San Lucas 2:14 - Wounaan Meu

¹⁴ “Ẽwandam, ʉu abarm ʉ̃gtharm magwe. Ʉu pua pʉch Iewaa pʉibarmgui” anaajim anʉm. “Mʉg pʉchdeu i pʉibarm gaaimua mʉg durr jooi gaaijã pʉchdeu jʉr aumam khʉʉnan pʉ dʉi khõinaa wenʉrraju” anaajim anaabá, Ẽwandamag jeeumamua.

Woun Meu

¹⁴ “Hẽwandam, hʌ̈u habarm hʌ̃gt'arm magwe. Hʌ̈u pua pʌch Hiewaa pʌ̈ibarmgui” hanaajim hanʌm. “Mʌg pʌchdëu hi pʌ̈ibarm gaaimua mʌg durr jöoi gaaijã pʌchdëu jʌr haumam k'ʌʌnan pʌ dʌ̈i k'õinaa wënʌrraju” hanaajim hanaabá, Hẽwandamag jëeumamua.

San Lucas 2:14 Iomraidhean Croise

San Mateo 21:9

Maagwain na wetum khʉʉnaujã serereu khaawai ẽudee wedurum khʉʉnaujã serereukhamua, “Ʉucha abarm Ẽwandam. Rey David khararr ag iewaajom chan chukhukhum” aajeejim. “Ẽwandam, ich mʉʉta pʉchdeu pʉch jũrr pʉibarmʉu. Mʉg Rey pʉibarm gaaimua ʉ̃gtharm magwe onee aju aai nʉm” aajeejim jũrram khʉʉnau.

San Lucas 1:79

Mag amach peerdʉju pierrum khaphʉ aademʉn, sĩi õor khĩchag ee nʉmjo nʉm khʉʉnau ãspa urum khaug athamjo warag ãspapiwia khʉd chaar ee paaukhabaademjo Ẽwandam dʉi khõinaa wenʉrraju.” Ma ajim aajem jooi Zacariaau ich iek eerdʉtarr ed iekhatarr.

San Lucas 19:38

Mag Ẽwandamag jeeu nʉmua, —Ʉucha abarm Ẽwandam; ich mʉʉta pʉchdeu pʉch jũrr maar Reikha pʉibarmʉugui ajierram anʉm. Mʉg Rey pʉibarm gaaimua pʉchdeu jʉr aumam khʉʉnan ʉ̃gtharm magwe pʉ dʉi khõinaa wenʉrraju. Ʉu abarm Ẽwandam. Pʉjom chan ãbjã chukhumgui ajierram aajem.

San Lucas 2:13

Chi Ẽwandam chogau mag jaaubarm ee, i khapeen ijom khʉʉn khapan edjã ee pʉʉrthʉbaichejim anaabá, seukhabarmjo abarm ee. Magbaawai makhʉʉnau Ẽwandamag jeeu nʉmua,

San Lucas 2:15

Mag thʉnʉʉ awia chi Ẽwandam chognaan deeu ʉ̃gthar ereubaadeewai chi nemchaain thʉa narr khʉʉnau jũrr wir aigpai amach khapeenag, —Keena, magan Belenag wettarrau ajim anʉm, Ẽwandam chogau jaauwai mag chaaidam eeu au khitʉm anʉm oon.

San Lucas 3:22

Ẽwandam Akhaar duburjo khitʉmta dau daau beewia i ʉ̃r jupchejim anʉm. Mag jupbaichem dʉi edjã eemua woun iekjo, “Iewaa, pʉʉta mʉ Chaai mʉchdeu jãsehne wai chitʉmʉu, pʉ gaaimua mʉ onee chiraajem” abarmjã ũrjim anaabá.

San Juan 14:27

Mag iekhamamua, —Mʉchjã onee chiraawai mʉch petaawai pãarjã mua oneenaa khõinaata phepʉajugui ajim. Mag pãar oneenaa khõinaa nʉisim chan sĩi mʉg jẽb gayamjo khũchpai khaba, ich mag nʉisim iekhau ajim. Mag mʉ mam a chirʉm ũrwia oob okhĩirjuu amiet, ni nem okhojã amiet ajim marag.

San Juan 17:4

’Pua mʉchig phidag deetarr thum mʉg jẽb gaai waubarmua mua õrag khaphʉ apibarmgui ajim, pʉʉta chadcha Ẽwandam chi jua thierriu.

San Juan 3:16

’Pari magaagta Ẽwandamau oowai mʉg durr gaaim khʉʉn thum ya chi okhoomta nʉm khaphʉ arr aawai, ich garmuata am peerdʉ aum khõchgau mʉ ich Iewaa ãbpai khitʉmta am kõit thõmkhĩir pʉijimgui ajim, magbarm gaaimua chi mʉrʉgta amach peerdʉ aupi nʉm khʉʉn chan okhooba, mʉig eegarwejã ich denkhanaa ich aar oberwia ich mag ich dʉi wenʉrramkhĩir.

Hechos 10:36

Ẽwandamau Jesucristo israelnaan ee pʉijimgui ajim anʉm, ich iek jaaumkhĩir. Mag, maadeu khaphʉ nʉmgui ajim aajem, warr Ẽwandam dʉijã iekkhõr paar narrta Jesucristo ʉu maach kõit thõtarr gaaimua khõinaa wenʉrrʉm. Ich ag Jesuugui ajim anʉm, ante maach thumaam khʉʉn Por.

Romanos 5:1

Mʉchdeu jaau chirarrjo, maachdeu thãraucha Jesucristo iek ʉkha nʉm gaaimua Ẽwandamau maach pekau chukhu narrjo wajaug paapʉijim. Magua ya ĩsin maach i dʉi khõinaa nʉm maach Por Jesucristo gaaimua.

Efesios 1:6

Mag gaaimuata chadcha ich mag Ẽwandam ajaug phenaa i tho iekhaajem, mag ich ajaug sĩerrʉm gaaimua ichdeu ich Iewaa daupii aajemta ʉu maach athee pʉitarr aawai.

Efesios 1:9

Ajapcharan ĩchab warr ichdeupai ich thãar ee nem waumaju khaphʉ aajerrta maachig khaphʉ apijim.

Efesios 2:4

Mamʉ ʉu Ẽwandamau õor thumaam khʉʉn dau aug khaug paraanaa ich garmua õor khõsi khitaawai,

Efesios 2:7

Mag Ẽwandamau maachigta nacha Cristo iek ʉkhapiwi ich denkha autarran, ĩs ewag pawiajã jãga chadcha ichdeu maach khõsi sĩ a khap apinaa, mag Cristo denkha nʉm gaaimuata chadcha ichjã maach dʉi ajaug khitʉm khap apieg ajim.

Filipenses 2:11

Mag nʉmua thumaam khʉʉnau i khaphʉ amach meukhĩraucha irig, “Jesucristo, pʉchta chadcha thumaam khʉʉn Porou; pʉchdeuta nem thum khap chirʉm” a iekhamam gaaimua, ĩchab ich Ẽwandam chi Aaipata mag tho iekhaju.

Filipenses 2:13

Magaag athee ich Ẽwandamauta ich khõchagpierr pãrag mag nem waupim khõsi api sĩewai ichdeuta pãar juagjã oojem.

Colosenses 1:20

I gaaimuata ĩchab mʉg durr gaai thum õor thʉnʉmjã amach pekau gaaimua Ẽwandam dʉi iekkhõr wai narrjã ʉ̃gtharm magwe thʉnʉm khʉʉnpa ich dʉi khõinaa naapiju aai apijim. Ĩs mag i dʉi khõinaa nʉmʉn, Cristoou maach peerdʉ awaag ich bag pakuls gaai ãrpitarr gaaimuata mag i dʉi khõinaa nʉm.

2 Tesalonicenses 2:16

Maraun, ich maach Por Jesucristoouchata maach Ẽwandam chi Aai dʉimua pãar khĩir jãsenkhanaa pãar juag oopim khõsi nʉm, pãrau nem jaaunaa nem wau nʉm thum wajaphata obeber amkhĩir. Ich Ẽwandamauta maach khõsi khĩir jãsenkhajim, ich mag wenʉrrʉmua ich dʉi ogdʉba nʉisijujã khap amkhĩir.

Apocalipsis 5:13

Ẽwandam chognaanau mag meukhaar au dichdimaawai, ĩchab thumaa ich Ẽwandamau nem wautarr edjã ee thʉnʉm khʉʉnau, mʉg jẽb gayam khʉʉnau, khechwia ya jẽb ee nʉm khʉʉnau, maimua nem thum phũas ee thʉnʉm khʉʉnaupa ĩchab o ãba meukharau ʉ̃ʉrbabapʉimjã mua ũrjim. Mag amau ʉ̃ʉrbapʉitarr meukhaar mʉg ajim: “Ar porkhau gaai Jooi jup simʉg maimua Corderodamagjã agjo ãba pãragpaita mʉg atag paawaijã ich mag thumaam khʉʉnau jeeunaa ee aju aai nʉm” ajierram. “Pãar wajaugpaita thumaam khʉʉnau tho iekhaju aai nʉm. Magnaa, ‘Pãachta mʉg atag pawiajã thumaam khʉʉn khãaijã ich mag jua theeg nʉm’ aju aai nʉm” ahaug majierram meukharaupai.