San Lucas 21:34 - Wounaan Meu

³⁴ Khĩir khaphʉ nʉisit ajim anʉm, mʉ beewai sĩi doo gaaipai nʉm dʉi warag pãach nem ig nʉmta khĩirju nʉm gaaimua mʉ iek ʉkhaba, warag thãar theeg sĩi mʉ beejujã khaugba, okhoppha nʉm pãach oochepim ugua.

Woun Meu

³⁴ K'ĩir k'ap'ʌ nʌisit hajim hanʌm, mʌ bëewai sĩi döo gaaipai nʌm dʌ̈i warag pãach nem hig nʌmta k'ĩirju nʌm gaaimua mʌ hiek hʌ̈k'aba, warag t'ãar t'eeg sĩi mʌ bëejujã k'augba, hok'opp'a nʌm pãach hoochëpim hugua.

San Lucas 21:34 Iomraidhean Croise

San Mateo 13:22

Maagwai maach khapeen ihãsisisdom khʉʉn, jũrr mag nemjĩir dau miu ee burrwia chi miúa por pʉreu autarrjota nʉmgui ajim. Amau Ẽwandam iek ũrm khõsi ũurjem, mamʉ deeu amach khĩirjug eepai, “Jãgʉm gaaimua pod mʉ phatkhon auba khãijã chitaju,” wa magbam khai, “Mua chadcha ʉkhakhiinjã, pod parhooba mʉchdeu ampierr abaju” a khĩirjuajem. Mag gaaimua mag nemjĩirdam aphʉʉ bãauwia pod cheba arrjo, Ẽwandam athee nem wajapha wawaagjã podba, sĩi serbiibata nʉmgui ajim.

San Marcos 13:9

’Pãach mordam wir aig ʉʉrkhabathʉ̃. Thethem khʉʉnag pãar pʉr deewi judionaan Ẽwandam iek jaaujem degjã pãar gaai amau mas deemaju. Mʉ gaaimua pãar khaibag waumkhĩir amau pãar gobernadornaan aarjã warrwi reinaan aarjã warrmaju. Mamʉ magʉm khʉʉn aar pãar warrwaita warag pãrau mʉ iek jaauwímʉcha amag jaaujugui ajim anʉm.

San Marcos 4:19

pari ãsie deeu ewag khĩirjuajerram. Am khĩirjugan ãba riknaan khajuuta khĩirju sĩsidʉm, nem thum paraa aag. Mag khĩirju sĩsidʉm gaaimuata ĩchab, mag nemjĩir sirphʉg ee aadeewai sĩi dau aphʉʉ cheba nʉisierrjo, Ẽwandam iekjã thãraucha ʉkhawi i ithee nem wajapha wawaagjã serbiiba thʉnaabahab ajim anʉm.

San Lucas 10:41

Magbaawai Jesuu irig, —Marta, chadcha pʉ jua dʉrr khaba thʉnʉm mua khaphʉ chirʉmgui ajim anʉm. Ajapha õor jãhog aum khõchgau pʉ khĩirjugan nem thumaa wauju appaita khĩirju buburrkham.

San Lucas 12:40

Magua muan pãragjã “Ich agjota ajapha khĩir khaug nʉisit” a chirʉmgui ajim anʉm. Pãrau mʉ beeju ora chan ãbmuajã khaugbam. Pãrau mʉ da beebajupii nʉm ee, mʉch chi Emkhooi Iewaan degolp barcheju a jaaumajim aajem.

San Lucas 17:3

Maimua ĩchab, —Pãrag jaaukhim, khaphʉ abat ajim anʉm, ich Jesuupai. Pãachjo mʉ iek ʉkha nʉm khʉʉnau khãijã pãach dʉi khaigba abaawai warag dʉi agjo aju khãyau sĩi am wawibat ajim anʉm. Maimua amachdeu mag pãach dʉi khaigba abarm khaug auwia pãachig “Mʉ perdonaabá” aawai, am perdonaawia oob tag bʉ̃ʉrjã magʉm iek igmiet ajim anʉm.

San Lucas 21:35

Mag mʉ beem edan, ar atarraayau ãwarr baarwai sĩi khoodʉ aaujemjota, mʉg durr gaai õor thʉnʉm khʉʉn thum ãba degolp chachaan beejugui ajim anʉm.

San Lucas 21:8

Magbaawai jaaubaademua ichdeu amag magjim aajem: —Keena, khĩir khaphʉ wenʉrrat; oob chikhamnag sĩi ʉdʉraa pãach khũgur aupimiet ajim anʉm. Nau mʉg atag paawai õor khapankham khʉʉnau amach iekpaita mʉ iek gaai thʉwia, “Mʉʉta ag Cristoou” ajurau, “Ẽwandamau pʉiju aajerr. Ĩsta mʉ barbaichem thumaam khʉʉn Porkhaag” a iekhamajugui ajim anʉm. Mamʉ amau pãachig maagwaijã oob am iek ʉkhamiet ajim anʉm.

San Lucas 8:14

Maagwai nemjĩir dau sirphʉg dʉi oberwia õt khaba bãautarr, jũrr ar maach khapeen ihãsisisdom khʉʉnta jaau simgui ajim anʉm. Amau Ẽwandam iek ũrm khõsi ũr nʉm, mamʉ deeu amach khĩirjug eepai, “Jãgʉm gaaimua pod mʉ phatkhon auba khãijã chitaju,” wa magbam khai, “Mua chadcha ʉkhakhiinjã pod parhooba mʉchdeu ampierr abaju” a khĩirjuajem. Mag gaaimua mag nemjĩirdam aphʉʉ bãauwia pod cheba arrjo ĩchab Ẽwandam athee nem ajapha wawaagjã podba, sĩi serbiibata nʉmgui ajim anʉm.

1 Corintios 5:11

Mua mag chirarran, ar pãach eepaijã hermanonaan anʉm khʉʉnta mag parhoobanaa phatkhon atheejã bĩe thʉnʉm khʉʉn, nem parhoobamʉgta ẽwandam awia jeeu nʉm khʉʉn, parhooba chikham khĩir iekhaajem khʉʉn, nag pig sĩerrjeem khʉʉn maimua nem jĩignemjã sĩerrjeem khʉʉnta jaau chirajim. Ar mag thʉnʉm khʉʉn dʉi chan ni sĩi thach khoogpaijã oob am dʉi ãba ohoodo amiet.

1 Corintios 6:10

Mag tag thʉnʉm: nem jĩgkhaajem khʉʉn, phatkhon khĩrag bĩe sĩerrjeem khʉʉn, nag piim khʉʉn, parhooba chikham khĩir iekhaajem khʉʉn maimua ar seukha chikham khũgurnaa chikham jua eem nemjã khecheu aumaajem khʉʉn, magʉm khʉʉnjã ni ãbjã Ẽwandam sim aar oberbam.

Gálatas 5:20

Nem parhoobam nem juau wautarrta ẽwandam awi agʉmʉgpa jeeunaa beneujã õor ʉʉrthʉnaa khʉʉgjem. Chikham khĩirjã oomapnaa chikham dʉi khĩir bʉ̃ʉnaa amach khapeendam ajapha nʉm oowai magjã khõchkhaba sĩerrjeem. Bʉ̃ʉr abarm gaaimua nem khõrgnaa nem inagjom wawaag aawaijã amachta garpapa aajem, chikhamnag inpimaaugau. Amach idʉii aajem khʉʉnpai khõsinaa jũrr agjo deeum khʉʉn igar nʉm khʉʉn dʉijã amachta ʉ̃rpai aju khĩirju sĩerrjeem.

Filipenses 4:6

Pãach phithurg waauwai oob okhĩirjuu amiet. Mag khãyau warag mag pãach phithurg au wenʉrrʉm thum Ẽwandamagta jaaubapʉit, irig jeeumamua. Mamʉ mag jeeumamua ĩchab pãach iek ũurjem paarjã irig ʉu ajim abat.

Hebreos 12:15

Magam ugua Ẽwandamau pãach dʉi ich garmua nem ajapha am ig sim chan oob ʉdʉʉr okhoopimiet; ni ãbamʉgjã oob pãach ee sĩi pakher khaigbamjo oberpimiet. Ʉdʉraa magta apimʉn, mag oowi deeum khʉʉnaujã i denjo aadeewai, bigaaum khʉʉn gaaipata warag ben ãkhãraamjo dʉrbabaadeewai, õor pom Ẽwandam dʉi ʉu narr khãijã khaigba aju.

2 Pedro 3:10

Mamʉ jãg sĩi awia ich beem edan degolp õrau nem jĩgkhabaichemjo degolpta dʉnʉʉucheju. Magbaawai edjã ee maach jãphierraa ʉrʉrʉʉmjo athamua warre edaujã chukkhu aadem dʉi edjã ee nem nʉnʉidʉmjã thum õtdaúa bʉ̃ʉudubwi chugpaju. Magbaadeewai mʉg jẽbjã ĩchab ag gaai nem thʉnʉm dʉi thumaa juau nem waumatarrpa phaadubwi chukkhu apʉiju ich Ẽwandamau.

2 Pedro 3:14

Cristo gaaimua khodamnaan, maguata muan pãragan Ẽwandamau mag maachig durr iiur deeju a sim ed pa nʉm ora, pekau chukhu wenʉrrajuuta ẽkhanaa thumaa khõinaa wenʉrrat a chirʉm, maagwai degolp ich dʉnʉʉubaicheewaijã pãach ajapha nʉm oochemkhĩir.

Apocalipsis 3:3

Ar nacha pʉchdeu ũrwia ʉkhatarr iekta khĩirjunaa, pʉchdeu khaigba arr Ẽwandamag chugpaapi jeeunaa, deeu i dʉi ubʉ abá. I iek pua magbaju atheen, nem jĩgkhaajem khʉʉn sĩi degolp nem jĩgkhaimaajemjo, õor barbajojoo sĩerr ee degolp pʉ aar barwi pʉ gaai mas deeju aajem.