San Lucas 20:12 - Wounaan Meu

¹² Mag majã ich jua parii barbaimaawai deeum pʉijim aajem jooirau. Mamʉ machará mag wʉ wai nʉmua, sĩi maach eu pom pepethor aademua, bag kha ʉ̃ʉipabaadeewaita ogdʉpʉiwia, jʉrpʉijierram aajem, ni bʉchkhunpai deejojoojã khaba.

Woun Meu

¹² Mag majã hich jua parii barbaimaawai deeum pʌ̈ijim haajem jöoirau. Mamʌ machará mag wʌ wai nʌmua, sĩi maach hëu pöm pepet'or haadëmua, bag k'a hʌ̃ʌipabaadeewaita hogdʌpʌ̈iwia, jʌrpʌ̈ijierram haajem, ni bʌchk'unpai deejöjöojã k'aba.

San Lucas 20:12 Iomraidhean Croise

San Lucas 16:7

Maimua ãbakhai paar sĩerragjã agjo, “¿Puajã kharr maach patronag paar chirʉ́?” ajim anʉm. Magbaawai chi debpaar paraa chirarrau, “Mua irig trescientos sacos de arroz paar chirʉm” ajim anʉm. Magbaawai chi khap aag jeeu sĩerrau, “Chadcha pua mag aujimke” ajim anʉm. “Cha sim ag ẽsap” ajim anʉm. “Mamʉ thʉrreupʉiwia jũrr doscientos cincuenta sacospai phã sĩubá” ajim anʉm.

San Lucas 20:11

Magbaawai jooirau deeum pʉijim aajem, ich chog. Mamʉ majã amach aar oo barpinaa, parhooba i wau iekha wai nʉʉ awia, warm khãyaujã ʉ̃rʉʉpai wʉnaa, agjo ich jua kharraa jʉr werbajierram aajem.

San Lucas 20:13

Magbaawai ich jooi chi uvado ag papau khĩirju sĩi awia, “¿Mua jãga abarkhiina?” ajim anʉm. Mag khĩirju sĩi awia, “Ãa, jãgan mua mʉch iewaa mʉchdeujã chig aba aajemta pʉijugui” ajim anʉm, “Tale amau mʉ chaai oophobaadeewai i ogkhawia i chig abaju” awia. Mag chadcha ich chaai pʉijim aajem.