San Lucas 2:15 - Wounaan Meu

¹⁵ Mag thʉnʉʉ awia chi Ẽwandam chognaan deeu ʉ̃gthar ereubaadeewai chi nemchaain thʉa narr khʉʉnau jũrr wir aigpai amach khapeenag, —Keena, magan Belenag wettarrau ajim anʉm, Ẽwandam chogau jaauwai mag chaaidam eeu au khitʉm anʉm oon.

Woun Meu

¹⁵ Mag t'ʌnʌʌ hawia chi Hẽwandam chognaan deeu hʌ̃gt'ar hërëubaadeewai chi nemchaain t'ʌa narr k'ʌʌnau jũrr wir haigpai hamach k'apeenag, —Keena, magan Belenag wëttarrau hajim hanʌm, Hẽwandam chogau jaauwai mag chaaidam heeu hau k'itʌm hanʌm hoon.

San Lucas 2:15 Iomraidhean Croise

San Mateo 12:42

Mag Ẽwandamau am phiriutkha auwia chachbarm jaar ĩchab Sabá durrmua rey Salomón oon beetarr ʉʉiraujã ich ipaarmua ĩchab pãar khaibagta Ẽwandamag ĩgkha thʉnʉʉujugui ajim, í pãar khãaijã warpmuata Ẽwandamau Salomonag khĩirjug deetarr iekha sim ũraan beetarr aawai. Mag khãai mʉ Salomón khãai ʉ̃rpai chirʉmuata mʉig pãach nʉm aig Ẽwandam iek jaau chirʉmjã pãrau ũrmapha nʉmgui ajim, mag amachdeu nem ooba aajemta amach dakhĩir waupi narr khʉʉnag.

San Lucas 2:14

“Ẽwandam, ʉu abarm ʉ̃gtharm magwe. Ʉu pua pʉch Iewaa pʉibarmgui” anaajim anʉm. “Mʉg pʉchdeu i pʉibarm gaaimua mʉg durr jooi gaaijã pʉchdeu jʉr aumam khʉʉnan pʉ dʉi khõinaa wenʉrraju” anaajim anaabá, Ẽwandamag jeeumamua.

San Lucas 2:16

Mag wettarrau awia, chadcha eerpamjo ereuwia ooimaawai, chadcha chi chaaidam ewaa au khitʉm phak thakhaar sẽejem ee aukherʉm ooimajierram anaabá. Maig i bigaau chi ãd José dʉi naajim aajem.

San Lucas 24:51

Mag am khĩir onee iekhamamua, am dakhĩraa edjã baug ee ʉ̃gthaa papagmamua, warag oohba pamamua Ẽwandamau ich aar ʉ̃gthar athajim anaabá.

1 Pedro 3:22

Mag iiu phiidʉtarr Cristota ʉ̃gthar mawi, thumaam khʉʉn khãaijã ichta Ẽwandamau ich dʉicha ich juachaar gar juppiwi, ʉ̃gtharm magwe ich chognaan thum chi thethecharam khʉʉnagpa iita ogkhawi i ipierraa apijim.