San Lucas 20:23 - Wounaan Meu

²³ Mamʉ Jesuu mag sĩi ich imeraa pʉr awaagpaita ichig jeeuche nʉm khĩirjugjã khaphʉ sĩerr aawai amag magjim anʉm: —¿Khantheeta pãrau sĩi imeraa mʉ pʉr auju ẽkha nʉma?

Woun Meu

²³ Mamʌ Jesuu mag sĩi hich himeraa pʌr hawaagpaita hichig jëeuchë nʌm k'ĩirjugjã k'ap'ʌ sĩerr haawai hamag magjim hanʌm: —¿K'ant'eeta pãrau sĩi himeraa mʌ pʌr hauju hẽk'a nʌma?

San Lucas 20:23 Iomraidhean Croise

San Mateo 16:1

Mag Magadán durr paaukhabaimaawai fariseonaanau Saduceonaan dʉimua Jesús oon beejierram. Pari mag beetarran sĩi i imeraa pʉr aum khõchgaupai arr aawai irig amachdeu bʉ̃ʉrjã ooba aajem nemta amach dakhĩir edjã ee waupi jaau naajim, mag gaaimua chadcha Ẽwandamau pʉiwiata mag nʉrrʉm a amachig khap jaaumkhĩir.

San Mateo 22:18

Pari Jesuu ya mag am ibepwi khĩirju nʉmjã khaphʉ sĩerr aawai jũrr ich garmua amag, —Pãraun pãach khaugbampii naabma, ¿khanthee pãrau jãg mʉ imeraa pʉr auju ẽkha nʉma? ajim.

San Lucas 20:20

Mag amach dʉita õor meeukhapiju khãai sĩi õor jʉr auwia chi Jesús sim aar pʉijierram aajem, makhʉʉnau chadcha khaugba aawaita irig jeeu nʉm awia jeeubaimaawai, jaauju khaugba ipeerdʉ khãijã jaaubapäaiwai, magʉm gaaimua gobernador aar i pʉr arraag.

San Lucas 20:22

Magua marau pʉrʉg jeeum ig nʉmgui ajim anʉm: Pua oowai ¿chadchata maach meeun judionaanaujã durrpierram khʉʉn rey Roma sĩejemʉgta impuesto phagju aai nʉ, wa phagju khaba nʉwa?

San Lucas 20:24

Daai mʉrʉg phatkhon chi dau daí jʉr deebat, mua pãrag jaaukhimgui ajim anʉm. Maimua au deebaawai amag, —¿Khai khĩirta khai thʉ̃r dʉi ag gaai sĩ ajim anʉm, pãrau oowai? Magbaawai amachdeu, —Romaam rey César khĩir khabahab ajierram aajem, ich thʉ̃r dʉi.

San Lucas 5:22

Mamʉ Jesuu amau mag khĩirju nʉm khaphʉ sĩerr aawai amag magjim anʉm: —¿Khantheeta pãar jãg thãar khaigba khĩirju sĩsid aajẽma?

San Lucas 6:8

Mamʉ ichdeu khaphʉ sĩejim anaabá, amau mag khĩirju nʉm. Mag gaaimua chi woundam jua jʉser khitʉmʉg, —Dayag pidú, mau õor jãrrcha dʉnʉʉubaiche ajim anʉm. Magbaawai chadcha beewia õor jãrrcha dʉnʉʉuchejim aajem.

Hechos 13:10

—Pʉrʉgan dosãtauta khĩirjug dee simgui ajim anʉm. Maguata jãg seunem sĩi õor khũgurjupai khap sĩerrʉm, bʉ̃ʉrjã nem ajapham khõchkhaba. Jãg maach Por Ẽwandam ichaaur aju khãai, jãg ideu chi ʉkham khõsim khʉʉnag i iek ʉkhapibáma ajim anʉm.

1 Corintios 10:9

Oob ĩchab am eem ãaur khʉʉnau arrjo khaphʉ nʉmta juau ogthom maach Por Cristo jũur iekhamiet pãach Porkhapimaaugau. Amau maach Por ogkhaba i ichaaur magwia, nemeu khaamamjã äpba ich aguapai khechmajierram anaabá.

1 Corintios 3:19

Ẽwandamagan mʉg jẽb gaaipaim khĩirjugan sĩi warag õor lokiepiejem khĩirjugau. Magʉm khĩirjug igwia Ẽwandamau ich i jaaumienag phãpitarr gaai mag sim: “Muan mʉg jẽb gayam khĩirjug khaugkham khʉʉnjã amach khĩirjug khaug gaaimuapai imeraa phithurg chukhu pʉr auwia khaibag ee päaijem” a sim Ẽwandamau. (Job 5:13)

Efesios 4:14

Mag khai magan ya tag chaain amachig sĩi bʉ̃ʉr mag abaawai parhoobam khʉʉn iek ʉkhakharrso amach khũgurpiejem khʉʉnjo khaba, chikham khũgur aum khõchgau khĩirjug khaug sĩerrjeem khʉʉn beewi Ẽwandam iek chaar khabam maachig jaauchewiajã ʉdʉʉr maadeu dich khũgurpibaju.

Hebreos 4:13

Mʉg thʉnʉm aig chan pod iwiir ãbmuajã Ẽwandam dau merpʉiju khaba sim. Irigan nem thʉnʉm thum ich dau aig aunaata oo nʉmjo dawaa thʉnʉm. Ẽwandam mag maadeu nem wau nʉmjã thumaa oojem khĩirpheeta maachin dʉnʉnʉid aimaju, maachdeu nem waaujerr thumaa irig meerba jawaag.