San Lucas 2:13 - Wounaan Meu

¹³ Chi Ẽwandam chogau mag jaaubarm ee, i khapeen ijom khʉʉn khapan edjã ee pʉʉrthʉbaichejim anaabá, seukhabarmjo abarm ee. Magbaawai makhʉʉnau Ẽwandamag jeeu nʉmua,

Woun Meu

¹³ Chi Hẽwandam chogau mag jaaubarm hee, hi k'apeen hijöm k'ʌʌn k'apan hedjã hee pʌʌrt'ʌbaichëjim hanaabá, sëuk'abarmjö habarm hee. Magbaawai mak'ʌʌnau Hẽwandamag jëeu nʌmua,

San Lucas 2:13 Iomraidhean Croise

San Lucas 15:10

Magnaa ich Jesuupai, Ich jãgta ʉ̃gtharjã ĩchab Ẽwandam chognaan onee aphobaadeejemgui ajim anʉm, ar woun ãb khãijã ich khaibag isegwia khĩirjug ajapham jʉrwia Ẽwandam ich thãar ee atham ed.

San Lucas 2:12

Mʉch seukha chirʉm am ugua, nauwe ereubaadet ajim anʉm, Belén phoborog. Mam barbaimaawai chi chaaidam putdam ee pʉreunaa phak thakhaar sẽejem uthur khitʉm ee aukherʉm pãrau ooimaju a jaaujim anʉm.

San Lucas 2:14

“Ẽwandam, ʉu abarm ʉ̃gtharm magwe. Ʉu pua pʉch Iewaa pʉibarmgui” anaajim anʉm. “Mʉg pʉchdeu i pʉibarm gaaimua mʉg durr jooi gaaijã pʉchdeu jʉr aumam khʉʉnan pʉ dʉi khõinaa wenʉrraju” anaajim anaabá, Ẽwandamag jeeumamua.

Efesios 3:10

Pari mag mʉrʉg jaautarran, mag maach thumaam khʉʉnta Cristo denkha nʉm gaaimua chi jua thierrnaan thum edjã eem khʉʉnau ʉ̃gtharm magwe mag Ẽwandam khĩirjug khaug sim khakhapdo amkhĩir ajim. Chadcha ichdeu nem wau nʉmpierr nem waau khaauga sĩerrʉm.

1 Timoteo 3:16

Mag iek warrgar thumaam khʉʉnau khaugba aajerrta ĩsin maadeu dawaa oo nʉm, ich Ẽwandamau maachig khaugpitarr aawai. Mag maachig khaugpitarr iekhan mʉgau: Cristo Ẽwandamkha simta maach thaabaajemjo mʉg jẽb gaai thaabachewia, maach wounaan khĩir thegwia, mʉg jẽb gaaim khʉʉnag ich oopien beejim. Maimua meewia Ẽwandam Akharau deeu i phiriu athamua chadcha í pekau chukhu khitʉm a khaugpijim õrag. Mʉg jẽb gaai sĩeichewia irua nem wautarr thum Ẽwandam chognaanau ʉ̃gtharmua oojierram. Maimua amach aar pabaimaawaijã sĩi onee amach jua ee baarpi aujierram. Magtarr, durr warpham magwe aaidʉ jaaupʉiwia meupierram khʉʉnau khakhapdo thʉnʉm dʉi ĩchab durrpierr i iek ʉkha durrum khʉʉn nʉnʉidʉm.

Hebreos 1:14

Mamʉ angelnaan thum sĩi Ẽwandamau nem jajaaukham ipierraa aagta thʉnaawai amag chan irua mag iekhabajim. Jãkhʉʉnan, sĩi ich Ẽwandamau ich dʉi ich mag wenʉrraag maach ich aar phe auju khʉʉn juag oomkhĩir pʉitarr khʉʉnau.

1 Pedro 1:12

Mamʉ mag nʉm ee ich Ẽwandamau amag khaphʉ apiejeejim ĩchab, mag amau woun beeju jaau nʉmjã amach daúa oobaju; ajapcharan maach ĩs ewagam khʉʉn athee beejuuta mag jaaujeejim. Maagjerr aawai ĩs maach peerdʉajem iek jaau nʉm khʉʉnaujã, ich ag Ẽwandam Akharauta maachig jaaupibaawai, ich mag woun beeju jaaujerr iekta maraujã jaau wenʉrrabahab. Ĩsin mag õor peerdʉ aaujem iek maadeu khaphʉ nʉm ee, Ẽwandam chognaan angelnaanaujã agtha khaugba naawai, amau khaugam khõchaaga aajem, jãga mag Ẽwandamau õor peerdʉ aaujẽ.

Apocalipsis 5:11

Maimua mua oowai, mag porkhau bigaau mag khanjo ich paar sĩsidʉm dʉi jooin ohood wejom eugar, Ẽwandam chognaan pooma sĩi sereu phʉʉrdʉ wejoojim. Mag thʉnʉmʉn chi khapanag millones y millones thʉnarr aawai, khapaana sĩi maach dau warpta pos pʉʉrthʉ, pod maadeu chi beerjujã khaugba thʉnaajim.