San Lucas 22:30 - Wounaan Meu

³⁰ Mag mʉchta thumaam khʉʉn Porkha chirsim edta deeu maach ãba onee aju. Maimua rey juupjemjom sie gaai jupkhawia pãachta mʉ dʉi jooi Jacob khararr chaain doce narr khʉʉn ag chaain ewagam khʉʉn porkhajugui ajim anʉm.

Woun Meu

³⁰ Mag mʌchta t'umaam k'ʌʌn Pörk'a chirsim hedta deeu maach hãba honee haju. Maimua rey juupjemjöm sie gaai jupk'awia pãachta mʌ dʌ̈i jöoi Jacob k'ararr chaain doce narr k'ʌʌn hag chaain hewagam k'ʌʌn pörk'ajugui hajim hanʌm.

San Lucas 22:30 Iomraidhean Croise

San Mateo 19:28

Magbaawai Jesuu magjim: —Cha mʉ iekha chirʉm iekhau mʉg durr jooi edaujã dʉi thum chi iiurig pawia mʉch chi Emkhooi Iewaa õor Porkhaag khu juupjem wajappha khitʉm gaai oo chirsim ed, pãar mʉg mʉ ogdʉba mʉ dʉi wenʉrraajem khʉʉnta mʉ jup chirʉm bigaau porkhau doce nʉm gaai ohood ajugui ajim. Pãachdeuta mʉ dʉi pãach ipaarmua jooi Jacob khararr chaain doce narr khʉʉn ag chaain ewagam khʉʉnagjã khap jajaau aju, jãgaju Ẽwandamau am dʉi.

San Mateo 5:3

—Pãar ar pãach khaigba nʉm khap Ẽwandamagta pãach eeg oopim khõsi durrum khʉʉn, onee abat ajim anʉm, pãachta i dʉi ãba jooba wenʉrraju aawai.

San Mateo 8:11

Chadcha mʉg atag õor pom durrpierram khʉʉnta maach jooin Abrán khararr dʉi, Isá khararr dʉi maimua Jacob khararrpa ʉ̃gthar Ẽwandam dʉi ãbam mes gaai ohood aphobaadeju, i dʉi ãba thach khoog. Maig thʉnaaju: ed obeerjem garm khʉʉn dʉi edau burrjem garm khʉʉnpa maach meeun dʉi ãba.

San Lucas 12:37

Pãrau khaphʉ nʉmgui ajim anʉm, ar chi chognaan mag daukhana amach patrón nʉ nʉm khʉʉnan onee aju, i barbaicheewai. Mag amau daukhana ich nʉ nʉm oobaicheewai, ichta jũrr chi chogkha simjo am sĩi nʉmich, mes gaai thach thoikhawia am jãhogjugui ajim anaabá, ich garmuata.

San Lucas 14:15

Mag Jesús iyʉʉ sim ũrwia, ãb i dʉi ãba thach kho sĩerrau irig, —Ʉ̃gthar pawiajã ich mʉg cha maach nʉmjo Ẽwandam dʉicha thach kho sim wounan chadcha i onee ajugui ajim anʉm.

2 Timoteo 2:12

I gaaimuata phithurg au wenʉrrʉmjã magʉm igba nʉmʉn, magan ĩchab irua durr jʉ̃a sim aar pawijã maach iek thethe wenʉrraju i dʉi. Mamʉ maadeuta i iek ʉkhamapham iekhau i khaugbam amʉn, magan maach meem edjã agjo irua maach aubaju iekhau, “Muajã pãar khaugba chitʉm” aju.

Santiago 1:1

¿Jãgpai nʉ keena? Mʉʉn Santiagoou, Ẽwandam chog anaa ĩchab maach Por Jesucristo chog. Durrpierr maach meeun judionaan Cristo denkha nʉm khʉʉn pãach nʉnʉidʉmpierr pãragta mua saludaa chirʉm.

Apocalipsis 19:9

Maimua chi Ẽwandam chogau mʉrʉg, —Nau mua iekhabarm phã sĩubá ajim. Mʉg iekhan ich Ẽwandamaucha ich imeerba jaaupitarrta mua pʉrʉg jawaagpamgui ajim mʉrʉg. Magnaa ichdeupai, Corderoou ich jua pʉr nʉm phiesta ee thʉ̃rkhʉʉiwi chi wet nʉm khʉʉnan chadcha oneeta ajugui ajim.

Apocalipsis 3:21

Ar nem phithurm awiajã ogdʉba ʉu amachdeuta i denjo nem thum podpʉi nʉm khʉʉnagan, irua ich jup chirʉm gaai dʉi ãba ich bigaau juppiju aajem, ich dʉi ãba iek theeg nʉisimkhĩir, ich jãg ichdeujã nem thum podtarr jũrr ĩchab ich Ayau ich dʉi ãba iek theeg apitarrjo.

Apocalipsis 4:4

Mag porkhau pom sim bigaau deeum ich agjo porkhau chaaindam daii khitheem khapan veinticuatro ohood phʉʉrdʉ wejomjã mua oojim. Maig ĩchab jooin khajũa wajappha bäpphä jũanaa porsirjã phĩr den jũa sĩsid ajim. Makhʉʉn jooin chi khapanagjã veinticuatro narr aawai makhʉʉn porkhau mag veinticuatro narr gaai ich agpierr ohood wejoojim.