San Lucas 19:12 - Wounaan Meu

¹² Mag ĩgkhamamua amag magjim anʉm: —Woun ãb sĩejimgui ajim anʉm, thethem iewaa. Ma, ich thʉ̃rbapäaiwai, deeum durr majim aajem, jua theeg apiwia reikhapieg. Mamʉ mag mawia iin deeu beeju ajiebma.

Woun Meu

¹² Mag hĩgk'amamua hamag magjim hanʌm: —Woun hãb sĩejimgui hajim hanʌm, t'et'em hiewaa. Ma, hich t'ʌ̃rbapäaiwai, deeum durr majim haajem, jua t'eeg hapiwia reik'apieg. Mamʌ mag mawia hiin deeu bëeju hajiebma.

San Lucas 19:12 Iomraidhean Croise

San Mateo 21:38

Pari warm khʉʉnau mag i ogkhajujã khĩirjuba, sĩi warag amach aar barpinaa, “Keena, chamʉʉta chi iewaa aawai mʉguata mʉg atagjã jũrr ich aai nemjĩir jʉ̃aju khabahab” ajierram anʉm. “Jãg sĩpí warre maadeu i thõopʉiju, mʉg uvado jũrr maach denkha awaag” ajierram anʉm, amach appai.

San Mateo 28:18

Mag nʉm ee warag maar aig beewi maar dʉi iyʉʉmamua magjim: —Ya mʉ Ayau mʉrʉg ʉ̃gtharm khʉʉn dʉijã iek theeg apinaa mʉig eegarm khʉʉn dʉijã iek theeg apibarmgui ajim.

San Marcos 12:1

Maimua Jesuu ich aig õor pos thʉnʉm khʉʉnag mʉg nem ĩgkhaadam jaaumamua magjim anʉm: —Woun ãbmua uvado jĩirjim aajem. Mag jĩirwia ag igaau ajapha thuur phʉʉrdʉpʉiwi ich agjo aig di eu kherjim aajem, ag eegar chi uva cho piirjʉwaag. Magnaa ĩchab didamjã nasãdjo ʉ̃gthaa eu dʉnʉʉujim aajem, ag gaaimua warp dawaa oo phʉʉrdʉdʉ aag. Mag nem thum aaipa sĩuwi, chawag mam khõchkhabaadeewai, chi nemjĩirdo deeum khʉʉnag alquilaapʉiwi, ichin jũrr deeum durr warp petajim aajem.

San Marcos 16:19

Jesuu ich bʉ ogdʉba aajerr khʉʉnag mag jaau aaipabaadeewai ich Ẽwandamaucha maach Por Jesús ich aar aujim anaabá, ʉ̃gthar. Mag Jesús ʉ̃gthar pabaimaawai warre ich Ẽwandam bigaau i juachaar garta jupimajim aajem, ag nawe ichdeu amag jaaujerrjo.

San Lucas 20:9

Maimua mag õor pom thʉnʉmʉg mʉg nem ĩgkhaadam jaaumamua magjim aajem Jesuu: —Woun ãbmua uvado jĩirjim aajem. Maimua ich chawag mam khõchkhabaadeewai deeum khʉʉnag alquilaapʉiwi, warp deeum durr petawia, mam sĩi aimajim aajem.

San Lucas 24:51

Mag am khĩir onee iekhamamua, am dakhĩraa edjã baug ee ʉ̃gthaa papagmamua, warag oohba pamamua Ẽwandamau ich aar ʉ̃gthar athajim anaabá.

San Juan 18:37

I mag iekhabarm ũrbaawai chi Pilatoou irig, —¿Magan pʉʉn chadcha reipamá? ajim anʉm. Magbaawai Jesuu, —Pua khabá khaphʉ jaaubapʉim; mʉ chadcha Reiu ajim aajem. Mʉ mʉg durr gaai parhoobam chaaidamjo thaabachetarran, mʉ Ayau chadcharam iek jaaupi sim jawaanta beejim. Maagwai thum mag chadcharam iek ʉkham khõsi ʉkha nʉm khʉʉnaun mʉ iek ũrm khõsi ũurjemgui ajim aajem Jesuu.

Hechos 17:31

¿Khan jãgwi mag ãba ichpaita igpi sĩ? Ichdeu maach chachju aawaima ajim anʉm. Mamʉ mag maach chachbarm ed õrau amachdeu nem waumaajerrpierr amach khĩircha khap jajaau amkhĩir, woun ãb Jesús anʉm ya jʉr wai simgui ajim anʉm, thumaam khʉʉnag, chijã khʉʉnta ich aar auju wa chijã khʉʉnta sĩi isegwi barkhʉʉiju khãijã ichdeuta khap jajaau amkhĩir. Mag ich Jesuu thumaam khʉʉn dʉi mamag aju maachig khap amkhĩirta, meetarrjã, meeba arrjo deeu ũmaai ich Jooirau i phiriu aujimgui a jaaumajim aajem ich Pabloou.

1 Corintios 15:25

Pari mag ich Ayagta jua theeg thum jʉ̃apiju na, ich dʉi iekkhõr paraam khʉʉn thum ich jua eegar phe au nʉm ora ich Cristota mag ichdeu õor phe aumam khʉʉn Reikha sim.

Hebreos 9:28

Ich jãgta ĩchab ich Cristojã biek ãbpai ich thõopijim chikhamnaan pekau kõit, mag biek ãbpai arrau warre thumaam khʉʉn pekau chugpaa auju ayaa apäaig. Mamʉ í deeu beeju; mag urum chan ya tag pekau chugpaag deeu ich thõopieg khaba, ich beejujukhamjã chadcha i beepim khõsi ich nʉ naajerr khʉʉn phe awaanta urum.

1 Pedro 3:22

Mag iiu phiidʉtarr Cristota ʉ̃gthar mawi, thumaam khʉʉn khãaijã ichta Ẽwandamau ich dʉicha ich juachaar gar juppiwi, ʉ̃gtharm magwe ich chognaan thum chi thethecharam khʉʉnagpa iita ogkhawi i ipierraa apijim.

Apocalipsis 1:7

Cristo, Ẽwandam Iewaa, edjã baug ee urum thumaam khʉʉnau amach daúa ooju, i thõotarr khʉʉnaupa. Magbaawai durrpierram khʉʉnau amach daujã merag phewi, jũrr amach gaai mas aju khap, i okgau icharaucha bĩejurau. Magju anʉm chan seukhaawai khabam.