San Lucas 2:10 - Wounaan Meu

¹⁰ Magbaa chi Ẽwandam chogau amag, —Oob jãphierrmiet. Mʉʉn sĩi pãrag iek ajapham jawaanta beejimgui ajim anʉm. Mʉg murua pãrag iek jaaubarmua pãar israelnaan thum onee ajurau, pãachdeu ũrmampierr. Murua pãrag iek jawaan beetarran mʉgaugui ajim anʉm:

Woun Meu

¹⁰ Magbaa chi Hẽwandam chogau hamag, —Hoob jãp'ierrmiet. Mʌʌn sĩi pãrag hiek hajap'am jawaanta bëejimgui hajim hanʌm. Mʌg murua pãrag hiek jaaubarmua pãar israelnaan t'um honee hajurau, pãachdëu hũrmampierr. Murua pãrag hiek jawaan bëetarran mʌgaugui hajim hanʌm:

San Lucas 2:10 Iomraidhean Croise

San Mateo 14:27

Pari magbaawai ich Jesuu, —Keena, oob jãphierrmiet; mʉ khabahab ajim marag.

San Mateo 28:18

Mag nʉm ee warag maar aig beewi maar dʉi iyʉʉmamua magjim: —Ya mʉ Ayau mʉrʉg ʉ̃gtharm khʉʉn dʉijã iek theeg apinaa mʉig eegarm khʉʉn dʉijã iek theeg apibarmgui ajim.

San Mateo 28:5

Pari mag chi soldaaun thuphãau aphobaadem ee, chi Ẽwandam chogau chi ʉʉinag, —Oob jãphierrmiet ajim anʉm. Mua khaphʉ chirʉmgui ajim anʉm, pãrau Jesuuta jʉr wenʉrrʉm, ar amau pakuls gaai meerphe thõotarr.

San Marcos 1:15

Mag Ẽwandam iek jawaanta marr aawai ichpai igwia jaaumamua, “Warrgurwe Ẽwandamau Juan ẽudee woun ãb pʉiju a jaaujerr ĩsta barbaichemgui” ajim anʉm. “Maagwai ĩsin chad Ẽwandamau thumaam khʉʉn ich denkha aum khõsita sim. Pari magaagan pãach khaibag ãsie ewag khĩirjunaa iseg nʉm dʉi thãraucha maach peerdʉajem iekta ʉkhabat” aajeejim aajem ich Jesuucha õrag.

San Marcos 16:15

Maimua ich Jesuu magjim anʉm amag: —Jãimua ereu phobaadewi Ẽwandamau õor peerdʉ aaujem iekta durrpierram magwe thumaam khʉʉnag jaaupetat ajim anʉm.

San Lucas 1:13

Mamʉ magbaawai chi Ẽwandam chogau irig, —Zacarías, oob jãphierram ajim anʉm. Pua Ẽwandamag jeeu chitʉʉ aajerr ĩsta irua pʉ iek ʉkhabarm: Pʉ ʉʉi Elizabed bi ee pawia pʉrʉg chaai oo deejugui ajim anʉm. Mag chaai thaaba khersiewai pua i thʉ̃rdam Juan a thʉ̃rjugui ajim anʉm.

San Lucas 1:19

Magbaa jũrr chi Ẽwandam chogau irig, —Zacarías, mʉʉn Gabriel a thʉ̃ʉrjemgui ajim anʉm. Mʉchta Ẽwandam garcha i bʉkhʉrr phidkhaajem. Ichdeu mʉ pʉiwiata pʉ aig mʉ beejimgui ajim anʉm, cha mʉchdeu iek jaau chirʉm jawaan.

San Lucas 1:30

Magbaawai chi Ẽwandam chogau, —Oob khĩirjum, pʉʉta Ẽwandamau ʉu eeg oobarbahab ajim anʉm.

San Lucas 2:11

Ĩsta Belén phobor ee chaai thaababarm, warrgarwe õor thumaam khʉʉnau nʉajerr Chaai. Mʉg chaairauta mʉg atag õor peerdʉ aujugui ajim anʉm. Ichta Cristoou maach Por.

San Lucas 24:47

Mag mʉch chi Cristo iiu phiidʉbarm ootarr khʉʉnauta amachdeu ootarr nacha Jerusalenpienag jaaunaa ĩchab durrpierram khʉʉnagjã jaaujugui ajim anʉm, jãgata khĩirjug ajapham jʉrbaawai Ẽwandamau amach khaibag chugpaaju aai sim thumaam khʉʉnag khap amkhĩir.

San Lucas 8:1

Maigmua maau Jesús phoborpierr nʉrrʉmua ĩchab phobor chaaur didam khapan khaba khekhedʉm eem magwe nʉrrajim aajem, maach peerdʉajem iek jaauwai. Mag jaau nʉrrʉmua, —Ẽwandamta ya thumaam khʉʉn porkhaimʉʉ sim. Pãar peerdʉm khõsi nʉm khai, irigta ʉdʉraa pãach phẽethʉgpibat aajeejim anʉm, ichta pãach Porkhamkhĩir. I dʉi ĩchab wenʉrrajim aajem ichdeu doce jʉr autarr khʉʉn,

Hechos 13:32

Maimua warag mag jaaumamua, —Ẽwandamau warrgarwe maach jooinag jaauwai mag ich chaai pʉiju aajerr iekta maraujã pãrag jaau wenʉrrʉmgui ajim anʉm.

Romanos 10:15

Pari jãga mag chi jaaujem khʉʉnjã paraa aju, chi ya ʉkha nʉm khʉʉnau am pʉibam. Pari judionaanau ya chadcha Jesús iek jaau nʉm ũrwi naawai, khan atcha tag ũrm khõsi nʉ ʉkhaag. Ẽwandamau nawe ich iek jaaupiejem khap ich iek phã sim gaai jaauwai, “Jãg õor peerdʉajem iek jaau wenʉrrʉm khʉʉnta ʉucha khitheem” a sim.

Efesios 3:8

Ajapcharan mʉʉn thum mʉg Ẽwandam iek ʉkha nʉm gaaimua i denkha thʉnʉm eejã mʉchta serbiibacha chirʉm. Mag chirab mamʉ ich Ẽwandamauta pãar maar meeun khabam khʉʉn eejã mʉg maach peerdʉajem iek jaaupitarr aawai mag Cristo gaaimua maach dʉi nem ajapha aajem pooma maadeu chi jaaujujã khaugba aajemjã ʉu jaau chitʉm.

Colosenses 1:23

Pari mag bʉ̃ʉrjã kulp chukhu ich aar pãach phe aupiegan, ich mag pãachdeu ʉkhatarr iek gaaita ubʉnaa ĩchab pãachdeu maach peerdʉajem iek ʉkhatarr edwe ich dʉi ich mag nʉisijujã khaphʉ nʉisierr khĩirjugta khĩir okhooba wai wenʉrraju aai nʉm. Ich mʉg maach peerdʉajem pãrau ũrtarr iekpaita ĩchab durrpierr jaau nʉm; mʉchdeujã ich ag iekta jaau khitaajem.