San Lucas 2:37 - Wounaan Meu

³⁷ Mag ũanaa ochenta y cuatro años khitʉmjã chawag maba, edaram magwe Aai i jeeujem degpaita sĩejeejim aajem, sʉrkha simua Ẽwandamag jewaag.

Woun Meu

³⁷ Mag hũanaa ochenta y cuatro años k'itʌmjã chawag maba, hedaram magwe Haai hi jëeujem degpaita sĩejeejim haajem, sʌrk'a simua Hẽwandamag jëwaag.

San Lucas 2:37 Iomraidhean Croise

San Lucas 5:33

Maigmua Jesús ich khapeen dʉi ober phobaadem ee, õor beewia Jesuug magchejierram anʉm: —¿Khan jãgwia Juan dʉi wenʉrraajem khʉʉnau thach kho nʉmjã ʉ̃iba sʉrkhanaata Ẽwandamag jeeujem daar, pʉ khapeenau sʉrkhaba aajẽ? Chi ajapcha Moiseeu Ẽwandam iek phã pʉatarr ʉʉrkhaajem khʉʉn igar nʉm khʉʉnaujã agjo sʉrkhaajem, mamʉ pʉ khapeenau chan ajap magba aajerram. ¿Jã khan jãgwiauma? a jeeujierram aajem irig.

Hechos 13:3

Magbaawai chadcha mag Ẽwandamag jewaag sĩi thachjã khoba sʉrkha nʉmua makhʉʉn numiim ʉ̃rta jua ausĩunaa oraawi pʉijierram aajem.

Hechos 14:23

Mag wenʉrrʉmua ĩchab iglesiapierr jooin jʉr aumaajeejim aajem, makhʉʉnta chi porkhamkhĩir. Magnaa thach khoba sʉrkha nʉmua oraawia maach Por Jesuugta amach nʉnʉidʉmpierr thʉapaar amkhĩir irigta jaaujeejim aajem, amachdeujã i iekta ʉkha narr aawai.

Hechos 26:7

Warrgarwe mag jaaujerr aawaita, maach jooin ãbam khodpai doce narr ag chaain thumaam khʉʉnau ĩs ewag pawiajã agtha ʉkha durrum iekhau edaram magwe Ẽwandamag jeeu durraba aajeeb ajim anʉm, ichdeu jaautarrjo iiu phiidʉtkhaag. Magnaa, Rey Agripa ajim anʉm, maach meeun thumaam khʉʉnau khabam, mamʉ iwiir ãbam khʉʉnau par chad khabamta iek pom mʉg mʉ gaai thʉ nʉmʉn, sĩi chadcha mʉchdeu mag Ẽwandamau maach iiupi aaujem anʉm ʉkhanaa jaau chitʉm gaaimuapaiu ajim anʉm.

1 Timoteo 5:5

Ʉʉi ar chadcha thãraucha Ẽwandam iek ʉkha simta khoopawia ich appai igjujã chukhu sĩsiewain, “Igjujã chukhu ʉrraawai tag khai jua nʉbarju” awia, ãba Ẽwandamagta edaram magwe jeeu khitaajem ichdeu nemdam ig sim athee. Pãach ee khoopaa ʉʉin magʉm khʉʉnagta nem deeb khaba deeju aai nʉm.

Apocalipsis 3:12

Ar ogkhaba ʉu magʉm thum ãwatpʉi nʉm khʉʉnan irua ich Aai Ẽwandam iglesia ee dibʉ jãrramjo chi thierrnaanag paapʉiwi ich mag bʉ̃ʉrjã isegaajã khaugba wenʉrrapiju aajem. Ichdeuta am gaai Ẽwandam thʉ̃rjã phãnaa i sĩejem phobor thʉ̃rjã phã sĩuju aajem. Mag phobor thʉ̃r Jerusalenau, Ẽwandam sĩejem aarmua beeju phobor. Ĩchab am gaai irua ich thʉ̃r iiurjã phã sĩuju aajem.

Apocalipsis 7:15

“Magwiata jãg bʉ̃ʉrjã ijeeu khaugba edaram magwe porkhau gaai oo sim khĩirphee i ipierraa irig ich khĩircha jeeu durrumgui” ajim. “Maagwai jãg porkhau gaai oo simuata am thʉa wai sĩeju.