San Lucas 22:18 - Wounaan Meu

¹⁸ Mʉʉn ãbmieta ĩs pãar dʉi mʉg vinodam do chirʉmgui ajim anʉm. Mʉg dobarm aigmua tag doba, ãba Ẽwandamta thumaam khʉʉn Porkha sĩsim edta deeu dojugui ajim aajem.

Woun Meu

¹⁸ Mʌʌn hãbmieta hĩs pãar dʌ̈i mʌg vinodam dö chirʌmgui hajim hanʌm. Mʌg döbarm haigmua tag döba, hãba Hẽwandamta t'umaam k'ʌʌn Pörk'a sĩsim hedta deeu döjugui hajim haajem.

San Lucas 22:18 Iomraidhean Croise

San Mateo 16:18

Pedro, maagwai pʉʉn chadcha pʉch thʉ̃riu jaau simjo mokdauu ajim irig. Pua mʉ iek jaaubaadem gaaimuata mua mʉch iek ʉkha nʉm khʉʉn khapaana apiju. Mag khapaana aadem chan pãach chi ʉ̃rʉm khʉʉnan khechwiajã, pãar akhaar chan okhooba ich mag Ẽwandam dʉita nʉisiju ajim.

San Mateo 26:29

Pari mʉg dobarmjo chan tag doba, ãba mʉchta mʉch Ayau thumaam khʉʉn Porkhapibarm edta deeu ũwaai pãar dʉi dojugui ajim. Pari mag ed maach oobarm chan ĩsimjopai khaba, oneechata aju, nem thʉnʉm thum chi iiur aju aawai a jaaujim ich Jesuu maachigcha.

San Marcos 14:23

Maimua ich agjo jarrdamjã jua ee auwia, ag paar Ẽwandamag ʉu ajim anaa, deeu amag ʉapʉijim aajem. Magbaawai thumaam khʉʉnau ag eem dojierram aajem. Mag ʉapʉiwia ich Jesuupai magjim anʉm:

San Marcos 14:25

Maimua, Mua warre pãrag jaaukhimgui ajim anʉm: Mʉg vino dobarm aigmua mua chan tag doba, ãba Ẽwandamta thumaam khʉʉn Porkha sĩsim edta deeu ag khãyaujã ajapcharamta dojugui ajim anʉm.

San Marcos 15:23

Maig Jesuug vino mirra ee waaureu sim dopiju ẽkhajierram anaabá, khaparr aademua gaai machag thʉnʉm ãwatamkhĩir. Mamʉ Jesuu bʉ̃ʉrjã dobajim aajem.

San Marcos 9:1

Mag iekhamamua ĩchab, —Mʉ cha iekha chirʉm iekhau ãaur khʉʉn cha mʉ iek ũr nʉm khʉʉn chan mʉchta nem jua theeg thumaam khʉʉn Porkha beeju edamjo aadem oobam aigjã meebajugui a jaaumajim anaabá.

San Lucas 21:31

Ich agjota ajugui ajim anʉm, ĩchab mʉ beeju gayaa paawaijã. Ya pãachdeu nem thum mʉchdeu jaau chirʉmjo ohoo khabaadeewai khaphʉ abat ajim anʉm, ya mʉ beeimʉʉ pam; muan mʉg durr mʉchdeuta jʉ̃a auchewia mʉchta thumaam khʉʉn porkhaan urum.

San Lucas 22:16

Mʉ chan mʉg khobarm aigmua tag khoba, ãba Ẽwandamta ʉ̃gthar thumaam khʉʉn Porkha sĩsim edta ũmaai pãar dʉi ãba tagam khʉʉn ichdeu peerdʉ autarr khʉʉnpa deeu maach thum ãba khojugui ajim anʉm. Mag edta thumaam khʉʉnau warrgar nemkhoo edam oveja thõowai Ẽwandamau amach peerdʉ auju a khĩirjuajerrjo, chadcha amach peerdʉ nʉisim khaphʉ ajugui ajim anʉm.

San Lucas 9:27

Cha mʉ iekha chirʉm iekhau ãaur khʉʉn cha mʉ iek ũr nʉm khʉʉn chan mʉchta thumaam khʉʉn Porkha beeju edamjo aadem oobam aigjã meebajugui ajim aajem Jesuu ich khapeenag.

Colosenses 1:13

Meperau maach sĩi khĩmie durrag phe arraag ichta maach khãai ʉ̃rpai sĩerrjã, ʉu ich Ẽwandamauta maach peerdʉ auwia jũrr ich Iewaa ichdeu jãsene aajemta maach Porkhapijim,