San Lucas 19:44 - Wounaan Meu

⁴⁴ pãar thum khechpʉpʉigmamua ni ãbjã bʉ euheu khitʉm ooba sĩwaag. Magbarm aigmua atag di jãg ãbam ʉ̃r joothʉ eu sĩsidʉmjã tag pãrau ich jãg oobajugui ajim anʉm, Ẽwandamau ich garmua pãach oon beetarrjã warag i isegtarr gaaimua.

Woun Meu

⁴⁴ pãar t'um k'ëchpʌ̈pʌ̈igmamua ni hãbjã bʌ̈ hëuhëu k'itʌm hooba sĩwaag. Magbarm haigmua hatag di jãg hãbam hʌ̃r joot'ʌ hëu sĩsidʌmjã tag pãrau hich jãg hoobajugui hajim hanʌm, Hẽwandamau hich garmua pãach hoon bëetarrjã warag hi hisegtarr gaaimua.

San Lucas 19:44 Iomraidhean Croise

San Mateo 24:2

Magbaawai ichdeu marag magjim: —Pãrau jãg di wajapha eu dʉnʉm oo naabá. Jãg thʉnʉm chan mok por ãbjã ãbam ʉ̃r ich jãg ajapha joothʉthʉʉd sĩerrabam. Jãg thʉnʉmʉn sĩi thumaa õrau pogueupʉijuuta jãg dʉnʉmgui ajim.

San Marcos 13:2

Magbaawai Jesuu irig, —Ar jãg di dap dʉnʉnʉidʉm pua oo chirabá; jãg thʉnʉm chan mok por ãbjã ãbam ʉ̃r ich jãg ajapha joothʉthʉʉd sĩerrabam. Jãg thʉnʉmʉn sĩi thumaa õrau pogueupʉijuuta jãg dʉnʉmgui ajim anʉm.

San Lucas 1:68

“Ẽwandam, ʉuhcha pua pʉch chaain eeg oowia ĩsin chad maar peerdʉ awaagpam. Magua maar onee nʉmgui ajim anʉm.

San Lucas 1:78

Magaag atheeta Ẽwandamau maach thumaam khʉʉn khĩir jãsenkhawia ich Chaai pʉi sim, peerdʉju khaugba aawai pod ʉ̃gthar oberbaju aajerr khʉʉnpa peerdʉ aumkhĩir.

San Lucas 19:42

Mag bĩemamua chi phoborpien igwia magjim anʉm: —¡Eh, Jerusalenpien! Ẽwandam dʉi pãach khõinaa wenʉrramkhĩir pãachig mua jaaujerr iek pãachdeu isegtarr, ĩs mʉgnaa khãijã deeu ãsie thumaa khĩirjuwia igkhiin, pãar ʉu peerdʉkhamgui ajim anʉm. Mamʉ khanii magʉm iek pãar khĩirjug ee barjupa.

San Lucas 21:6

—Ar mokdau sĩi ajapha joothʉthʉʉd jãg thʉnʉm pãrau oo naabá. Jãg thʉnʉm chan mokpor ãbjã ãbam ʉ̃r ich jãg ajapha joothʉthʉʉd sĩerrabam. Jãg thʉnʉmʉn sĩi thumaa õrau pogueupʉijuuta jãg dʉnʉmgui ajim anʉm.

1 Pedro 2:12

Ẽwandam iek ʉkhabam khʉʉn daarjã nem ajaphata waaujeet. Maagwai amau pãar eugar õor khaigbam khʉʉn eugarmjo iekhawiajã, Ẽwandam beem edjã chadcha pãrau nem ajapha waaujerr khĩirjunaa jũrr amau, “Jãgan chadcha amau nem ajaphata waaujeejiebma” aju.