San Lucas 2:51 - Wounaan Meu

⁵¹ Maimua ich dennaan dʉi oberwia ãba amach phobor Nazareeg wetjim aajem. Maimua ewag pawiajã ich dennaan ipierraa ich mag khitajim anaabá. Mamʉ ich chaairau mamagkhamjã Mariaau ich thãar eepain thum khapphʉ aajeejim anʉm.

Woun Meu

⁵¹ Maimua hich dënnaan dʌ̈i höbërwia hãba hamach p'öbör Nazareeg wëtjim haajem. Maimua hewag pawiajã hich dënnaan hipierraa hich mag k'itajim hanaabá. Mamʌ hich chaairau mamagk'amjã Mariaau hich t'ãar heepain t'um k'app'ʌ haajeejim hanʌm.

San Lucas 2:51 Iomraidhean Croise

San Mateo 12:46

Agtha Jesuu õrag iekha sim ee, i ãd i eeugpeen dʉi bardʉtkhachewia i dʉi iekham ig naajim. Mamʉ i sim aar dubba daaugajãrpai naaichetarr aawai

San Mateo 3:15

Magbaawai Jesuu, —Ideu magma ajim anʉm. Ichiita maadeu Ẽwandamau jaau simjo i ipierr thumaa nem wauju aai naabahab ajim anʉm. Magbaawai Juanau, —Magan chadau ajim aajem.

San Marcos 1:9

Mag Juanau õor por choo nʉrrʉm jaarta Jesucristo Ẽwandam Iewaa beejim aajem, Galilea durram phobor Nazaretmua. Mag ich aig pierrwai Juanau dojã Jordán ee i por choopʉijim aajem.

San Marcos 6:3

Keena, pãrau oowai, ¿ich mʉg woun kalpinter khabá anaajim anʉm, María iewaa? I eeugpeenauwai, Santiago, José, Judas maimua Simón. I ʉ̃phʉʉin khabahab ĩchab ar mʉig ich mʉg phobor ee naajem khʉʉn; maagwai ichjã maadeu khaphʉ nʉm, ich mʉiguim aawai.

San Lucas 18:37

Magbaawai ãbmua irig, —Jesús, Nazaretpierrta dich nʉrraawai khabahab mʉg õor pom sereu wetum ajim anʉm.

San Lucas 2:19

Mamʉ mag amau jaau nʉm ũrtarr thum Mariaau khaphʉ sĩerrjã bʉ̃ʉrjã bĩi aba, ich thãar eepai ich mag khaphʉ wai sĩsijim anaabá.

San Lucas 2:39

Maimua Ẽwandamau ich iek Moiseeg phãpitarr gaai jaau sim ipierraa thum wau dichdimaawai deeu amach Nazaret phoborog beejierram aajem, Galilea durr.

San Lucas 4:16

Maimua Nazareeg beejim aajem, ich bãautarr phoborog. Mag beewia jua ʉ̃ʉijem ed pabaadeewai judionaan Ẽwandam iek jaaujem deg dubjim aajem, ag na ich duubjerrjo. Mag dubwia, õrag ũrmkhĩir Ẽwandam iek thʉ̃raag phiidʉ dʉnʉisijim aajem.

San Lucas 4:23

Magbaawai Jesuu magjim anʉm: —Pãrau mʉchig “Chadcha médico khai, pʉchdeupai pʉch monaaubapʉi” a iekhaju mua khaphʉ chirʉmgui ajim anʉm. Magnaa amag, Pãrau ũurwai Capernaum durr mua nem khĩir pogkhe waaujem anaawai, mʉigjã magan agjo waupi jaaujugui ajim anʉm, mʉ iek ʉkhamapham iekhau.

Efesios 5:21

Cristo iek ʉkha naawai irua jaau simjo am khõchgau jũrr dich khapeen agjo ʉkha nʉm khʉʉnaujã dichig nem mag aawai, ʉdʉraa amagta dich khãai ʉ̃rpai apibat.

1 Pedro 2:21

Ich Cristooucha jaauwaijã, ichdeucha ich athee jʉr aumam khʉʉnan ichiita chikhamnau dau aug waub khaba dau aug wauju aajem, ich jãg ichjã maach kõit dau aphʉʉ arrjo. Wajapcharan mag chikhamnau dau aug waauwai jãga aju aai nʉ a khap amkhĩirta maachjo wounag pawi ichta nacha aphʉʉ ajim.