San Lucas 19:42 - Wounaan Meu

⁴² Mag bĩemamua chi phoborpien igwia magjim anʉm: —¡Eh, Jerusalenpien! Ẽwandam dʉi pãach khõinaa wenʉrramkhĩir pãachig mua jaaujerr iek pãachdeu isegtarr, ĩs mʉgnaa khãijã deeu ãsie thumaa khĩirjuwia igkhiin, pãar ʉu peerdʉkhamgui ajim anʉm. Mamʉ khanii magʉm iek pãar khĩirjug ee barjupa.

Woun Meu

⁴² Mag bĩemamua chi p'öbörpien higwia magjim hanʌm: —¡Hëh, Jerusalenpien! Hẽwandam dʌ̈i pãach k'õinaa wënʌrramk'ĩir pãachig mua jaaujerr hiek pãachdëu hisegtarr, hĩs mʌgnaa k'ãijã deeu hãsie t'umaa k'ĩirjuwia higk'iin, pãar hʌ̈u peerdʌk'amgui hajim hanʌm. Mamʌ k'anii magʌm hiek pãar k'ĩirjug hee barjupa.

San Lucas 19:42 Iomraidhean Croise

San Lucas 19:41

Mag wetumua ya chi Jerusalén phobor dakhacha aadeewai, phobor eerpa wai sĩi awia, thumaa khĩirjuwia Jesús bĩebaadejim aajem.

San Lucas 19:43

Pãar jãg nʉʉ awi pãar oju ed barbaicheewai, pãach oomapha aajem khʉʉnau sĩi pãar phʉʉrthuur auchewia, phobor igaau warpham magwe pãar oberm ugua thuur phʉʉrdʉpʉijugui ajim anʉm. Magnaa pãar obeerwaim athee oopaar aju,

San Lucas 19:44

pãar thum khechpʉpʉigmamua ni ãbjã bʉ euheu khitʉm ooba sĩwaag. Magbarm aigmua atag di jãg ãbam ʉ̃r joothʉ eu sĩsidʉmjã tag pãrau ich jãg oobajugui ajim anʉm, Ẽwandamau ich garmua pãach oon beetarrjã warag i isegtarr gaaimua.

Hechos 10:36

Ẽwandamau Jesucristo israelnaan ee pʉijimgui ajim anʉm, ich iek jaaumkhĩir. Mag, maadeu khaphʉ nʉmgui ajim aajem, warr Ẽwandam dʉijã iekkhõr paar narrta Jesucristo ʉu maach kõit thõtarr gaaimua khõinaa wenʉrrʉm. Ich ag Jesuugui ajim anʉm, ante maach thumaam khʉʉn Por.

Hechos 13:46

Magbaawai ĩchab Pabloou Bernabé dʉimua warag thãar phĩiuwia iek khẽgkha amag, —Ũrbat keena ajierram anʉm. Chadcha pãragta nacha marau mʉg Ẽwandam iek jaauju aai naajim, mamʉ pãar jãg ʉ̃gthar obermaphamjo Ẽwandamagjã ʉdʉʉr pãach peerdʉ aupiba i isegamjo naawai marau judionaan khabam khʉʉnagpa jaau wenʉrrʉmgui ajim aajem,

Hebreos 3:13

Magju khãai Ẽwandam iek phã sim gaai jaau simjo, ʉu agtha dich khapeendam wawiju aai nʉwe ed eepierr agdaujo pãach khapeen wawibat, pãach pekau ee nem khaigbam wau nʉmuapai pãach khũgurwi warag thãar theeg am ugua.

Hebreos 3:15

Pari magaagan, Ẽwandam iek gaai phã sim chaig jaau chirarrjo, “Ĩs pãachdeu Ẽwandam iek jaau nʉm ũurwai oob thãar theeg amiet; oob ar israelnaanau warag Ẽwandam dʉita serereu nʉʉ awi i meeukhapipʉitarrjo amiet” a chirʉm. (Sal. 95:7-8)

Hebreos 3:7

Magua oob thãar theeg amiet, eeu pãach dʉijã Ẽwandamau israelnaan dʉi arrjo adukham. Magju khãai Ẽwandam iek phã sim gaai ich Ẽwandam Akharaucha jaau simjo, “Ĩs pãachdeu Ẽwandam iek jaau nʉm ũurwai