San Lucas 20:21 - Wounaan Meu

²¹ Mag ereuwi chadcha irig maguimajierram aajem: —Maestro, marau khaphʉ nʉmgui ajim anʉm, pua chadcha nem agchata jaaujem. Pua mag õor iwiir ãbpaita ʉ̃rcha kha khõsijã khaba, ante pua chadchata thumaam khʉʉnag jaaujem, jãgata aju aai nʉ Ẽwandamau nem jaau sim eyaa wenʉrraag.

Woun Meu

²¹ Mag hërëuwi chadcha hirig maguimajierram haajem: —Maestro, marau k'ap'ʌ nʌmgui hajim hanʌm, pua chadcha nem hagchata jaaujem. Pua mag hõor hiwiir hãbpaita hʌ̃rcha k'a k'õsijã k'aba, hante pua chadchata t'umaam k'ʌʌnag jaaujem, jãgata haju haai nʌ Hẽwandamau nem jaau sim heyaa wënʌrraag.

San Lucas 20:21 Iomraidhean Croise

San Mateo 22:16

Mag ya ibepwi narr aawai amach ee amach igar narr khʉʉn eem pʉijierram, deeum khʉʉn agjo chi rey Erodes igar narr khʉʉn dʉi. Mag amach pʉibaawai beewi magchejierram: —Maestro, marau khaphʉ nʉm, pua chadcha ag eyaata nem jaaunaa ĩchab jãgata aju aai nʉ a jaaujem, Ẽwandamau nem jaau sim eyaa wenʉrraag. Pua chan sĩi õrau amachdeu nem jaaum aig nem jaau nʉmʉgjã pʉch khũgurpiba wa sĩi pʉchdeu oowai magjoo abaawai ag bʉrre sĩi magau aba aajem.

San Marcos 12:14

Magbaawai makhʉʉnau ereuwia i aar barimawia irig maguimajierram anʉm: —Maestro, marau khaphʉ nʉm, pua nem agchata jaaujem. Pua mag sĩi pʉchdeu oowai magjoo abaawai mag awi parhoobjã nem jaauba, ante pua chadchata thumaam khʉʉnag jaaujemgui ajim anʉm, jãgata aju aai nʉ Ẽwandamau nem jaau sim eyaa wenʉrraag. Pua chan sĩi õrau amachdeu nem jaaum aig nem jaau nʉmʉgjã pʉch khũgurpiba, wa sĩi pʉchdeu oowai magjoo abaawai ag bʉrre sĩi magau aba aajem. Magua marau pʉrʉg jeeum ig nʉmgui ajierram anʉm: ¿Chadchata maach meeun judionaanaujã durrpierram khʉʉn rey Roma sĩejemʉgta impuesto phagju aai nʉ wa phagju khaba nʉ? ajierram anʉm.

San Lucas 20:20

Mag amach dʉita õor meeukhapiju khãai sĩi õor jʉr auwia chi Jesús sim aar pʉijierram aajem, makhʉʉnau chadcha khaugba aawaita irig jeeu nʉm awia jeeubaimaawai, jaauju khaugba ipeerdʉ khãijã jaaubapäaiwai, magʉm gaaimua gobernador aar i pʉr arraag.

San Lucas 20:22

Magua marau pʉrʉg jeeum ig nʉmgui ajim anʉm: Pua oowai ¿chadchata maach meeun judionaanaujã durrpierram khʉʉn rey Roma sĩejemʉgta impuesto phagju aai nʉ, wa phagju khaba nʉwa?

San Juan 3:2

Mag wounau edaar Jesús aig beewia irig, —Maestro, marau khaphʉ nʉmgui ajim, chadcha Ẽwandamauta pʉ pʉijim, ich iek marag jaaumkhĩir. Í pʉ dʉi sĩewai merag chukhu simgui ajim, jãg ag na õrau nem ooba aajempa pʉchdeu wau sim gaaimua. Magba aawai ni ãbmuajã jãg pua nem wau simjo wauba nʉmgui ajim. Magua mʉ pʉ aigta beejimgui ajim, Ẽwandam chi Porkha sim aar jãga mʉ i dʉi chirsiju mʉchig khap jaaumkhĩir.

2 Corintios 2:17

Ar pãar ee seukha nem jaaujem khʉʉn khabam. Ich Ẽwandamauta mag jaaupibam chan pod mag jaaubam. Magarrau maach ich Ẽwandamaucha jʉr autarr khʉʉnaun chadau mag jaauju aai nʉm. Marau chan mag am denjo sĩi phatkhon aum khõchgau maach khĩirjug eemuapaita Ẽwandam iek jaau wenʉrraba nʉm. Maragan ich Ẽwandamauchata ich iek jaaupi sĩewai i dau na nem jaau nʉmjã thum agchata jaaujem, Cristo dʉita khapeerkha naawai.

Gálatas 1:10

Mua mag chirʉm aig chan õragta mʉch eugar ajapha ig iyʉʉ amkhĩir khaba, Ẽwandamagta mʉchdeu nem wau chirʉm igwia chadcha ʉu sim apiju ẽkhaajem; sĩi õrag mʉch ajapha oomkhĩirpaita mʉ mag chitʉm akhiin, ya Cristo chogjã khaba chirakham.

Gálatas 2:6

Mamʉ mua mag jaautarr ũrwi mag Jerusalenpien chi ʉkha nʉm khʉʉn ee jooin amach porkha wai nʉm khʉʉnaujã bʉ̃ʉrjã mʉrʉg, “Pua magta aju aai simjã” abajierram, mua jaautarr thum ʉu amach jʉ̃gaagaata jaautarr aawai. (Pari Ẽwandam dau naan maachin thum agdaujopai thʉnʉm aawai amach Cristo dʉicha wenʉrrajim awi chi pornaankha naawiajã mʉ gaai mas khaba sim.)