San Lucas 20:1 - Wounaan Meu

¹ Khãai ãb Jesús Aai i jeeujem deg dubwia õrag jaau sĩejim aajem, jãga Ẽwandamau am peerdʉ auju. Irua mag jaau sim aig, phadnaan chi porkha nʉm khʉʉn beejierram aajem, chi machnaan dʉi judionaan am Asamblea eem chi pornaanpa.

Woun Meu

¹ K'ãai hãb Jesús Haai hi jëeujem deg dubwia hõrag jaau sĩejim haajem, jãga Hẽwandamau ham peerdʌ hauju. Hirua mag jaau sim haig, p'adnaan chi pörk'a nʌm k'ʌʌn bëejierram haajem, chi machnaan dʌ̈i judionaan ham Asamblea heem chi pörnaanpa.

San Lucas 20:1 Iomraidhean Croise

San Mateo 26:55

Mag iekhapʉiwia jũrr ich pʉr awaan beetarr khʉʉnagta, —¿Pãrau oowain mʉʉn sĩi õor nem jĩgkhanaa õor thõomiejota chirab ajim jãg pãrau sĩi mʉ aig jua ee jierrnempan appai beeg athee? Ag na ed eepierr pãrag mua Aai i jeeujem deg Ẽwandam i jaaujeewai bʉ̃ʉrjã pãrau mʉ pʉr aubajierram.

San Lucas 20:2

Mag beewia irig, —¿Khai thowiata jãg mʉig nem per narr khʉʉn pua dawag jʉr werppʉijĩ? ¿Khaíuta jãg pʉrʉg pʉchta nem iek theeg apijĩ? Marag jaaubá ajierram anʉm.

San Lucas 8:1

Maigmua maau Jesús phoborpierr nʉrrʉmua ĩchab phobor chaaur didam khapan khaba khekhedʉm eem magwe nʉrrajim aajem, maach peerdʉajem iek jaauwai. Mag jaau nʉrrʉmua, —Ẽwandamta ya thumaam khʉʉn porkhaimʉʉ sim. Pãar peerdʉm khõsi nʉm khai, irigta ʉdʉraa pãach phẽethʉgpibat aajeejim anʉm, ichta pãach Porkhamkhĩir. I dʉi ĩchab wenʉrrajim aajem ichdeu doce jʉr autarr khʉʉn,

San Juan 18:20

Magbaawai Jesuu irig, —Mʉʉn thumaam khʉʉn dakhĩirta nem jaau chitaajemgui ajim anʉm: judionaan Ẽwandam iek ũraag ãba biirdʉajem deg, maimua Aai i jeeujem deg thumaam khʉʉn ãba biirdʉajem eejã agjo. Maagjeewai mʉ bʉ̃ʉrjã nem meraa jaautarr chukhu chitʉmgui ajim anʉm.

Hechos 4:1

Pedroou Juan dʉimua agtha õor pom mag wejomʉg ijẽjẽbkham ee, am aig phadnaan beejierram aajem, Aai i jeeujem di thʉajem khʉʉn por dʉi saduceonaanpa. Mag saduceonaanau jaauwai, maach meewai maach akhaar iiuba aajem aajem.

Hechos 6:12

Magtarr aawai chadcha makhʉʉnaujã am ipierr mag seukha nem ĩgkhabarm gaaimua waa õor phogueupʉi. Magbaawai judionaan Asamblea eem jooinau Moisés iek phã pʉatarr jawaag chi machnaan dʉimua Esteban pʉrphobaadewi amach pornaan aar athaadejierram aajem.