San Lucas 2:1 - Wounaan Meu

¹ Mag Juan thaaba nʉm jaar ya ĩchab Mariajã pomcha waaurba sĩejim aajem, Jesús gaai. Mag nʉm ee chi rey César Augustoou ich thethem khʉʉnag jaaujim aajem, jũrr makhʉʉnau ichdeu durr jʉ̃a sim ee õor nʉnʉidʉmpierr jaaubaa amach thʉ̃r phãkhapi mamkhĩir.

Woun Meu

¹ Mag Juan t'aaba nʌm jaar ya hĩchab Mariajã pömcha waaurba sĩejim haajem, Jesús gaai. Mag nʌm hee chi rey César Augustoou hich t'et'em k'ʌʌnag jaaujim haajem, jũrr mak'ʌʌnau hichdëu durr jʌ̃a sim hee hõor nʌnʌidʌmpierr jaaubaa hamach t'ʌ̃r p'ãk'api mamk'ĩir.

San Lucas 2:1 Iomraidhean Croise

San Mateo 22:17

Magua marau pʉrʉg jeeum ig nʉm: ¿Pua oowai chadcha maach meeun judionaanaujã durrpierram khʉʉn rey Roma sĩejemʉgta impuesto phagju aai nʉ, wa phagju khaba nʉ? aichejierram irig.

San Mateo 24:14

Ẽwandamau mʉg durr i agkhaju nawe, durrpierr thumaam khʉʉnag mʉg iek wajapham õor peerdʉ aaujem jaaudubju. Mag jaaubaawai thumaam khʉʉnau ũrbaawain chadau warre ich Jooirau mʉg durr jua khẽgkhapʉiju a jaaumajim.

San Marcos 14:9

Magnaa, Ĩs mua chadcha pãrag mag chirʉmgui ajim anʉm: Mʉg atag pawiajã durrpierr Ẽwandamau õor peerdʉ aaujem iek jaau wenʉrrʉm dʉi ĩchab mʉg ʉʉirau mʉ dʉi mʉgbarmjã jaaub khaba jaauju. Mag, ooba arr khʉʉnaujã ĩchab i iigjeejugui ajim anʉm.

San Marcos 16:15

Maimua ich Jesuu magjim anʉm amag: —Jãimua ereu phobaadewi Ẽwandamau õor peerdʉ aaujem iekta durrpierram magwe thumaam khʉʉnag jaaupetat ajim anʉm.

San Lucas 2:3

Mag iek aaidʉ nʉm jaar jaautarrjo, thumaam khʉʉn amach jooin phoborpierr wetjierram anaabá, amach thʉ̃r phãkhamkhĩir.

San Lucas 2:5

Mag ich mam dʉi María arrjim aajem, ag nawe iek deewia jua pʉrju anarr aawai. Maagwai María ya auwimʉʉ sĩejim aajem.

San Lucas 3:1

Woun Tiberio anʉm reikhabaaderr aigmua quince años aadem ee, gobernadornaan jayap naajim aajem: Judea durr: Poncio Pilato Galilea durr: Erodes Iturea durr Traconite durr dʉi: Felipe (Erodes naam, aai gaaimua) Abilinia durr: Lisanias

Hechos 11:28

Mag beewia ãb Agabo anʉmua Ẽwandam Akharau ichig jaaupibaawai õrag jaaujim anʉm, durrpierr jãdau theeg burrju. Magtarr khur Claudio reikha sim jaar, chadcha ich Agaboou jaautarrjoo ajim anaabá.

Hechos 25:11

Pua oowai mʉchdeu nem khaigba arr gaaimua chadcha amau mʉ thõoju aai nʉm khai, mua magʉmjã abam. Mamʉ bʉ̃ʉrjã mʉ khaigba khaba chirʉmta, sĩi mʉ eugar mag seukha thʉnʉm gaaimuapai chan mʉ dʉi amachdeu ampierr amkhĩir ni ãbmuajã pod mʉ amag pʉr deeju khaba simgui ajim anʉm. Magju khãai warre emperador aarchata mʉ deebapʉi. Jam irua mʉ dʉi ichdeu khap ajugui ajim anʉm ich Pabloou irig.

Hechos 25:21

Mamʉ magbaawai ichdeu, “Magju khãai warre emperador César aarta mʉ deebapʉit, jamta irua mʉ dʉi ichdeu khap aju” abaawai, ich magpai sĩuwi, deeu mua ich sĩejem cárcel deg arrpiwi, sĩi oopaar apijimgui ajim anʉm, emperador aar pʉi nʉm ora. Magta Pablo cárcel deg simjã Festoou Agripaag jaaumajim aajem.

Romanos 1:8

Keena, deeum nem jaauju nawe pãrag jaaukhim: Muan Jesucristo gaaimua ich mag Ẽwandamagta ʉu ajim a chiraajem, pãachdeu ʉkhatarr iekta agtha ogdʉba durrum igwia deeum durram magwe pãar eugar õrau wajapha ig iyʉʉ aajem paar.

Filipenses 4:22

Maimua tagam khʉʉn thum mʉig agjo Ẽwandam iek ʉkha durrum khʉʉnaujã amach thumaam khʉʉnau pãrag salud aajem. Mamʉ ʉ̃rcha pãrag salud deepʉi nʉmʉn, Jesucristo gaaimua maach khodnaan mʉg Roma durram rey deg phidkhaajem khʉʉnauta pãrag salud deepʉi nʉm.