan bʉ̃ʉrjã Jesús khaugba chitʉm a iekhabarm ee, deeu ũmaai chi ãthãrrta kekerekee ajim anaabá. Mag ãthãrr biek numí bĩe dichdimaawaita Pedroou warre Jesuu ichig iekhamatarr khĩir eyaa aadejim anʉm, “Ãthãrr biek numí bĩeju nawe pua biek thãrjup õrag bʉ̃ʉrjã mʉ khaugba chitʉm a iekhaju” ichig Jesuu jaautarr. Ichig magtarr thumaa khĩirju athaawaita warre okhĩirjug machag aademua icharaucha o jãsehne bĩe chirʉʉ ajim anaabá.

San Marcos 16:7

Maimua amag, Ereubaadewi i khapeen tagam khʉʉnagjã jaauwi Pedroogjã jaaubat ajim anʉm: “Ichin ya pãar nawe Galileaag petam. Nau jamta i ooimaju” a jaaubat ajim anʉm, ichdeu amachigcha ag nawe jaautarrjo.

San Lucas 8:13

Maagwai mokpor jojoodog ee nemjĩir dau burrmarr, ar maach khapeenau Ẽwandam iek ũurwai onee ʉkhaajem khʉʉnaugui ajim anʉm. Mamʉ thãraucha ʉkha nʉm khaba aawai, nemjĩir dau pod khaar khaba aajemjo khũchpai ʉkhawia iseg pʉajem. Maagwai ʉkha nʉm anʉmta mag iek ajapham gaaimua meperau khaigba aicheewai deeu Ẽwandam iekta isegwia warr amach naajerrjo wenʉrram khõsi nʉmgui ajim anʉm.

San Juan 14:19

Nau mʉigmua jopcha pom khaba nʉm ee, mʉg jẽb gaai mʉ iek ʉkhaba nʉm khʉʉnau tag mʉ oobaju. Pari mag amau mʉ ooba awiajã pãar dʉin deeu maach oojugui ajim. Mag deeu maach oobaawaita pãrau khaphʉ ajugui ajim, pãachjã mʉchjo ich mag iiu wenʉrraju.

Hechos 3:19

Pãachdeu i dʉi magtarr jũrr pãach khaibag thumaa ãsie ewag khĩirjunaa Ẽwandamag chugpaapi jeeubat ajim aajem, mag khaibag chugpamkhĩir. Pãach thum israelnaanau magta jeeukhiin, mag Jesús warrgarwe Ẽwandamau jʉr auwi pʉiju aajerr deeu pʉibarm gaaimua Ẽwandamauta pãar kha oneg chukhu narrjã kha onee apijugui ajim aajem.

Romanos 8:32

Ẽwandamau ich Chaaijã ĩgkhaba, sĩi warag ʉdʉraa maach thumaam khʉʉn kõit thõopibarmua nem dee nʉmjo deetarrta, jãgwi irua sĩi maachdeu nem inag ig nʉmjã deeba abarju.

Romanos 8:34

Cristota maach kõit meewia deeu iiu phiidʉwia maach peerdʉ autarrta, khaíu jũrr ichaaur maach khaibag waupibarju. Ante magpimaaugau ichdeuta ʉ̃gtharjã maach kõit jeeu sim. Maimua ichta mag maach kõit iekhaagjã Ẽwandam dʉi iek theeg sĩebahab.

2 Timoteo 2:18

Maguata amach mag wenʉrram khõchgau warag amachta mag maach Ẽwandam iek chaar eemuajã oberdʉtkhawi sĩi nem parhooba jaau wenʉrrʉm. Mʉg atag okhar maach phiidʉtkhajuuta am iek mag ya maach iiu phiidʉwi nʉm aajem. Magʉm iek ũrwi ãaur khʉʉnau ʉu Cristo iek ogdʉba ʉkha narrta ya warag iseg wetum.

Tito 1:1

Mʉʉn Pabloou, Ẽwandam chog anaa ĩchab Jesucristoou ich i jaaumkhĩir jʉr autarr. Magtarr aawai mʉ phidagan, ar ich Ẽwandamau jʉr aumam khʉʉnag warag i iekta ʉkhamkhĩir amag jaau nʉmʉu, mag jaaumam gaaimua chadcha Ẽwandam iek maachdeu ʉkha nʉm chaarta thumaam khʉʉnau khaugphomamkhĩir.

Hebreos 12:15

Magam ugua Ẽwandamau pãach dʉi ich garmua nem ajapha am ig sim chan oob ʉdʉʉr okhoopimiet; ni ãbamʉgjã oob pãach ee sĩi pakher khaigbamjo oberpimiet. Ʉdʉraa magta apimʉn, mag oowi deeum khʉʉnaujã i denjo aadeewai, bigaaum khʉʉn gaaipata warag ben ãkhãraamjo dʉrbabaadeewai, õor pom Ẽwandam dʉi ʉu narr khãijã khaigba aju.

Hebreos 7:25

Maguata ich gaaimua Ẽwandam jʉr nʉm khʉʉnan, irua peerdʉ aub khaba peerdʉ auwi ich mag ich denkha wai sĩsiejem. Mag ichjã ich mag iiu sĩerraawai ich iek ʉkha nʉm khʉʉn kõitjã ich mag ichdeuta Ẽwandamag jeeu nʉrraju.

1 Pedro 1:1

Mʉʉn Pedroou, Jesucristooucha ich i jaaumkhĩir jʉr autarr. Pãar pãach durr chaaur parhooba aaidʉ durrum khʉʉnag muata pãrag mʉg ẽsap phã deepʉi chirʉm: Ponto anʉm durram khʉʉnag, Galaciapienag, Capadociapienag, Asiapienag maimua Bitiniapienagjã agjo; ajapcharan maach meeun thum maach peerdʉajem iek ʉkha nʉm gaaimua durr chaaur dʉr durrum khʉʉnagma.

1 Pedro 1:13

Maach Por Jesucristo mag chi jua thierr aawaita muan pãragan, ichdeu pãachig nem mag aawai i ipierraa aagta khĩir khaug nʉisit a chirʉm, ichdeu pãach jʉraan beem ed Ẽwandamau pãach dʉi ajapha aju khĩirjugjã ogdʉba, ni Ẽwandamau waupiba aajem nemjã wauju khĩirjuba.

1 Pedro 1:5

Pãraujã pãach thãrauchata Ẽwandam iek ʉkha naawai irua ich jua theegauta pãar thʉa wai sĩeju, mʉg atag deeu Cristo beewi maach ich aarcha phe arr nʉm ora. Mag pãar phe athaadem edta pãachdeu nem ajapham paarpaju khĩirjuajerrjã thumaa chadcha pãrau wai nʉisiju.

2 Pedro 3:14

Cristo gaaimua khodamnaan, maguata muan pãragan Ẽwandamau mag maachig durr iiur deeju a sim ed pa nʉm ora, pekau chukhu wenʉrrajuuta ẽkhanaa thumaa khõinaa wenʉrrat a chirʉm, maagwai degolp ich dʉnʉʉubaicheewaijã pãach ajapha nʉm oochemkhĩir.

1 Juan 2:19

Pari jãg nʉrrjeem khʉʉnan maach eem arr khʉʉnpaita ĩs jãg Cristo igar khaba iekha nʉrrjeem; mag maach eem khʉʉn ajieb mamʉ, am chadcha maachjo Cristo den khabajierram. Am chadcha maachjo Cristo den arr akhiin agtha maach dʉi ogdʉba wenʉrrakham. Pari juaujo ich Ẽwandamau jãgpi simʉn, jãan maach ee maach khapeen anʉm khʉʉnjã chadcha Cristo den chaar khaba nʉmta jãg nʉrrjeemjã merag chukhu khap amkhĩrau.