San Lucas 19:21 - Wounaan Meu

²¹ Mua pʉ phatkhonau bʉ̃ʉrjã phidkhabajim, pʉch jãg õor dʉi atcha athuu sĩerrʉm khaphʉ chitaawai. Mua agua phidkhawia gantarr akhiin, chi ʉ̃rʉm pua sĩi khecheu aukhamgui” ajim anʉm, “pʉ den sĩi chikham jua phithur atarrta pʉch denjo aadep aajeewai.”

Woun Meu

²¹ Mua pʌ p'atk'onau bʌ̃ʌrjã p'idk'abajim, pʌch jãg hõor dʌ̈i hatcha hat'uu sĩerrʌm k'ap'ʌ chitaawai. Mua hagua p'idk'awia gantarr hak'iin, chi hʌ̃rʌm pua sĩi k'echeu hauk'amgui” hajim hanʌm, “pʌ dën sĩi chik'am jua p'it'ur hatarrta pʌch dënjö haadëp haajeewai.”

San Lucas 19:21 Iomraidhean Croise

San Lucas 19:20

Thumaam khʉʉnag mag jeeukha oomam aawai deeum thʉ̃rpʉijim aajem. Magua paawai beewia magchejim anʉm: “Rey, pua mʉrʉg phatkhon deetarr mua sĩi putdam ee pʉreunaa ãkha kherjim, akhoom ugua. Magtarr aawai cha sim” ajim anʉm “pʉ phatkhondam, ich agpierrpai.

San Lucas 19:22

Magbaawai chi reíu magjim aajem irig: “Pʉʉta mʉ chog chi khaigbampama. Pʉ gaaita thumaam khʉʉn khuseugan thʉnʉm. Pʉch iiupaita pua mʉ mag jaau chirʉm khai, magan muajã pʉ dʉi pʉchdeu jaau simjo ajugui” ajim anʉm.

Romanos 8:15

Mag ich Akhaar deebarmua ich chaainkha autarr chan, sĩi mʉig eegar chikham chogkha nʉm khʉʉnau amach patronnaan ogkhaajemjo ich okho wenʉrramkhĩir khabajim. Magju khãai mag ich Akhaarta deetarr aawai irig jeeuwaijã chadcha ich ag Akharaupai bʉ̃ʉrjã inag chukhu irig Aai ichepiejem.

Romanos 8:7

¿Jãgwi mag okhooju? Sĩi mag dichdeu nem khõsimʉgta ʉdʉraa dich gaai ʉ̃rpapinaa jũrr Ẽwandam ichaaurta nem waaujeewaima. Dich mag nem wau nʉm gaaimua i ipierraajã aba, wa mag i ipierraa aju ẽkhakhiinjã, ichiita podbaju.

2 Timoteo 1:7

Irua maachig ich Akhaar chi jua thierrta deebajieb, õrag inag chukhu ich iek jaaumkhĩir. Mag Akharauta maachig dich khapeenjã kha khõsi apinaa nem waauwaijã wajapha khĩirjunaata nem waupiejem.

Santiago 2:10

¿Jãgwi pãrag mag chirʉ́? Ãbmua khãijã pod Ẽwandamau Moiseeg ley deetarr thumaa ʉʉrkha auba ãb khãijã waaurpʉimʉn ichiita kulp pom sim, pod ley thum ʉʉrkha auba sĩewai.

1 Juan 4:18

Ẽwandamau chadcha maach khõsi sim maadeu khaphʉ nʉm aig i ogkhaba aajem; magju khãai dich khõsi sim khaphʉ naawai bʉ̃ʉrjã dich dʉi khaigbajujã khĩirjubaju. Maadeu i ogkha nʉmʉn, magan dich khaibag khãijã wauju khĩirjuwiau. Magua, Ẽwandamau õor i agkham ed maachjã irua khaigba aju khĩirju nʉmʉn, magan agtha wajapcha maach khõsi sim khaugba naawaita mag khĩirju nʉm.

Judas 1:15

Mag urumʉn õor thum khaigbam khʉʉnag amachdeu nem khaibag waunaa parhooba ich igwia iparii iekhaajerr paarjã am khaibag wauju jawaanta urumgui” ajim anʉm. Magta iekhajim aajem jooi Enoc aajerrau.