San Lucas 20:16 - Wounaan Meu

¹⁶ Par irua ich chaai ãbpai khitʉm pʉitarrpata mag thõobapʉim oobaawai, mawia, warre amach thum khechpʉinaa, ich uvado jũrr deeum khʉʉnagta jaau pʉabjejugui ajim anʉm, ichdeupai. Amach jʉ̃g daar Jesuu mag iekhabapʉim ũrbaawai chi aig narr khʉʉnau, —Aay, Ẽwandam, ¿khanthee pua magbaadeju? ajierram aajem, mag uvado jaau sim gaaimua Ẽwandamau amachta jaau sim khaphʉ narr aawai.

Woun Meu

¹⁶ Par hirua hich chaai hãbpai k'itʌm pʌ̈itarrpata mag t'õobapʌ̈im hoobaawai, mawia, warre hamach t'um k'ëchpʌ̈inaa, hich uvadö jũrr deeum k'ʌʌnagta jaau pʌabjëjugui hajim hanʌm, hichdëupai. Hamach jʌ̃g daar Jesuu mag hiek'abapʌ̈im hũrbaawai chi haig narr k'ʌʌnau, —Aay, Hẽwandam, ¿k'ant'ee pua magbaadëju? hajierram haajem, mag uvadö jaau sim gaaimua Hẽwandamau hamachta jaau sim k'ap'ʌ narr haawai.

San Lucas 20:16 Iomraidhean Croise

San Mateo 21:34

Maimua ya chi uva waaubaademcha khĩirjunaa jooirau ich chognaan pʉijim aajem, ich paatem agjo ich athee deepʉimkhĩir.

San Mateo 21:41

Magbaa amachdeu, —Mag amach khaibag sĩsidʉm paar amachdeu warm khʉʉn dʉi aajerrjo amach denjo am dau aug khaugba, irua agjo am khechpʉijuuta. Magnaa jũrr chadcha ichig phagju khʉʉnagta irua alquilaa pʉajugui ajierram, ag jaar paawaijã chi nemjõdam ichig ich paat deemkhĩir.

San Mateo 22:7

Magbaawai chi reíu khĩir machgau ich soldaaunag mag ich chognaan khechtarr khʉʉnjã agjo khechpi jaaunaa am phoborjã warre orpi jaaujim aajem.

San Marcos 12:9

Maimua mag nem ĩgkhaadam opʉiwia ich iek ũr narr khʉʉnag magjim aajem: —Pãrau khĩirjuawai ĩsjã agtha mag uvado sim anaa chi thʉa narr khʉʉnjã ich akhʉʉnpai akhiin, ¿jãgaju khai ajim anʉm, magʉm wounaan dʉi? Par irua ich chaai ãbpai khitʉm pʉitarrpata mag thõobapʉim oobaawai, mawia warre amach thum khechpʉiwia, ich uvado jũrr deeum khʉʉnagta jaau pʉabjejugui ajim anʉm ichdeupai.

San Lucas 19:27

Maimua ĩchab ar chi mʉ khĩir oomaphanaa mʉrʉg amach reikhapimapha narr khʉʉn, mʉig mʉ aig aubeenaa mʉ dakhĩir khechbapʉit” ajim anʉm.

San Lucas 20:15

Mag chadcha ʉʉr barchepinaa, pʉrphobaadewi, warp nemjĩirdo igaau arrnaa, mam thõopʉijierram aajem, ich jooi iewaa ãba. Mag nem ĩgkhaadam ĩgkha opʉiwia õrag magjim aajem, ich Jesuupai: —Pãrau khĩirjuawai, ĩsjã agtha mag uvado sim anaa chi thʉa narr khʉʉnjã ich akhʉʉnpai akhiin ¿jãgaju khai jooirau magʉm wounaan dʉi?

Hechos 13:46

Magbaawai ĩchab Pabloou Bernabé dʉimua warag thãar phĩiuwia iek khẽgkha amag, —Ũrbat keena ajierram anʉm. Chadcha pãragta nacha marau mʉg Ẽwandam iek jaauju aai naajim, mamʉ pãar jãg ʉ̃gthar obermaphamjo Ẽwandamagjã ʉdʉʉr pãach peerdʉ aupiba i isegamjo naawai marau judionaan khabam khʉʉnagpa jaau wenʉrrʉmgui ajim aajem,

Romanos 11:1

¿Pãrau khĩirjuawai, Ẽwandamau ich õor iseg wai simjo sĩ? Mag khabam. Mag akhiin mʉjã irua nawe isegpʉikham, mʉchjã ĩchab judionaan dʉi thʉ̃r ãba chiraawai. Mʉʉn maach jooin Abrán khararr ag chaain ewagam khʉʉn Benjamín aajerr ag chaain deneu.

Romanos 11:11

Magan jãgáwa. “¿Judionaanau mag Cristo igba arr gaaimua, magan warreta Ẽwandamau am isegbapʉib?” khãijã aju ãbmua. Pari mag khabajim. Magju khãai ante mag maach meeunau Ẽwandam ichaaur awi Cristo igba arr gaaimua, jũrr judionaan khabam khʉʉnta ʉu Ẽwandamau peerdʉtkha aumam, mag judionaan khabam khʉʉnauta ʉkha phobaadem oowia judionaan iekkhõr wauwi agjo ʉkhamkhĩir.

Romanos 3:31

Magan jãgáwa. Mag maadeu ʉkhaa chaar ʉkha nʉisiewai, ¿mag ley maach athee tag baleeba aadep sĩeb? Baleeba sĩsim abá. Mag baleeba apiju khãai, mag ʉkhaa chaar ʉkha nʉmuata warag ʉ̃rcha i baleepi nʉm khabáwa, warrgarwejã ich magta Ẽwandamau ʉkhapi jaaujerr aawai.

Romanos 3:4

Magju abá. Thumaam khʉʉn nem seunem awiajã ich Ẽwandam chan seu chukhu sĩerraawai ichin iin nem agchata jaaujem. Maach khaibag jawaagjã ich mag sĩerrʉm igwi jooi David khararrau Ẽwandam iek gaai magjim: “Pua õor khaibag jaauwaijã amau, ‘Puan nem agchata jaaubarm’ aju. Chad khabam nem õrau pʉch gaai thʉawaijã pʉchdeuta ganab khaba ganju” a phãjim, “pʉchta agpierraa chitaawai.” (Sal. 51:4)

Romanos 3:6

Pari ma chad khabam. Mag akhiin magan Ẽwandaman agchajã khaba parhoobata nem wau sĩerrʉm akham. Ẽwandam ichpa magta sĩerrʉm akhiin, jãga ichdeu maach i agkham edjã pãar khaigba naajim wa ʉu wenʉrrajim khãijã aju maachig.

Romanos 6:15

Mag, mua Moiseeu ley phã pʉatarr ʉʉrkha nʉmua khaba ãba Ẽwandam maach dʉi wajapha khitaawaita maach peerdʉ aaujem a chirʉm aig, ãbmua khãijã, Ẽwandamau maach chig abaju awi, “Magan warag pekau wauju aai naabahab” aju. Pari magjã khabam.

Romanos 6:2

Mag khabam. Jesucristo dʉi naawai tag pekau waumaaugau ya maach chi khechamjo nʉmta, jãga mag bʉ̃ʉrjã dich khaibag pʉaba agtha pekau wau wenʉrraju aai nʉm abarju.

Romanos 7:13

Magua, ley gaaimua chan mʉ okhooba, pekau gaaimuata okhoo chirajim, leíu wajaug jaau sim chaaur sĩi mʉch khõchagpierrta nem wau chitarr gaaimua. Pari mag ley gaaimuata ĩchab mua khaphʉ aadejim, pekau chadcha nem wajapham khaba sim. Wajapcharan Ẽwandam iek gaaimuata maadeu khaphʉ nʉm, pekau chadcha athuuchata khaigba sim.

Romanos 7:7

Mag khai, ¿magan Ẽwandamau ley deetarran pekaupá? Mag khabam. Ẽwandamau ley deetarr chan pekau khabam. Pari mag ley khurau khabamuan, mʉch pekau paraa chirʉmjã khaugba chirakham. Mag ley gaai “Oob chikham nemta pʉch den apim khõsi am” aba sĩekhiin, mua bʉ̃ʉrjã khaugba chitakham, magpai nʉmua pekaukha ober sim.

Romanos 9:14

Mag Ẽwandamau chi naam dʉi magbanaa chi eeum dʉita magtarr aawai, ¿maadeu “Ẽwandamau sĩi parhoobata nem wau sĩerrʉm” aju aai nʉ? Pod mag iekhaju khaba nʉm.

1 Corintios 6:15

¿Pãrau bʉ̃ʉrjãta khaugba nʉ, maach thumaam khʉʉn morta jũrr Cristo morkha sim? Mag simta, ãbmua khãijã ʉʉin parhooba durpa theeg sĩerrjeem khʉʉn dʉi akhiin, maach mor mag Cristo morkha simta jũrr mag ʉʉirag dee naabahab.

Gálatas 2:17

Mamʉ ãba Cristo iekpai ʉkhawi maach jooin iita isegkhiin, sĩi ley chukhu aawai parhooba nem waaujem khʉʉn dʉi ãba nʉisiju, bʉ̃ʉrjã Ẽwandam chaain aju khaba. Chadcha am denjo khaigba nem wawaag khabam mamʉ mag akhiin, ¿ãbmua khãijã Cristoou ich iekpaita ʉkhapi simua maachig pekauta waupi sim abaju khai, Ẽwandamau maach jooinag ley deetarrta isegpi sĩewai? Mag aju aai sĩeb mamʉ mag khabam. Ichiita mag ley gaai jaau simjo Ẽwandam dau na ajapha wenʉrraju aai nʉm. Magua mag Cristoog dich peerdʉ aupim khõchgauta mag ley dich jooin i isegkhiinjã, khaigba khaba sim.

Gálatas 3:21

Pari magbaawai ãbmua khãijã ĩchab, “¿Magan mag Moisés leíu jũrr Ẽwandamau mag ewagam khʉʉn dʉijã ajapha aju a jaautarr chaaur khĩetta jaau sĩeb?” aju. Magjã khabam. Mag anaa mag leíuta chadcha Ẽwandamag maach aupiejem akhiin, magan sĩi mag ley gaai nem jaau sim wau nʉmuapaita Ẽwandam dau na maach kulp chukhu nʉisip aajeekham.

Gálatas 6:14

Pari mua chan mag am denjo mʉch thoba, maach Por Jesucristo chi pakuls gaai dau aphʉʉ arrta tho iekhaajem. ¿Khanthee mua mʉchdeupai mʉch thobaadeju? Mag mʉch kõit pakuls gaai Cristo thõtarr aawaita ĩs chan warr mʉchdeu nem waaujerrjã tag khĩirjuba, magʉm nem waumaaugau warag chi meemjota chirʉm; ajapcharan magʉm nem chan mʉ athee chukhumjota thʉnʉm, ya jũrr Cristo dʉita chiraawai.