San Lucas 19:10 - Wounaan Meu

¹⁰ Mʉch chi Emkhooi Iewaan chadcha õor amach khaibag gaaimua okhoo khitheem khʉʉn jʉrwia, peerdʉ awaanta beejimgui ajim anʉm.

Woun Meu

¹⁰ Mʌch chi Hemk'ooi Hiewaan chadcha hõor hamach k'aibag gaaimua hok'oo k'it'ëem k'ʌʌn jʌrwia, peerdʌ hawaanta bëejimgui hajim hanʌm.

San Lucas 19:10 Iomraidhean Croise

San Mateo 1:21

Mariaau jãg chaaidam athaawai i thʉ̃rdam Jesús a thʉ̃rbá. I thʉ̃r magta thʉ̃rju, ichdeuta ich phobor amach pekau ee thʉnʉm peerdʉ auju aawai a jaaumajim anaabá chi Ẽwandam chogau.

San Mateo 10:6

—Magju khãai maach judionaan ee Ẽwandam iek ʉkhabagau oveja pap chukhu okhoo wenʉrrʉmjo thʉnʉm khʉʉn eeta ereubaadet ajim.

San Mateo 15:24

Pari magbaawai jũrr Jesuu chi ʉʉiragta, —Ẽwandamau mʉ pʉitarran, maach meeun israelnaan sĩi oveja okhoo durrumjo durrum khʉʉn peerdʉ aumkhĩirta mʉ pʉijim ajim.

San Mateo 18:10

Mag jajawagmamua ĩchab, —Mʉg daumeraa khitheem khʉʉn oob ãb khãijã isegmiet ajim. Am thʉa mʉ Aai aar thʉnʉm khʉʉnaun amag dau par khaba thʉnʉmgui ajim. [

San Mateo 18:11

’Mʉch chi Emkhooi Iewaan chadcha õor amach khaibag gaaimua okhoo khitheem khʉʉn peerdʉ awaanta beejim a jaaujim.]

San Lucas 15:32

Mamʉ pua oo chirʉmgui” ajim anʉm, “pʉ eeum chi meem arrta phiidʉwi pierrumjo abarm; maach aigmua mawia tag beebajupii narrta, ĩsta deeu pierrumgui” ajim anʉm. “Magua ĩs chadcha maadeu mʉgju aai naabahab ajim anʉm, i beetarr gaaimua onee aag.”

San Lucas 15:8

Maimua ĩchab mʉg jaaujim aajem: —Khanim nemjo ʉʉi ãb simua phatkhon chi dau daí appai diez wai sim, maimua mag eem ãb khãijã okhoobaadeewai, ¿chijãg ʉʉirauta bʉ̃ʉrjã ich phatkhon jʉrba ich mag sĩuju khai? Par jãgan irua ag bʉrre lámpara paanaa, dijã thũapwia, nem pʉaba jʉr sĩi awia, baau athajugui ajim anʉm.

San Juan 3:17

Ẽwandamau mʉ pʉitarr chan, sĩi õor khaibag waupi jaaumkhĩir khaba, sĩi am peerdʉ aumkhĩirta mʉ pʉijimgui ajim irig.

Romanos 5:6

Dich juapadamaupai chan pod dich pekau eemua oberaagjã jua theeg chukhu narrta, mag i oob khaba ooju khap amkhĩirta Cristo beewia maach thumaam khʉʉn kõit meechejim, magbarmua maach chi khaigbam khʉʉn peerdʉ awaag.

Hebreos 7:25

Maguata ich gaaimua Ẽwandam jʉr nʉm khʉʉnan, irua peerdʉ aub khaba peerdʉ auwi ich mag ich denkha wai sĩsiejem. Mag ichjã ich mag iiu sĩerraawai ich iek ʉkha nʉm khʉʉn kõitjã ich mag ichdeuta Ẽwandamag jeeu nʉrraju.