San Lucas 21:15 - Wounaan Meu

¹⁵ Mua pãrag mag chirʉmʉn, iekhamkhĩir mʉchdeuta khĩirjug deeju aawaita mag chirʉm. Mag mʉchdeu iekhapi chiraawai ãbmuajã pãar ichaaur iek thierr khaba, ni pãrau iekha nʉmʉn seukhaawaiujã abajugui ajim anʉm.

Woun Meu

¹⁵ Mua pãrag mag chirʌmʌn, hiek'amk'ĩir mʌchdëuta k'ĩirjug deeju haawaita mag chirʌm. Mag mʌchdëu hiek'api chiraawai hãbmuajã pãar hichaaur hiek t'ierr k'aba, ni pãrau hiek'a nʌmʌn sëuk'aawaiujã habajugui hajim hanʌm.

San Lucas 21:15 Iomraidhean Croise

San Lucas 12:12

Ya pãar iekhaagpaawai ich Ẽwandam Akharauchata pãrag khĩirjug deejugui ajim anʉm, khĩirjug khaphʉ iekhamamkhĩir.

San Lucas 21:16

Ich mag jaran mʉ iek ʉkha nʉm gaaimua pãach dennaanaupaijã pãar pʉr deemajugui ajim anʉm, chi thethem khʉʉnag. Wa magbam khai, pãach khod ãbam khʉʉnaupai, sĩi thʉ̃r khodpaim khʉʉnau, wa pãach khapkhʉʉn ajaphamua khãijã pãar pʉr deemaju. Mag pʉr deemaawai ãaur khʉʉn khechpʉinaa

San Lucas 24:45

Maimua mag ichdeu Ẽwandam iek gaai phã sĩsidʉm jaautarr khap amkhĩir, ichdeupai am por opherg apijim anaabá. Magbaawain chadau i igwia Ẽwandam iek gaai phã sĩsidʉmjã thum khaphʉ nʉisijim aajem.

Hechos 2:4

Mag õtdau khĩirjo simta õor por ʉ̃r dʉrjopkhabarmjo arrau Ẽwandamau ich Akhaarta thumaam khʉʉn gaai phẽs deebarmua agdaujo deeum meu amachdeu bʉ̃ʉrjã iekhaba aajerrta waa iekha nʉrrjee aphobaadejim anʉm, ich chi Ẽwandam Akharau iekhapimampierr.

Hechos 24:25

Mamʉ Pabloou, jãga Ẽwandam dau na maadeu nem agchata wau wenʉrraju aai nʉ a jaauwi, dich morjã wir aig ajaphata sʉrkha wenʉrraju aai nʉm a jaaumam dʉi ĩchab, Ẽwandamau maach chacham edjã dichdeu nem waumatarrpierr thum ich agjoo maach dʉi aju anʉmpa jaaumam ũrwia, Feliiu ich khap Pabloog magjim aajem: —Pablo, ideu magpai sĩuwia pʉchta deeu pʉch sĩejem cárcel deg petá. Mʉch jua parii abarm ed deeu mua pʉ thʉ̃rpʉijugui ajim anʉm, cha pua jaau sim ũraag.

Hechos 26:28

Magbaawai chi reíu Pabloog, —Peerchata puan pʉch denjo mʉrʉg ʉkhapi athamgui ajim anʉm, pʉchjo Cristo den khamkhĩir.

Hechos 6:10

Mamʉ Esteban iekhamam ich Ẽwandam Akharauta iekhapi sĩerr aawai mag khapan thʉnaajieb mamʉ, pod i dʉi barba aajeejim aajem, khĩirjug khaphʉ iekhaag.

Efesios 6:19

Mʉ kõitjã ĩchab jeeubat, Cristoou maach peerdʉ aaujem iek õrag jaauwaijã khĩirjug khaphʉ ichdeu iekhapim khõsimta mʉrʉg jaaumamkhĩir, maagwai jãga mag warr õrau amach peerdʉju aai nʉmjã khaugba narrta ya ĩsin Cristoou õor peerdʉ aaujem a jaauwaijã ogkhaba iekhaag.

Santiago 1:5

Mamʉ magʉm prueba ãwataag pãar ee iwiir ãb khãijã mag ich Ẽwandamau khõsimjo aju khaugba sim khai, ichigta jeeubat. Magbaawai irua khĩirjug deemamua khaugpiju. Ẽwandamau nem deewai chan maach denjo mag, “Mua khachpaita deejujã” aba, ni chikham khĩir phʉʉrnaajã nem deeba aajem.