San Lucas 19:13 - Wounaan Meu

¹³ Mag chadcha ya ich maagpamua ich chognaan diez thʉ̃rkha auwia, phatkhon agdaujo amachpierr dʉrrcha jigpʉiwia, “Mʉg phatkhon mua pãrag jig pʉa chirʉmʉn, mʉch bee nʉm ora agua phidkhawia warag ʉ̃r aumkhĩrau” ajim anʉm.

Woun Meu

¹³ Mag chadcha ya hich maagpamua hich chognaan diez t'ʌ̃rk'a hauwia, p'atk'on hagdaujö hamachpierr dʌ̈rrcha jigpʌ̈iwia, “Mʌg p'atk'on mua pãrag jig pʌa chirʌmʌn, mʌch bëe nʌm hora hagua p'idk'awia warag hʌ̃r haumk'ĩrau” hajim hanʌm.

San Lucas 19:13 Iomraidhean Croise

San Mateo 25:16

Mag i petaawai chi piyón mag cinco mil autarrau ag phatkhonau phidkhabaadewi ag ʉ̃r deeu cinco mil gan aujim aajem.

San Mateo 25:20

Nacha chi cinco mil autarr beejim aajem. Mag beewi ag ʉ̃r ichdeu cinco mil gan autarr chi papag deechewia irig, “Señor, pua mʉrʉg cinco mil werpʉarrau ag ʉ̃r mua agjo cinco mil gan aujim; cha kherʉm pʉ phatkhon” ajim anʉm.

San Mateo 25:22

Mag khur dos mil autarr beewi maguajã agjo, “Señor, pua mʉrʉg dos mil deetarr ʉ̃r muajã agjo dos mil gan aujim; cha kherʉm pʉ phatkhon” aichejim anʉm.

San Mateo 25:24

’Maimua milpai autarrjã beejim aajem. Pari magua chan warm khʉʉn denjo phidkhawi gan auba arr aawai sĩi warag, “Señor, mua pʉ khaphʉ chitʉmgui ajim anʉm, pʉ õor dʉi atcha sĩerrʉm. Mua pʉ phatkhonau phidkhawi gantarr akhiin, pua sĩi chi ʉ̃rʉm mʉ jua eem khecheu aukhamgui” ajim anʉm, “pʉ den sĩi chikham jua phithur atarrta pʉch denjo aajeewai.

San Lucas 19:12

Mag ĩgkhamamua amag magjim anʉm: —Woun ãb sĩejimgui ajim anʉm, thethem iewaa. Ma, ich thʉ̃rbapäaiwai, deeum durr majim aajem, jua theeg apiwia reikhapieg. Mamʉ mag mawia iin deeu beeju ajiebma.

San Lucas 19:14

Mamʉ mag woun ich dʉi ãbam durr ee naajem khʉʉnaupaijã i kha khõchkhaba aajeejim aajem. Maagjerr aawai i petam ẽudee õor pʉiwia makhʉʉn dʉi, “Pʉ chan marau maach durr reikhapimapha nʉm” a jaaupʉijierram aajem.

San Juan 12:26

Maimua ĩchab chi chadcha mʉ chogkhanaa mʉ dʉi nʉrram khõsi simʉn, ichdeu khõchagpierr nem wauba, mʉchdeu nem waupim khõsimpaita wau nʉrraju aai sim. Mag amʉn magan am wenʉrrʉmpierr mʉchjã am dʉi chitajugui ajim. Ãbmua magta mʉ chogkha nem wau nʉrrʉmʉn, mʉ Ayaujã ich khĩircha i tho iekhajugui ajim.

Gálatas 1:10

Mua mag chirʉm aig chan õragta mʉch eugar ajapha ig iyʉʉ amkhĩir khaba, Ẽwandamagta mʉchdeu nem wau chirʉm igwia chadcha ʉu sim apiju ẽkhaajem; sĩi õrag mʉch ajapha oomkhĩirpaita mʉ mag chitʉm akhiin, ya Cristo chogjã khaba chirakham.

Santiago 1:1

¿Jãgpai nʉ keena? Mʉʉn Santiagoou, Ẽwandam chog anaa ĩchab maach Por Jesucristo chog. Durrpierr maach meeun judionaan Cristo denkha nʉm khʉʉn pãach nʉnʉidʉmpierr pãragta mua saludaa chirʉm.

2 Pedro 1:1

Mʉʉn Simón Pedroou, ich Jesucristooucha ich i jaaumkhĩir jʉr autarr; muata pãrag mʉg ẽsap phã deepʉi chirʉm, pãraujã maach ich Jesucristooucha jʉr autarr khʉʉnau ʉkha nʉm iekpaita ʉkha naawai. Pãrau mag ʉkha nʉmʉn, maach Ẽwandam anaa maach peerdʉ aaujem Jesucristo thumaam khʉʉn dʉi nem agcha aajeewai, iwiir ãbam khʉʉnagpaita mag ich iek ʉkhapim khõsi khaba, thumaam khʉʉnagta agdaujo ʉkhapim khõsi aajeewaiu. Magua maach ich Jesucristo dʉicha wenʉrraajerr khʉʉn khaibag chugpatarrjo pãar maar khãai ẽudeecha ʉkhatarr khʉʉn khaibagjã ichdeuchata chugpatarr aawai, maach thumaam khʉʉn oneg ãbata nʉm, ãbam iekta ʉkha naawai.