San Lucas 22:22 - Wounaan Meu

²² Mʉʉn chadcha Emkhooi Iewaau, mamʉ magʉm ãba chadcha amau mʉ thõojugui ajim anʉm. Mamʉ Ẽwandamau ich magpiju arr aawai thum ichdeu jaautarrjoo obebergmam. Mamʉ ¡Eh, apkhiitʉ ajim anʉm, mag mʉ thõomkhĩir mʉ pʉr dee chirʉm woun!

Woun Meu

²² Mʌʌn chadcha Hemk'ooi Hiewaau, mamʌ magʌm hãba chadcha hamau mʌ t'õojugui hajim hanʌm. Mamʌ Hẽwandamau hich magpiju harr haawai t'um hichdëu jaautarrjöo höbëbërgmam. Mamʌ ¡Hëh, hapk'iitʌ hajim hanʌm, mag mʌ t'õomk'ĩir mʌ pʌr dee chirʌm woun!

San Lucas 22:22 Iomraidhean Croise

San Mateo 26:24

Magnaa ichdeu, —Oo nʉm dau eyaa Emkhooi Iewaa chadcha Ẽwandam iek phã sĩsidʉm gaai jaau simjo wajappha dau aug wawaagpaama ajim. Pari apkhiitʉ mʉ mag aphʉʉ amkhĩir wir aig mʉ pertarr woun. Jãgʉm wounaan thaababa arr akhiin ʉucha akhamgui ajim.

San Mateo 27:5

Amachdeu ichig magbaawai mawia chi phatkhon Aai i jeeujem deg barpʉawi igbaadejim aajem. Mag mawi, ichdeupai pa gaai ʉ̃gthaa jʉ̃gad jʉ̃naa, thoom khẽu ich o gaai jʉ̃naa, baudʉ ich o jorrkaa thõojim aajem.

San Marcos 14:21

Mʉ dʉi magbarmua Emkhooi Iewaan Ẽwandam iek phã sim gaai jaau simjo ich ag eyaata obebergmam. Mamʉ ¡eh, apkhiitʉ chi mag mʉ perpʉi sim woun! Ante magju khapnaa thaababa arr amuan ʉucha akhamgui ajim anʉm.

San Lucas 22:23

Jesús mag iekhabarm ũrwia i khapeenau amach eepai jũrr chikham ipeer ahaukhamua, —¿Chijãguataa wir aigpai mag meer i pʉr deeju khai? anaajim anaabá.

San Lucas 24:46

Magnaa amag magjim aajem ich Jesuupai: —Ich magta phã sim Ẽwandam iek gaai. Maguata chadcha mʉch chi Cristo ich Ẽwandamaucha jʉr autarr awiajã dau aphʉʉ meeju aai chirajimgui ajim anʉm. Mamʉ ĩchab khãai thãrjupam ee iiu phiidʉju arrjã jaau simgui ajim anʉm.

San Juan 17:12

Mʉg jẽb gaai mʉchta am kha ogdʉba chitaawain pua mʉrʉg jua theeg deetarrau mua am chig apiba thʉa wai chitajimgui ajim, magamkhĩirta pua amag mʉ iek ʉkhapitarr aawai. Mag am thʉa wai chitaawai ãbjã okhooba, ãba ya ag nawe chi okhoom arr appaita okhoobarmgui ajim. Dau ãb jãgbarmʉn, jãan pʉch iek phã sim gaai jaau simjo ich jãgju arr aawai ajimgui” ajim, Judas igwia.

Hechos 10:42

Maimua ichdeucha maar pʉijimgui ajim anʉm, judionaan thumaam khʉʉnag jaaumamua ich igwia, “Iita Ẽwandamau jʉr aujim, warrgar meetarr khʉʉnpa maach ãba phiidʉtkhabarm ed chijã khʉʉnta ʉ̃gthar wetju wa chijã khʉʉnta isegju a khap jaaumkhĩir.”

Hechos 17:31

¿Khan jãgwi mag ãba ichpaita igpi sĩ? Ichdeu maach chachju aawaima ajim anʉm. Mamʉ mag maach chachbarm ed õrau amachdeu nem waumaajerrpierr amach khĩircha khap jajaau amkhĩir, woun ãb Jesús anʉm ya jʉr wai simgui ajim anʉm, thumaam khʉʉnag, chijã khʉʉnta ich aar auju wa chijã khʉʉnta sĩi isegwi barkhʉʉiju khãijã ichdeuta khap jajaau amkhĩir. Mag ich Jesuu thumaam khʉʉn dʉi mamag aju maachig khap amkhĩirta, meetarrjã, meeba arrjo deeu ũmaai ich Jooirau i phiriu aujimgui a jaaumajim aajem ich Pabloou.

Hechos 2:23

Mamʉ mag khitarrta juau ich Ẽwandamau mag ʉdʉraa i thõopibajieb ajim anʉm, mag i thõopibarm gaaimua warag pãachta wajapcha oberju khaphʉ sĩerr aawai. Magju arr aawaita, pãachig pʉr deebaawai, pãrau i pʉr arrwi pãach ipaarmua pakuls gaai õor sĩi khaibag sĩsidʉm khʉʉnag i meerphe thõopijierramgui ajim anʉm, ich Ẽwandamau ag nawe mag khĩirju wai sĩerrjo.

1 Pedro 1:11

Mamʉ ich Ẽwandamau ich Akharagta amag nem jaaupiejerr aawai chadcha chi Akharauta mag Cristoou õor peerdʉ awaan beeju nawejã i igwi, “Woun ãb beewi õor ee aphʉʉ abarmuata nem thum podpʉiwi ichta ʉ̃gthar mawia thumaam khʉʉn khãai chi jua thierrkha sĩsiju” a jaaujeejim amag. Amachdeu mag ũrbaawai warag ajapchata khaphʉ am iigjeejim, chijãg wounchata mag beeju a jaau sĩ maimua mag pierrwaijã jãagwaichata barcheju a khap aag.

2 Pedro 2:3

Jãg pãrag jaau wenʉrrʉm khʉʉnan sĩi phatkhon atheepai bĩe sĩsid aawai, mag chad khabam nempa jaau wenʉrrʉmua pãar khũgurnaa pãar jua eem phatkhonpa aumaju. Mamʉ amach mag wenʉrrʉm paar am dau aug waupijuun, ya nawe Ẽwandamau jaau wai sim aawai ya chadcha am gaai mas aju dakpamam.