San Lucas 2:49 - Wounaan Meu

⁴⁹ Magbaawai chi chaairau amag magjim anʉm: —¿Pãrau khaugbata nʉ, mʉ mʉig mʉch Aai iek õor dʉi ig iyʉʉ chiraju aai chirʉm?

Woun Meu

⁴⁹ Magbaawai chi chaairau hamag magjim hanʌm: —¿Pãrau k'augbata nʌ, mʌ mʌig mʌch Haai hiek hõor dʌ̈i hig hiyʌ̈ʌ chiraju haai chirʌm?

San Lucas 2:49 Iomraidhean Croise

San Mateo 21:12

Mag barwia Aai i jeeujem deg ooimaawaijã, sĩi merrkau eemjo thʉnʉmta ooimajim. Magbaa mag ag ee Ẽwandamag ofrendakha deeg nem per nʉm khʉʉn dawag jʉrkhʉʉipʉinaa, phatkhon cambienaa dubur per nʉm khʉʉn mesjã jẽkhʉt sĩepʉimajim.

San Lucas 2:48

Mag chi machnaan jãrr sim oobaicheewai, chi jooinau amach wir aigpai, —¡Mʉgah! Pʉde oobá, mʉigta sĩebma ajierram anʉm. Magbaawai chi ãdau magjim anʉm ich chaairag: —¿Khantheeta mʉgcha maar phithurg waupibarma? Pʉ jʉr wenʉrrʉmua marau pʉ khĩirju nʉʉ ajimwai ajim anʉm, ich chaairag.

San Juan 4:34

Pari maar mag iekha nʉm ũrbaawai Jesuu marag, —Mua mag thach khoju wai chirʉm a chirʉmʉn, Ẽwandamauta mʉ pʉitarr aawai irua khõsi simjota nem wau chirʉmʉugui ajim, mʉchig phidag jaaupʉitarr thumaa opʉyaag.

San Juan 5:17

Pari Jesuu mag chi judionaanau khĩirju nʉmjã khaphʉ sĩerr aawai amag, —Jua ʉ̃ʉijem edam magwe mʉ Ayaujã õor dau aug khaaugjeewai muajã ich agjota chirʉm khabahab ajim amag.

San Juan 5:36

Pari Juanau sĩi idamaupai jaau nʉrraajerr khãai mua wajapcharam wai chirʉmgui ajim, aguata Ẽwandamau mʉch pʉijim a khap apieg. Ma, õrau ag na nem mag ooba aajem waaujem ag jua theegaugui ajim. Mag jua theegau mʉ Ayau nem khĩir pogkhe waupi jaautarr aawai, õor dakhĩir mag waauwai, chadcha ichdeuta mʉ pʉijim a jaau sim khabahab ajim.

San Juan 6:38

Mʉ chan sĩi mʉchdeu am aig nem wawaagjã ʉ̃gtharmua beebajim. Mʉʉn mʉch Ayau mʉchig nem mag abaawai i ipierr aagta beejimgui ajim, ichdeuta mʉ pʉitarr aawai.

San Juan 8:29

Ich chi mʉ pʉi sim mʉ dʉi sĩewai, mua mʉch Ayau nem khõsimpaita waaujeewai irua sĩi mʉrʉg oobamjoo aba aajemgui ajim.

San Juan 9:4

Magnaa marag, Pãrau khaphʉ nʉmgui ajim, ãsdaaupaita phidkhaajem. Edau kheubaadeewai tag phidkhaba aajem. Ich agjota simgui ajim, Ẽwandamau nem waupi sim wawaagjã. Magua muajã mʉch meebam aig chan jua ʉ̃ʉijem ed awiajã mʉch pʉitarrau jaaupʉitarr phidag pʉaba ich mag wau chitajugui ajim. Magbamʉn mʉg chitawi mʉ meebaadeewai ya tag magʉm phidag wauju khaba aadejugui ajim.