San Lucas 20:6 - Wounaan Meu

⁶ Wa magba maadeu jũrr, “Ichjom khʉʉnaupai pʉiwiata jãg nʉrrajim” akhiin, magan õor pom mʉg thʉnʉm jũrr maach dʉita meeukhawia, mokou bar wai nʉmuapai maach khechpʉijugui ajim anʉm, mʉg phobor ee thumaam khʉʉnau i igwia, “Chadcha Ẽwandam i jaaumie chaar” aajeewai.

Woun Meu

⁶ Wa magba maadëu jũrr, “Hichjöm k'ʌʌnaupai pʌ̈iwiata jãg nʌrrajim” hak'iin, magan hõor pöm mʌg t'ʌnʌm jũrr maach dʌ̈ita meeuk'awia, mokou bar wai nʌmuapai maach k'ëchpʌ̈ijugui hajim hanʌm, mʌg p'öbör hee t'umaam k'ʌʌnau hi higwia, “Chadcha Hẽwandam hi jaaumie chaar” haajeewai.

San Lucas 20:6 Iomraidhean Croise

San Mateo 11:9

Mamʉ pãrau magjomta ooimabajierram. Pãrau ooimatarran woun ãb Ẽwandam i jaau nʉrrʉm ajim. Mamʉ pãade ũrbat: Juan chan warrgar Ẽwandam i jaaujerr khʉʉnjopai khaba, am khãaijã ʉ̃rpaita simgui ajim anaabá.

San Mateo 14:5

Ichig mag iekhatarr aawaita chi Erodeeu i thõopʉim iigjeejim anʉm. Mamʉ thumaam khʉʉnau Juanau Ẽwandam iekta jaau sim khaphʉ narr aawai, irua thõopʉikhiin, jũrr õrau ichta khaigbaju a khĩirjuwia pod thõoba aajeejim aajem.

San Mateo 21:26

Pod maadeu, “Õrauta pʉijim” ajujã khabamgui ajierram. Maadeu magkhiin thumaam khʉʉnau i igwia “Jãan chadcha ich Ẽwandam i jaaumieta jãg nʉrrajim” aajeewai, eeu degolp õrau maach mokou bar thõodukhamgui ajierram.

San Mateo 21:46

Mag amach khĩir iekha simta khaug athaawai jũrr ichta pʉr arram khõchkha phobaadejim. Pari Jesuu chadcha Ẽwandamau nem jaaupi simta jaau nʉrrʉm thumaam khʉʉnau khaphʉ narr aawai amachta jũrr khaigbaju khĩirjuwi i chig abajierram.

San Mateo 26:5

Mamʉ mag i thõopʉyaag ẽkha nʉmta amachdeupai deeu, —Õor pom mʉg thʉnʉm meeukhapimaaugau, mʉg phiesta ee chan i chig aba, phiesta dichtarr khurta thõopʉijugui ajierram anʉm.

San Marcos 12:12

Jesuu mag nem ĩgkhaadam jaau simua amachta jaau sim khaug athaawai chi fariseonaanau maestronaan dʉimua Asamblea eem khʉʉnaupa ãba ich maigwe i pʉr aum ig naajim anaabá; mamʉ mag i pʉr athaawai jũrr õrau amachta khaigbaju khĩirjuwia warag i dichba amachta ereujim aajem.

San Lucas 1:76

Mag nacha Mariaau chaai ooju igwia iekha dichtarr khur jũrr ich chaai igmamuata jooirau magjim anʉm: “Iewaadam, pʉʉta Cha Ʉ̃gthaa Phuu Nʉm ag i jaaumie a thʉ̃rju. Puata maach Por maju ee i na õrag, ‘Maach peerdʉajem ya beeimʉʉ sim’ a jaaumaju, ya mag jaaubarm ũrwia õrau i pierrwai amach thãraucha khõsi i iek ʉkhamkhĩir;

San Lucas 20:5

Mamʉ mag irua jeeubarmjã pod ʉkhaju khaugba aawai amach appai iyʉʉ nʉmua amach wir aigpai, —Keena, maadeu irig Ẽwandamauta pʉijim akhiin, magan jũrr irua maachig, “Jãg magʉmta pãrau irua jaau nʉrrarr ʉkhabajierráma” ajugui ajim anʉm.

San Lucas 20:7

Mag jaauju khaugba naawia warag, —Marau khaugbam jammuata beejĩ, ni khaíu pʉiwiata jãg nʉrrajim khai ajierram anʉm.

San Lucas 7:30

Mamʉ chi Moiseeu Ẽwandam iek phãtarr ajapcha ʉʉrkhaajem khʉʉnau chi machnaan dʉimua chan magba, Ẽwandamau am thãar eejã warm khʉʉn dʉímjo am ig sim warag isegjierram. Mag gaaimua warag Juanagjã amach por choopibajierramgui ajim anʉm, amachta ajapcha nʉm awia.

San Juan 10:41

Mag i maig sĩeimaawai õor pom i aar wetwia amach eepai, —Keena, chadcha Juanau chan mʉg Jesús denjo ag na õrau nem ooba aajemjã wauba khitajim. Mamʉ irua ich mʉg woun igwia nem jaaujerran, chadcha thumaa ich ag eeta jaaumajimgui ajierram.

Hechos 5:26

Magbaawai mag Aai i jeeujem degam guardianaan porou agjo guardianaan ich khãai jua eegpaim khʉʉn dʉi mawia, õor pom am iek ũr narr khʉʉnag amach mokou barm ugua, bʉ̃ʉrjã am chig aba phe aubeejim aajem.