San Lucas 21:19 - Wounaan Meu

¹⁹ Õrau mag pãach dʉi khaigba awiajã pãarta warag Ẽwandam dʉi ubʉ wenʉrrʉmʉn, pãar akharan i aar oberjugui ajim anʉm.

Woun Meu

¹⁹ Hõrau mag pãach dʌ̈i k'aigba hawiajã pãarta warag Hẽwandam dʌ̈i hubʌ wënʌrrʌmʌn, pãar hak'aran hi haar höbërjugui hajim hanʌm.

San Lucas 21:19 Iomraidhean Croise

San Mateo 10:22

Mʉ gaaimua thumaam khʉʉnau pãar oomappha aju, pari õrau pãach dʉi mag nʉmjã magʉm iek igba warag Ẽwandam dʉita ubʉnaa ich gaai magʉm dichpi athamʉn, ʉu peerdʉwi ʉ̃gtharcha oberjugui ajim.

San Mateo 24:13

Pari warm khʉʉn mag thʉnʉm ee, ʉu ichdeu mʉ iek ʉkhatarr gaaita ogdʉba kherʉm wounan ʉu peerdʉjugui ajim.

San Lucas 8:15

Mamʉ jũrr chi nemjĩir jẽb ajaug ee burrtarr, ar õrau Ẽwandam iek amach thãraucha ʉkhaa chaar ʉkhaajem khʉʉnta jaau simgui ajim anʉm. Magʉm khʉʉnau sĩi par jʉ̃gʉupai ũrba aajem. Amachdeu ʉkha nʉm gaaimua dau aug wauju akhiinjã, majã am gaai mas khaba simgui ajim anʉm, Ẽwandam athee nem ajapha waum khõchgau.

Romanos 15:4

Ẽwandamau ich iek phã sim gaai nawe jaautarran, maach phithurg wenʉrrawiajã mag iek gaaimuata warag oneenaa magʉmjã igba ãwat wenʉrrʉmua ʉu ich aar oberjujã khap amkhĩirta mag phãpijim.

Romanos 2:7

Ar ʉ̃gthar oberwia bʉ̃ʉrjã meeba ich mag wajapha wenʉrraju khĩirju nʉm dʉi Ẽwandamagta amach tho iyʉʉ apim khõchgau warag nem wajapham appai wauju ẽkhaajem khʉʉnan, irua ich denkha auju, ich mag ich dʉi wenʉrramkhĩir.

Romanos 5:3

Pari mag mʉg atag i dʉi wenʉrraju khĩirjuwiapai khaba, mʉig eegarwe maach dau aug waauwaijã ich mag onee naajem, magʉm gaaimua warag maach thãar phĩiupiejem khaphʉ naawai.

Romanos 5:4

Maagwai mag thãar phĩi naawai mag dau aug wau nʉmjã ãwatju khaphʉ ãwat nʉmta Ẽwandamau oowaijã ʉu sim. Mag gaaimuajã onee naajem. Mag Ẽwandamau maach ʉu oo sim khaphʉ naawaita warag mag i khĩircha oo wai wenʉrram khõchag thʉnʉmjã ogdʉba aajem.

Romanos 8:25

Mamʉ ich agjo mag dichdeu oom khõchag thʉnʉmjã chadcha agtha ooba sim khai, magan oobam aigjã nem pʉabaju. Magua, mag dau aug wau wenʉrrawiajã ãba Ẽwandamau mʉg atag maach dʉi wajapha ajuuta khĩirju wenʉrrʉm.

1 Tesalonicenses 1:3

Mag pãar igwia irig ʉu ajim anʉm aig ĩchab marau khĩir eyaa aajem, jãga pãrau pãachdeu ʉkhatarr iek gaai bʉ̃ʉrjã iekcheba warag phidkham khõsi phidkha nʉ, maimua jãga mag maach Por Jesucristo beejujã khõsi nʉ nʉm gaaimua chikhamnau pãach dʉi khaigba aadep aawaijã ichdeu pãar eeg oojẽ, magʉm iekjã igba ãwat wenʉrramkhĩir. Marau khaphʉ nʉm, pãrau chadcha dich khapeen kha khõsinaa Ẽwandamjã khõsi naawaita jãg phidkha nʉm. Mag gaaimuata irig ʉu ajim a durraajem pãar kõit.

2 Tesalonicenses 3:5

Mag pãrau maach ipierraa aju khaphʉ naab mamʉ, warag Ẽwandamag jeeu nʉm, ich jãg ichdeujã maach khõsi arrjo pãragjã warag wir aig pãach agdaujo daupiicha amkhĩir. Magnaa ĩchab maach Por Jesucristo juapaata pãrag deepi jeeu nʉm, chikham jua machgau pãach dau aphʉʉ awiajã ich denjo ãwatamkhĩir.

Hebreos 10:36

Mamʉ mag ich Ẽwandamau khõsimjo nem wawaagan, dau aug wau wenʉrrʉmjã magʉm aba, ichiita warag ãwat wenʉrraju aai nʉm. Mag nʉmʉn chadau ichdeu jaau simjo pãar dʉi ajaphanaa ich dʉi ich mag wenʉrrapiju.

Hebreos 6:11

Muan ich jãgta pãrag pãach hermanonaan pãach denjo ʉkha nʉm khʉʉndam daupii wenʉrrapim khõsi chirʉm, ich jãg pãachdeu am dʉi nʉmjo, mag wenʉrrʉm gaaimua pãach i dʉi naaimaawai Ẽwandamau pãachig deeju khĩirju nʉmjã ich ag ee chadcha pãachdeu khĩirju nʉmjo obermkhĩir.

Hebreos 6:15

Magbaawai chadcha Ẽwandamau ichig jaautarrjo aju khap, jooi Abranau nʉ khitʉm ee Ẽwandamau irig ichdeu jaautarrjo ʉu chaaidam i ʉʉirag oodeepiwi ag gaaimua chadcha jooi chaain ewagam khʉʉn khapaana thʉnʉisijim, i meetarr khur.

Santiago 1:3

Pãrau khaphʉ nʉm, mag prueba khĩir pogkhe pãach gaai burr nʉmuata mʉg maadeu ʉkha nʉm iek isegkhimjo aadep aawaijã magʉm gaaimuata ʉu warag juapá jãpmaajem, magʉm ãwaat khaugaag.

Santiago 1:4

Mamʉ mag prueba ãwat wenʉrrʉmuata ideu Ẽwandamag pãach wajaug paapinaa pãachig khĩirjugjã deepibat, ichdeu khõsimjo nʉisieg.

2 Pedro 1:6

Mag khĩirjug paraanaa pãach khĩirjug ee nem khaigbam wauju khĩirjug bee nʉm waum khõchgau phirir thʉnaawiajã oob magʉm khĩirjugta warag pãach gaai ʉ̃rpapimiet. Magju khãai magʉm khĩirjug dich garmuata mag podpʉpʉikham dʉi, phithurg auwiajã, sĩi khĩuta jʉmpʉpʉi abat. Mag sĩi khĩu ãwatpʉpʉikham dʉita Ẽwandam dau na nem khaigbam waujujã okhonaa i dawagaam nempaita waubat.

Apocalipsis 1:9

Mʉʉn pãach khod ar Jesús iek gaaimua pãachjo phithurg au pʉʉrba khitaajemuata pãrag mʉg ẽsap phã deepʉi chirʉm. Mag phithurg aaujeeb mamʉ, ich Jesucristoouta magʉm ãwataagjã juapá deejeewai, magʉmjã igba, phithurg jẽedʉ khitʉmua i aar barwi i khĩir wajaug oo wai chitaju. Ẽwandam iek jaau chitʉm dʉi Jesuu nem wau nʉrrarr mʉch daúacha oojerrta jaau chitʉm gaaimua, mau dojãrr phʉram Patmos anʉm gaai preso chirʉm.

Apocalipsis 13:10

“Preso maag thaabatarr khai, chadcha preso pʉr auju. Thuthuíu thõog thaabatarr khai, chadcha thuthuíu thõju.” Pari mag nʉmʉn, thum Ẽwandam iek ʉkha nʉm gaaimuau. Maguata Ẽwandam chaainan, amach mag phithurg auju khap, sĩi amachdeu ʉkhatarr iek gaaita warag ubʉ ʉkha wenʉrraju aai nʉm.

Apocalipsis 14:12

Magam uguata ar Ẽwandam denkhanaa irua nem jaau sim ipierraanaa ĩchab Jesús bʉjã ogdʉba wenʉrrʉm khʉʉnan warag ubʉta ʉkha wenʉrraju aai nʉm. Ma ajim Ẽwandam chog thãrjupamua jaau dichtarr.

Apocalipsis 3:10

Pʉchdeu irua jaautarr ipierraanaa bʉ̃ʉrjã jua ʉ̃yaajã khaugba khitaajeewai irua pʉ thʉa wai chitaju aajem. Ichdeuta mag pʉ thʉa wai chirʉm chan mʉg jẽb gaaim khʉʉn thum Ẽwandamau chachwi okhĩirjug pooma thʉnʉm jaarjã pʉ warm khʉʉnjo khabaju anaabá, ichdeuta pʉ thʉa wai sĩewai.