San Lucas 22:26 - Wounaan Meu

²⁶ Mamʉ pãar ee magju aai khaba nʉmgui ajim anʉm. Mag khãyau chadcha thethem awia khãijã warag serbiibamjota aju aai sim; maagwai chi porkha simta jũrr ich chogjota aju aai simgui ajim anʉm.

Woun Meu

²⁶ Mamʌ pãar hee magju haai k'aba nʌmgui hajim hanʌm. Mag k'ãyau chadcha t'et'em hawia k'ãijã warag serbiibamjöta haju haai sim; maagwai chi pörk'a simta jũrr hich chogjöta haju haai simgui hajim hanʌm.

San Lucas 22:26 Iomraidhean Croise

San Mateo 20:26

Pari jũrr pãrau am denjo magju khaba nʉmgui ajim pãach eepai. Magju khãai ãbmua khãijã pãach eepai ichta thumaam khʉʉn khãaijã ʉ̃rʉʉ am khõsi sim khai, magan jũrr ich garmuata ich khapeenau nem mag abaawaijã am ipierr nʉnʉʉu aju aai simgui ajim.

San Marcos 10:43

Pari jũrr pãrau pod am denjo magju khaba nʉm, pãach eepai. Magju khãai ãbmua khãijã pãach eepai ichta thumaam khʉʉn khãai ʉ̃rʉʉ am khõsi sim khai, magan jũrr ich garmuata ich khapeenau nem mag abaawaijã am ipierr nʉnʉʉu aju aai simgui ajim anʉm.

San Marcos 9:35

Mag ich iek ʉkhaba abaawai am na jẽkhʉt jupwi dʉi amach thum ich bigaau thʉ̃rkha auwia amag magjim aajem: —Ãbmua khĩirjuawai ichta tagam khʉʉn khãaijã ʉ̃rpai am khõsi sim khai, magan ichta warag thumaam khʉʉn khãaijã serbiibachanaa sĩi ich khapeen chogkhaju aai simgui ajim anʉm.

San Lucas 9:48

—Mʉg chaai agtha ich juau paba aawai serbiiba khitʉmjo õor thʉnʉm thum mua khõsi chitʉm. Pãrau mʉ denjo mʉg khitheem ãb khãijã jãsenkhawia pãach di aig aumʉn, magan pãrau mʉchchata mag khĩir jãsenkhabarmjo abarmgui ajim anʉm. Mag pãrau ʉdʉraa pãach aig mʉ baarpi nʉm aiguin magan pãrau mʉ Aaijã khõsi nʉm anʉm, ichdeuta mʉ pʉitarr aawai. Mua pãrag jaaukhimgui ajim anʉm: Ar amachdeupai khĩirjuawai thumaam khʉʉn khãyaujã chaai bʉ̃rʉʉmdamjo serbiiba nʉm a khĩirju nʉm khʉʉnta warm khʉʉn khãyaujã ʉ̃rʉʉcha nʉmgui ajim anʉm chadcha, Ẽwandam dau na.

Romanos 12:2

Oob sĩi parhoobam khʉʉnau jãga wenʉrraju aai nʉ a jaaujemjo amiet. Magju khãai ideu Ẽwandamagta ichdeu khõsi simjo pãach khĩirjug wajaug paapibat, ichdeu pãachig nem waupi jaau simta khap aag: wajapcharan mag khai magan khani i dau na wajapcha sĩ a khaphʉ nʉm dʉi khani irua khõsi sĩ a khaphʉnaa ĩchab jãgata nem agcha wau wenʉrraju a khap aagma.

1 Pedro 5:3

Pãachta chi pornaan awi sĩi amagpaita nem jajaau aba, pãachdeuta nacha audʉdʉ abat, amachig nem jaauwaijã dʉi khõsi waumkhĩir.

1 Pedro 5:5

Ich agjo ẽwannaanagjã mua mag chirʉm: Ẽwandam iek ʉkha durrum khʉʉn ee pãach khãai jooinau pãachig iekhaawai, sĩi am ipeer ahau aju khãai, ʉdʉraa pãach wawipinaa warag am ipierraata abat. Thumaa agdaujo jũrr dich khapeen chogkha nʉmjota abat. Magbaju atheen Ẽwandamau ich iek gaai jaau simjo: “Ar mʉjã igba amach juapaaupaita wenʉrraajem aajem khʉʉn chan mʉchdeujã igba chitʉm” a sim. “Magarrau amach serbiibag khap mʉchdeu nem jaau chirʉm wawaagjã mʉch juapadam iigjem khʉʉnan chadau, mʉch garmuajã am dau ee aug khaaugjem” a phãpijim. (Pr. 3:34)