San Lucas 2:27 - Wounaan Meu

²⁷ Magtarr aawai mag chi Jesudam Aai i jeeujem deg wai nʉm edcha ich mag jooi Simeón anʉmjã ĩchab ich Ẽwandam Akharau agʉg i arrjim aajem. Mag José María dʉimua jooingarwe Moiseeu iek phã pʉatarr gaai jaaujemjo chaai dʉi aag Aai i jeeujem deg bardʉtkhabaimaawai,

Woun Meu

²⁷ Magtarr haawai mag chi Jesudam Haai hi jëeujem deg wai nʌm hedcha hich mag jöoi Simeón hanʌmjã hĩchab hich Hẽwandam Hak'arau hagʌg hi harrjim haajem. Mag José María dʌ̈imua jöoingarwe Moiseeu hiek p'ã pʌatarr gaai jaaujemjö chaai dʌ̈i haag Haai hi jëeujem deg bardʌtk'abaimaawai,

San Lucas 2:27 Iomraidhean Croise

San Mateo 4:1

Maimua ich Ẽwandam Akharaupai Jesús warp õor chukag chʉʉi warrjim aajem, ich garmua mepeer podju khaphʉ sĩerr aawai juau ogthom mam chi dosãtag ich khũgur auju ẽkhapieg.

San Lucas 2:22

Maimua ĩchab magtarr khur ed ãbjo aadem ee, Jerusalén phobor ee Aai i jeeujem deg chi Jesudam aibeejierram aajem phadeg oopien, Moiseeu Ẽwandam iek phãtarr gaai jaau simjo ag ipierr. Mag aibeewia Ẽwandamag i kõit ʉu ajim anaa warag irig jeeumamua, “Ẽwandam, cha kherʉm maar chaaidam; puata i khap chirʉm mʉg atagjã. I dʉi pʉchdeu ampierr abá” ajierram anʉm, “pʉchigpai khĩirju bãaumkhĩir.” Mag amau jeeutarran amach chaai Ẽwandamag deeg ajim, warrgar Moiseeu jaautarrjo.

San Lucas 2:28

ich mag jooi Simeonau chi chaaidam jiir auwia Ẽwandam tho iekhamamua,

San Lucas 2:41

Jesús dennaan añopierr Jerusalenag weetjeejim aajem, nemkhoo pomaam jaar paawai.

San Lucas 2:48

Mag chi machnaan jãrr sim oobaicheewai, chi jooinau amach wir aigpai, —¡Mʉgah! Pʉde oobá, mʉigta sĩebma ajierram anʉm. Magbaawai chi ãdau magjim anʉm ich chaairag: —¿Khantheeta mʉgcha maar phithurg waupibarma? Pʉ jʉr wenʉrrʉmua marau pʉ khĩirju nʉʉ ajimwai ajim anʉm, ich chaairag.

San Lucas 2:51

Maimua ich dennaan dʉi oberwia ãba amach phobor Nazareeg wetjim aajem. Maimua ewag pawiajã ich dennaan ipierraa ich mag khitajim anaabá. Mamʉ ich chaairau mamagkhamjã Mariaau ich thãar eepain thum khapphʉ aajeejim anʉm.

San Lucas 4:1

Mag por choowia Jesús Ẽwandam Akhaar ich gaai phẽs wai sim petajim aajem Jordán eemua, mag ich por chootarr aigmua. Mag mamta ich ag Ẽwandam Akharaupai Jordán igaau durr õor chukag chʉʉi i warrjim aajem.

Hechos 10:19

Mamʉ mag nʉm ee ĩchab Pedroou mag ichdeu nem ootarr agtha khĩirju oo chirʉm ee, Ẽwandam Akharau irig, —Õor thãrjup pʉ jʉr wenʉrrʉm khʉʉn ya bardʉtkhabaichemgui ajim anʉm.

Hechos 11:12

Mag am bardʉtkhabaimam ee, ĩchab Ẽwandam Akharau mʉrʉg bʉ̃ʉrjã magʉm aba am dʉi mapi jaaubaawai chadcha mʉ am dʉi majimgui a jaaumajim aajem ich Pedroou. Mag jajawagmamua, Mag mʉ mam dʉi ĩchab hermanonaan seis aig narr khʉʉnjã mʉ dʉi wetjimgui ajim anʉm. Mag wetwia mag woun Cornelio anʉm deg naaimajimgui ajim anʉm.

Hechos 16:7

Mam panaa deeum durr Bitinia anʉmʉg wetam igjim anʉm, mamʉ ich Ẽwandam Akharau ĩchab mamagjã wetpiba jaaujim anaabá.

Hechos 8:29

Mag i ẽsap thʉ̃r jorrom ee, Ẽwandam Akharau Felipeeg, —Felipe, bʉ chʉphʉ manaa i ẽkha athá ajim anʉm.

Gálatas 4:4

Mamʉ mag wenʉrrʉʉ awi ya Ẽwandamau ich Iewaa pʉiju ed aadeewai pʉiwi, Ẽwandamkha sĩerrta maach thumaam khʉʉn thaabatarrjo chadcha maar meeun ʉʉirau oowi, bʉ̃rʉʉ bãaumamua tagam khʉʉnjo mag Moiseeu ley deetarr ʉʉrkha khitʉmua jooipajim.

Apocalipsis 1:10

Mag mʉ preso chirʉmta biek ãb domighed ich Ẽwandam Akhaarta mʉ gaai phẽs aicheewai, mʉ dau eerthʉg athamjo abarm ee, trompeta iekjota nem jẽbag mʉ eugarmua mʉrʉg iekhachewia,

Apocalipsis 17:3

Makhʉʉn thum oopieg chi Ẽwandam Akharau mʉ khãaipi atham ee, chi Ẽwandam chog mag mʉrʉg pidú a sĩerraupai jũrr mʉ warp õor chukag ee athaadejim. Mam pabaimaawai, ʉʉita sĩi mepeer pom phurii sim ʉ̃r oo sim mʉrʉg oopijim. Mepeer pom mag phur simʉn sĩi por khapan ãbam mor gaaipai siete nenernaa kach khapanjã diez wai sĩejim. Mag sim moron, sĩi ẽsapdau parhoobaaa Ẽwandam igwia iekha phã sĩsidʉmuata enter mor ipir sĩejim. Mag sim ʉ̃rta mag ʉʉi chi durpathierrmie oo sĩejim.