San Lucas 2:47 - Wounaan Meu

⁴⁷ Maagwai aig thum chi ũr narr khʉʉn jʉ̃gderraa thʉnaajim aajem, chi machnaanau jeeumam chaairauta am denjo nem khaug am iek ʉkhapʉpʉigmam ũrwia.

Woun Meu

⁴⁷ Maagwai haig t'um chi hũr narr k'ʌʌn jʌ̃gderraa t'ʌnaajim haajem, chi machnaanau jëeumam chaairauta ham dënjö nem k'aug ham hiek hʌ̈k'apʌ̈pʌ̈igmam hũrwia.

San Lucas 2:47 Iomraidhean Croise

San Mateo 13:54

jũrr Nazaret phoborog petajim, ich bãautarr aar. Mam pabaimaa, Ẽwandam iek jaau nʉm ũraag maach meeun biirdʉajem deg dubwi, õrag Ẽwandam iek jaaubaadejim. Mag irua jajawagmam ũrwia jʉ̃gderraa nʉm iekhau warag amach eepaita, —¿Magʉm ichdeu jamta khaugjimta mag jaaumáma? ¿Jãga ichdeu jãg õor monaau nʉrrʉ́ma? anaa ĩchab,

San Mateo 22:33

Mag nem jaaumam ũrwia, chadcha thum chi ũrmam khʉʉn jʉ̃gderraa naajim.

San Mateo 7:28

Chadcha Jesuu mag nem khĩir pogkhe jaaubarm ũrwia sĩita õor jʉ̃gderraa naajim anaabá,

San Marcos 1:22

Mag irua jaaumam ũrwia, aig õor i iek ũr narr khʉʉn jʉ̃gderraa naajim aajem, amachdeu ũurwai Jesuu jũrr Moiseeu ley phã pʉarr jawaag chi khaphʉm khaphʉm aajem khʉʉn khãyaujã jaau khapcha jaaumam ũrwia.

San Marcos 11:18

Jesuu mag iekhabarm phadnaan pornaanau Moiseeu Ẽwandam iek phã pʉarr jawaag chi machnaan dʉimua ũrbaawai, amach appai biirdʉwi, iekhawi, “Jãga akhiin maadeu jãg Jesús thõopʉikhamgui” anaajim aajem. Mamʉ irua nem jaau sim ũrwi thumaam khʉʉnau i igar narr aawai ũmaai deeu ãsie khĩirjuajeejim anaabá, mag i igar nʉm khʉʉnau jũrr amach dʉita meeukhaju khĩirjuwia.

San Marcos 6:2

Mag mawi barimawia, ya jua ʉ̃ʉijem ed pabaadee, maar meeun Ẽwandam iek jaaujem deg mawi Ẽwandam iek jaaubaadejim aajem. Mag irua jaaumam ũrwia aig õor pom thʉnarr khʉʉnau jʉ̃gderraa nʉm iekhau amach wir aigpai jejeeukhamua mag naajim anʉm: —¿Magʉm iek ichdeu jamta khaugjimta mag iek pom jaaumáma? ¿Jãga jãg õor monaau nʉrrʉ́ma? anaajim anʉm.

San Lucas 2:18

Mag chi oveja thʉamienau nem ĩgkhakhag wetum ũrwia thum chi ũrmarr khʉʉn jʉ̃gderraa nʉisijim anʉm.

San Lucas 2:46

Ich ag ed kheeuraa Jerusalén barchejierram aajem. Maimua ag noram ãspaau jʉrphobaadeeuta Aai i jeeujem deg Ẽwandam iek jawaag chi machnaan dʉita Ẽwandam iek iigwai iyʉʉ oo sim ooimajierram aajem.

San Lucas 4:22

Mag ũrwia thumaam khʉʉnau i wajapha ig iyʉʉ naajim anʉm. Mag nʉm dʉi irua iekdam ũrimʉ iekhamam ũrwia thum jʉ̃gderraa aphobaadejim anaabá. Mag ũrwia, jũrr amach wir aigpai, —Keena, ¿mʉg woun José iewaa khabamá? ¿Khani mag iekha oo simma? anaajim anaabá.

San Lucas 4:32

Mag irua jaau sim aig i iek ũrwia õor jʉ̃gderraa thʉnaajim anʉm, chi khaphʉm khaphʉm aajem khʉʉn khãyaujã ichdeuta jaau khaphʉcha jaaumam ũrwia.

San Juan 7:15

Mag irua nem jaaumam ũrwia judionaan chi pornaan jʉ̃gderraa nʉmua, “¿Jãga jãg estudietarrjã chukhu sĩerrʉmta magʉm nemjã jaau khaauga sĩma?” aajeejim.

San Juan 7:46

Magbaa chi guardianaanau amag magjierram aajem: —Marau chadcha i pʉr aubeeba arran, maachdeu ũurwai sĩi parhoobam khʉʉn iekhaajemjo khábata nem jaau sĩerr aawaita pʉr aubeebajimgui ajierram aajem amag.