San Lucas 21:10 - Wounaan Meu

¹⁰ Maimua ĩchab mʉg durr thum i agkhaju ed gayaa pamamjã khap amkhĩir jajawagmamua magjim aajem: —Mag thʉnʉisim dʉi ĩchab durr mʉg wejom eepai durr chaauram khʉʉn dʉi werbʉphoo aadejugui ajim anʉm, amachta jũrr chikhamnaan khãyau ʉ̃rpai am khõchgau.

Woun Meu

¹⁰ Maimua hĩchab mʌg durr t'um hi hagk'aju hed gayaa pamamjã k'ap hamk'ĩir jajawagmamua magjim haajem: ’Mag t'ʌnʌisim dʌ̈i hĩchab durr mʌg wëjöm heepai durr chaauram k'ʌʌn dʌ̈i wërbʌp'öo haadëjugui hajim hanʌm, hamachta jũrr chik'amnaan k'ãyau hʌ̃rpai ham k'õchgau.

San Lucas 21:10 Iomraidhean Croise

San Marcos 13:8

Magbaadem dʉi ĩchab durr mʉg wejom ee amach eepai jũrr durr chaauram khʉʉn dʉi werbʉjurau, amachta jũrr chikhamnaan khãyau ʉ̃rpai am khõchgau. Mag nʉm dʉi ĩchab durrpierr ʉʉur theega duuimam dʉi jãdau theegjã burrju. Mamʉ mag nʉmʉn sĩi warrpem Jooirau õor dau aug waupi simʉugui ajim anʉm.

San Lucas 21:11

Mag nʉm dʉi ĩchab durrpierr ʉʉur theega duuimajugui ajim anʉm. Agjo durrpierr jãdau theega burrnaa khamor machagjã khĩir pogkhe ompamamua õor pom thuphãphãau ajugui ajim anʉm. Magbaadeewai edjã eejã ĩchab nem dau chigaa ag na ooba aajempata oomam gaaimua õor jãphierrju jaaumajim anʉm.

San Lucas 21:9

Mʉg atag paawaijã pãrau juurhi theega thʉnʉnʉmkham ũrjurau, durrpierr. Mag thʉnʉm dʉi ĩchab õor wir aig amach pornaan dʉipai meeukhawia sĩi phogdʉ thʉnʉm anʉmjã ũrjugui ajim anʉm. Mamʉ maagwai oob pãrau, “Ĩsin chad Ẽwandamau warreta maach opʉyaagpam” amiet ajim anʉm. Chadcha magʉm nem thum ich jãg didichagmaju; mamʉ magbaademua warag ag bʉrre chan Ẽwandamau õor thum ʉʉrppʉibamgui ajim anʉm.

Hechos 11:28

Mag beewia ãb Agabo anʉmua Ẽwandam Akharau ichig jaaupibaawai õrag jaaujim anʉm, durrpierr jãdau theeg burrju. Magtarr khur Claudio reikha sim jaar, chadcha ich Agaboou jaautarrjoo ajim anaabá.

Hebreos 12:27

Mag irua deeu biekdam ãbpai duuipiju a simʉn, sĩi khajapham ʉʉur chaar khaba aawai, magbarmua warre mʉg durr oorpʉiwi edaujãjã chukhu apʉijuuta jaau sim, mag maach i agkhaju igwi. Mamʉ pãade ũrbat: Ichdeu nem wautarr thum ʉʉrppʉiwiajã mag maach wetju aar ichta chi Porkha sim durr chan bʉ̃ʉrjã chugpaba ich mag sĩerrʉm iekhau.