San Lucas 18:9 - Wounaan Meu

⁹ Maimua amachdeupai amachta thumaam khʉʉn khãyaujã ajap pekau chukhu khitheem awia jũrr amach khapeen khaibag pheejem khʉʉnag Jesuu mʉg nem ĩgkhaadam jaaujim aajem.

Woun Meu

⁹ Maimua hamachdëupai hamachta t'umaam k'ʌʌn k'ãyaujã hajap pekau chuk'u k'it'ëem hawia jũrr hamach k'apeen k'aibag p'eejem k'ʌʌnag Jesuu mʌg nem hĩgk'aadam jaaujim haajem.

San Lucas 18:9 Iomraidhean Croise

San Lucas 10:29

Magbaawai chi charrkha chirʉmua seukha ichdeu khaugba chirʉm awia deeu, —¿Chijã khʉʉn agáma ajim anʉm mʉ khapeen mag mua daupii aju khʉʉn?

San Lucas 15:2

Magbaawai chi ajapha Ẽwandamau Moiseeg iek phãpitarr ʉʉrkhaajem khʉʉn, maimua ag iek jawaag athee chi machnaan dʉimua Jesús igwia, —I den mʉg wounau chan pekau pom sĩsidʉm khʉʉn awiajã isegba ich jãg warag am dʉi thach kho nʉrraajem anaajim aajem.

San Lucas 16:15

Magbaawai Jesuu amag iekhamamua, —Pãran, pãachta ʉ̃rcha phatkhon wai nʉm awia Ẽwandam dau najã ʉucha nʉm aajeebma; mamʉ chadcha Ẽwandamauta pãar thãar khaphʉ simgui ajim anʉm. Mʉg jẽb gayam khʉʉnaun phatkhonta nem thum mʉg jẽb gaai thʉnʉm khãyau ajapcha sim awia agʉgta ee aajerram. Amag mag nem wajaug sĩeb mamʉ, agua nem khaigba waauwaita sĩi odomie sẽrkha thʉnʉmjo Ẽwandamau khõchkhaba aajemgui ajim anʉm.

San Lucas 18:11

Chi ajapcha Moiseeu phã pʉatarr iek ʉʉrkhaajemua bʉjãaupai oo dʉnʉmua, Ẽwandamag jeeu nʉm anʉmta, ichpai tho iekhamamua magmajim aajem: “Ẽwandam, pʉrʉg ʉu ajim a chirʉm, ʉuta jãg mʉ chikhamnaanjo khaba chitʉm. Mʉ amjo nem jĩignemjã khaba, pekau pomjã khaba, ni deeum ʉʉinjã wauba chitʉmgui” ajim anʉm. “Mʉ chan gobiernoog õrau debpaar paraa nʉm khʉʉnag jeeujem ar achum simjojã khaba chitʉm” a iekhamajim anʉm, ichdeupai ich ajaug thowia.

San Lucas 19:7

Mamʉ chi dʉi wenʉrrarr khʉʉnau oowai, Jesús Zaqueo degta jẽerimaag waaidʉbaadem oobaawai, thumaam khʉʉnau, —Keena, pãade oobat. Jesuun, pekau pooma sim degta waaidʉbaademwai anaajim anʉm.

San Lucas 7:39

Chi Jesús thʉ̃rpʉitarr wounau mag oobaawai ich odegpai, “Mʉg woun chadcha Ẽwandam i jaaumie chaar akhiin, irua warre khaug aukhamgui ajim anʉm, khanim ʉʉirauta jãg ich bʉ gaai pʉrbaiche. Majã pekau pooma simua ich gaai pʉr simta bʉ̃ʉrjã khaugba simgui” ajim anʉm ich odegpai.

San Juan 8:48

Mag amachig, “pãar chan Ẽwandam chaain khabamgui” abaawai, chi judionaanau irig, —Chadchata pʉʉn jãgan Samariapierrau, maimua dosãtauta pʉ por meu sĩebahab ajierram ichigcha.

San Juan 9:28

Magbaawai irig ich khĩircha iekha thʉnʉʉuwia magjierram aajem: —Pʉchin pʉ i igar chirama; pari maran Moisés igarta nʉm.

San Juan 9:34

Amachig magbaawai sereu phobaadewi irig, —Pʉ sĩi dau aug pekau pom thaabatarrta, ¿khani mag sĩma? ¿Wa puata maar khãaijã khapcha sĩwa ajierram anaabá, marag jawaag? Maimua tag Ẽwandam iek jaaujem degjã dubpiba, warag amach aigmua i jʉrpʉijierram aajem.

Hechos 22:21

Magbaawai maach Por Jesuu deeu pʉaba mʉrʉg, “Petá; ichiita deeum durr durr warp mua pʉ pʉi chirʉmgui” ajim, “judionaan khabam khʉʉn ee.” Magta Pabloou ichdeu Jesús khaugtarrjã jaaujim judionaanag.

Romanos 10:3

Cristo maach thumaam khʉʉn kõit meetarr gaaimuata Ẽwandamag amach pekau chugpaapijujã khĩirjuba. Amaun sĩi amachdeu amach jooin i ʉʉrkhanaa Moiseeu ley phã pʉarrjã wajapha ʉʉrkha nʉm paarta Ẽwandamag pekau chukhu narrjo amach wajaug paapiju ẽkhaajem.

Romanos 14:10

Mag ichta chi Porkha simta, khanthee pua pʉch denjo ʉkha durrum khʉʉn jaaujẽ. Wa jãgwi pua jãg am kha iseemjo aajẽ. ¿Pua khaugba sĩ, maach thumaam khʉʉnta Cristo khĩirphee dʉnʉʉutkhaimaju, maach mʉig eegar aajeewai nem wautarr jaaumam maach jʉ̃gʉucha ũraag? Magua, maadeu dich khapeen jaauju khaba nʉm, Cristoouta maach thumaam khʉʉn jaauju aawai.

Romanos 14:3

Mag, nem thum khowiajã, chi mag kho simua jũrr parhooba nem khoba aajem khʉʉn jaauju khaba sim. Maagwai jũrr chi parhooba nem khoba aajem garmuajã parhoob khoojem eugar, “Jãguan nem khoju khabampata kho sĩerrʉm” aju khaba sim, mag nem parhooba kho sĩeb mamʉ, Ẽwandamau magʉmjã igba ijã ĩchab ich chogkha wai sĩewai.

Romanos 7:9

Warr agtha daumeraa chiraajeewain mʉch pekau wai chirʉmjã khaugbata chirarr aawai mʉ ʉu chirajim. Pari maimua ya mʉchdeu chi ley gaai jaau sim khaug athaawaita, ĩchab mag mʉchdeu nem wauju khabamta waum khõchkhakhakham gaaimua