San Lucas 21:23 - Wounaan Meu

²³ Mamʉ ¡eh, apdurr ajim anʉm, magbaadem jaar ar ʉʉin jõor khitheem khʉʉn, maimua ĩchab ʉʉin ar chaaindam daumeraa wai durrum khʉʉn! Mag járata mʉg Israel durr õor dau aphʉʉta nʉisijupa ajim anʉm. Mua mag chirʉmʉn, õor mʉg thʉnʉm khʉʉn gaaita Ẽwandam khĩir machag burrju aawaita mag chirʉmgui ajim anʉm ich Jesuucha.

Woun Meu

²³ Mamʌ ¡hëh, hapdurr hajim hanʌm, magbaadëm jaar har hʌʌin jõor k'it'ëem k'ʌʌn, maimua hĩchab hʌʌin har chaaindam daumeraa wai durrum k'ʌʌn! Mag járata mʌg Israel durr hõor dau hap'ʌʌta nʌisijupa hajim hanʌm. Mua mag chirʌmʌn, hõor mʌg t'ʌnʌm k'ʌʌn gaaita Hẽwandam k'ĩir machag burrju haawaita mag chirʌmgui hajim hanʌm hich Jesuucha.

San Lucas 21:23 Iomraidhean Croise

San Mateo 21:16

meeukha nʉm iekhau khĩir mor chigpai chi Jesuugta, —¿Mag serereukham khʉʉnau iekha nʉm pua ũr chirʉ́? ajierram irig. Magbaa ichdeu, —Muakha ũr chirʉmgui ajim. Pari pãrau Ẽwandam iek phã sim gaai thʉ̃ʉrwai ooba aajeeb, amau mag serereu aju igwi David khararrau, “Chaain daumeraam khʉʉn dʉi agtha jũd do khitheem khʉʉndamaupa irig jeeujem” a phã pʉatarr. (Sal. 8:3) Ma chan pãrau bʉ̃ʉrjã khĩir ee paba naabma ajim amag.

San Mateo 21:41

Magbaa amachdeu, —Mag amach khaibag sĩsidʉm paar amachdeu warm khʉʉn dʉi aajerrjo amach denjo am dau aug khaugba, irua agjo am khechpʉijuuta. Magnaa jũrr chadcha ichig phagju khʉʉnagta irua alquilaa pʉajugui ajierram, ag jaar paawaijã chi nemjõdam ichig ich paat deemkhĩir.

San Mateo 21:44

Maimua mag mua dihãd a chirʉmjã mʉch igwiapaita mag chirʉmgui ajim. Chi mʉ iek ʉkhaba sim wounan, juau ogthom mag dibig ʉ̃r burrwi ichdeupai ich gaai mas wau simjota sim; maimua mag ʉkhaba nʉrrʉmta meemʉn, jũrr mʉ mag dibig pomaamjo chirʉmta i ʉ̃r buudimamjo ajugui ajim. Jesuu mag sĩerran mag i iek ʉkhaba sim meebaadeewai warre khĩmie durr barpʉijuuta jaau sĩejim.]

San Mateo 24:19

Mamʉ ¡eh, apdurr mag jaar ʉʉin jõor khitheem khʉʉn maimua ar sĩi chaain daumeraa wai khitheem khʉʉn!

San Marcos 13:17

Mamʉ ¡eh, apdurr ajim anʉm, magbaadem jaar ar ʉʉin jõor khitheem khʉʉn, maimua ĩchab ʉʉin ar chaaindam daumeraa jũd dopi wai durrum khʉʉn!

San Lucas 19:27

Maimua ĩchab ar chi mʉ khĩir oomaphanaa mʉrʉg amach reikhapimapha narr khʉʉn, mʉig mʉ aig aubeenaa mʉ dakhĩir khechbapʉit” ajim anʉm.

San Lucas 19:43

Pãar jãg nʉʉ awi pãar oju ed barbaicheewai, pãach oomapha aajem khʉʉnau sĩi pãar phʉʉrthuur auchewia, phobor igaau warpham magwe pãar oberm ugua thuur phʉʉrdʉpʉijugui ajim anʉm. Magnaa pãar obeerwaim athee oopaar aju,

San Lucas 23:29

Mʉg atagta pãar dau aphʉʉcha aju. Mag jaar ʉʉin pod chaain ooba arr khʉʉnau amach khapeen chaain dʉi dau aphʉʉ durrum oowia, “Ʉuta jãg mʉ chaai chukhu ʉrrʉm” ajugui ajim anʉm.

1 Corintios 7:26

Ĩs ewagan warag phithuurga paaukhamaawai mʉrʉgan maachin cha maach nʉmjopaita ich jãg wenʉrraju aai nʉm.

1 Tesalonicenses 2:16

Maguata judionaan khabam khʉʉnagpa maach peerdʉajem iek jaaum iigwaijã magjã khõchkhaba nʉm. Amach mag nʉm gaaimua amachta warag Ẽwandam dʉi iekkhõr pooma naawai Ẽwandamau am gaai mas deeb khaba deeju.

Hebreos 13:16

Mamʉ mag appai khaba, dich khapeen dʉi o ajapha aju chan oob khĩir okhoomiet. Pãachdeu nem wai nʉm eem jũrr chukhum khʉʉn dʉi jig aupetat. ¿Khan jãgwi pãrag mag chirʉ́? Mag agdaujo nemdam jig au nʉmta warrgar mag nemchaain thõonaa ofrendakha ichig deejerrjo Ẽwandamau i dawagaa oojeewaita mag chirʉm.

Santiago 5:1

Riknaan, mʉ iek ũrbat: Ĩsin chad jũrr pãragta mʉ iekhaagpam. Ẽwandamau mʉg durr i agkham ed pãach gaai jua khʉaba deeju khĩirjuwia icharaucha bĩebat.

1 Pedro 4:17

Khaphʉ abat, maach mʉg nʉm aig maachta nacha Ẽwandamau dau aug waupi sim, ich chaain ãba. Mamʉ mag maach dau aug waupi simʉn, magʉm gaaimua warag ich dʉita ajaug paaukhamamkhĩrau. Ẽwandamau maach ich chaain dʉijã magta sim khai, ¿jãgaju khai ar maach peerdʉ aaujem iek bʉ̃ʉrjã ʉkhaba mee nʉm khʉʉn gaai?