San Lucas 22:12 - Wounaan Meu

¹² Magbaawai mag wounau pãrag oopien majugui ajim anʉm, ʉ̃gthaa dijã pom sim ya sĩi chi khĩir khaugam. Maigta nem thum khĩir khaugwia maar nʉbat ajim aajem.

Woun Meu

¹² Magbaawai mag wounau pãrag hoopien majugui hajim hanʌm, hʌ̃gt'aa dijã pöm sim ya sĩi chi k'ĩir k'augam. Maigta nem t'um k'ĩir k'augwia maar nʌbat hajim haajem.

San Lucas 22:12 Iomraidhean Croise

San Lucas 22:11

Mag dubwia chi dikhʉʉg, mʉch chi maestroouta pãar pʉijim abat, jampaita nau kheeurag maach thum ãba thach khoju aai nʉ a khap jeeumkhĩir.

San Lucas 22:13

Magbaawai chadcha i ipierraa ereubaadeeu thum ichdeu jaaumarrjoo ooimajierram anaabá. Maig, ich na mag ovejadam waupitarr chadcha tagam nempa thum khĩir khaugwia sĩi tagam khʉʉn dʉi i baraata oo nʉisijim aajem, ãba khoog.

San Juan 2:25

Pari mag khaug aumamjã õrau ichig jaaubamta sĩi ichdeupaita õor thumaam khʉʉn thãar khaug aumaajeejim.

San Juan 21:17

Magnaa deeu ũwaai biek thãrjupamua irig ich ag iekpai phʉʉrba, —Simón, Juan iewaa, ¿chadchata pua mʉ khõsi chirʉ́? ajim. Mag ich ag iekpai biek thãrjup ichig phʉʉrba jejeeu khabaadeewai Pedro warag ichta okhĩirjuu aademua irig magjim: —Señor, puata nem thum khaphʉ aajeewai pua khap chirabahab ajim, mua chadcha pʉch khõsi chitʉm. Magbaawai Jesuu, —Magan mʉ ovejanaandamta chig apiba thʉa wai chitá ajim.

Hechos 1:13

Mag wetwia phobor ee paaukhabaimaawai ʉ̃gthaa amach jẽerjem aar ãba biirdʉ nʉisijim aajem. Maig naajim aajem: Pedro, Santiago, Juan, Andrés, Felipe, Tomás, Bartolomé, Mateo, Santiago jooi Alfeo iewaa, Simón ibʉʉr wauwia Celote a thʉ̃ʉrjem, maimua Judas, woun ãb deeum agjo Santiago anʉm dʉi ãbam khʉʉn.

Hechos 20:8

Maar thum ãba ʉ̃gthaagajãrcha õor podpaajem aar naajim. Maig lámpara khapan sĩi phuphup jiir ʉid thʉnaajim.