San Lucas 22:19 - Wounaan Meu

¹⁹ Maimua agjo panjã jua ee auwia, Ẽwandamag ʉu ajim anaa, thorreuwia, amag deenaa, —Mʉg panan mua mʉch morta pãrag dee chirʉm; mʉg atagjã mʉ khĩirjunaa ich mʉgta khabat a jaaujim aajem.

Woun Meu

¹⁹ Maimua hagjö panjã jua hee hauwia, Hẽwandamag hʌ̈u hajim hanaa, t'orreuwia, hamag deenaa, —Mʌg panan mua mʌch morta pãrag dee chirʌm; mʌg hatagjã mʌ k'ĩirjunaa hich mʌgta k'abat ha jaaujim haajem.

San Lucas 22:19 Iomraidhean Croise

San Mateo 14:19

Mag chadcha ich aig aipierrwai õor pom mag thʉnarrag, —Phũak ee ohood abat ajim. Maimua mag pandam cinco narr dʉi chi ãwarrdampa phe auwia ʉ̃gthaag eerpanaa, Ẽwandamag ag paar ʉu ajim anaa, ichdeupai chi pan thorreunaa marag ʉapʉimajim. Magbaawai jũrr maachdeuta õrag jigmajim.

San Mateo 15:36

mag pandam siete narrjã chi ãwarrdam dʉi ãba jua ee phe auwia, Ẽwandamag ʉu ajim anaa thorreubaadejim. Magnaa maachig ʉapʉimaawai marau jũrr õrag jigmajim.

San Lucas 22:17

Maimua vino jarrdam jua ee auwia Ẽwandamag ʉu ajim anaa, —Ya pʉr athat ajim anʉm. Maimua, Donaa jũrr ʉapʉipetat ajim anʉm, agdaujo do aumamkhĩir.

San Lucas 22:20

Maimua ya kho aaipagkhabaadem ee, deeu chi vino jarrdam jua ee auwia ĩchab, —Mʉg jarr eem vinodam dobarmta warrgarwe Ẽwandamau õor dʉi iek deeju aajerrau; mamʉ mʉg iekhan iek iiuriugui ajim anʉm. Mʉ bag mʉg vinojo ãrbarmuata Ẽwandamau, ĩsmua atagan chadau pãar peerdʉ wenʉrraju aai nʉm a jaau simgui ajim anʉm.

San Lucas 24:30

Mag am dʉi thʉbawia, ãba ohoodo thach khoogpamua pan ich jua ee auwia, Ẽwandamag ʉu ajim anaa, thorreuwia, amag ʉapʉijim aajem, ag na ichdeu aajerrjo.

San Juan 6:23

Mag nʉm ee ich ag thʉrrdo eepai phobor Tiberias anʉm aarmua bote beewia, mag ag noram Jesuu pan cinco ich jua ee aunaa ag paar ʉu ajim anaa õrag khopitarr dakha jopdʉtkhachejim aajem.

San Juan 6:51

Mʉchta mag pan ʉ̃gtharmua beetarr õor iiupiejem khabahab ajim. Mag panta kho simʉn ich magta iiu sĩsiju. Mamʉ mag panjo mua pãrag deeju a chirʉmʉn, thumaam khʉʉn iiu wenʉrraju aai amkhĩir am kõit ʉdʉraa mʉch thõopijuuta jaau chirʉmgui ajim.

1 Corintios 10:16

Ẽwandamau maachig dopi jaautarrjo Santa Cena khaawai irig ʉu ajim anaa doowai, ¿jãg nʉm aig maach Cristo bag ãrtarr gaaimua ãba Cristo denkha nʉm a sim khabá, chi do nʉm khʉʉn? ¿Wa mag khabáwa? Maimua chi panjã agjo jua ee aunaa irig ʉu ajim anaa khoowai, ¿ĩchab Cristo mor gaaimua maach ãba i denkha nʉm a sim khabá?

1 Corintios 10:4

Maimua thumaam khʉʉnau ĩchab ich Ẽwandam jua dojã dojierram. Mag amau do dotarr Cristoou amag dee sim ajim, mag do chukag ee wenʉrrʉmjã mokdau eem doou am obichag meeupieg ichta am dʉi sĩerr aawai. Mag mok eemua amag do deewia am wenʉrrʉmpierr am dʉi sĩejeejim, amau nem ig nʉm deeg.

Gálatas 1:4

Pãrau khaphʉ nʉm, Jesucristo khurau khabamuan maachin agtha maach pekau eeta wenʉrraajeekham. Mamʉ magba maach Ẽwandam anaa maach Ayau ichdeu khĩirju wai sĩerrjo Jesucristoouta ʉu ʉdʉraa ich thõopijim maach kõit, magbarmua pekau jua eemua maach peerdʉ awaag.

Gálatas 4:25

Mag leíuta õor sĩi ich chognaankha wai sĩewai, chi ley deetarr durrjã Sinaí anaa Agar aju aai nʉm, chi Agarrta mag ley ʉʉrkha nʉmua ag chognaankha nʉm khʉʉn ãd aawai. Mamʉ ĩs ewagjã judionaanta mag ley ʉʉrkha nʉmua i chognaankha naawai mag Agar anʉm chan Sinaí durrsĩpai jaauba, Jerusalén phoborpata jaau sim, jãata judionaan phobor aawai.

Efesios 5:2

Ich jãg Cristoou maach khõsi simjo pãraujã agdaujo pãach khapeen kha khõsi abat. Cristoou mag maach khõsi arr aawai maach daupigau pakuls gaai ʉdʉraa ich meerphe thõopijim. Ẽwandamau irua magbarm oowai ʉu sĩejim.

1 Tesalonicenses 5:18

Mag jeeu nʉmua nem thumaam paar irig ʉu ajim abat. Pãar Jesucristo denkha naawai magta irua apim khõsi sim pãrag ich dʉi.

Tito 2:14

Ich mag Jesucristota maach kõit ʉdʉraa ich thõopijim, magbarmua maach khaibag thum chugpaapʉiwia maach peerdʉ awaag, mag peerdʉ auwia ya ich den chaarkha nʉisiewai jũrr ãba ich atheepaita nem ajapha waum khõsi wauju khĩirju wenʉrramkhĩir.

1 Pedro 2:24

Maachta maach pekau gaaimua Ẽwandamau khechpʉiju aai naajim; mamʉ mag narrta Cristoouta jũrr maach kõit ʉdʉraa pakuls gaai ich meerphe thõopijim, magbarmua maach ich athee peerdʉ auwi ya tag pekau waujujã khaugba sĩi ich dʉipaita nem agcharam appai wau wenʉrramkhĩir. Magta Cristo dau aphʉʉ õor jua machgau bag kha ʉ̃ʉipa khitajim, maach pekau ee narrta ʉu peerdʉ awaag.