San Lucas 18:7 - Wounaan Meu

⁷ ¿Pãrau oowai ich aig bebee nʉʉ paawai khoopaa ũan irua khaigperbajĩ? Ẽwandamaujã ich chaainau ichig edaram magwe jeeu nʉʉ akhiin, irua makhʉʉnjã eeg oob khaba oojugui ajim anʉm.

Woun Meu

⁷ ¿Pãrau hoowai hich haig bëbëe nʌʌ paawai k'oopaa hũan hirua k'aigpërbajĩ? Hẽwandamaujã hich chaainau hichig hedaram magwe jëeu nʌʌ hak'iin, hirua mak'ʌʌnjã heeg hoob k'aba hoojugui hajim hanʌm.

San Lucas 18:7 Iomraidhean Croise

San Mateo 24:22

Mag Ẽwandamau õor dau aug waubaadem ideu ich mag sĩukhiin, õor ãbjã peerdʉbaju. Mamʉ ichdeu jʉr auwia ich iek ʉkha durrum khʉʉn ichdeu khõsi phe wai sim gaaimua, irua ich mag wai sĩi abajugui ajim.

San Mateo 24:24

Mua mag chirʉmʉn, amach iiupaita amta Ẽwandamau pʉijim anʉm khʉʉn dʉi Ẽwandam i jaaumien anʉm khʉʉn khapan sĩi seukha chikham khũgur wenʉrraju aawaita mag chirʉmgui ajim, khap amkhĩir. Makhʉʉnaun chadcha Ẽwandamauta amach pʉijim amkhĩir, ag na õrau ooba aajempa õor dauderraa wau wenʉrraju. Mag nem wau wenʉrrʉmua ich Ẽwandamaucha jʉr auwi ich iek ʉkhapi autarr khʉʉnpa khũgur ẽkhaju ajim.

San Mateo 7:11

Magnaa, Pãar jãg o ãkhãraa khitheem khʉʉnaujã pãach chaainau nem jeeuwai, ¿nem wajaphamjã ĩgkhaba deeba aajẽ? ajim anʉm. Pãrau jãg deejem khai, pãar Aai ʉ̃gthar simua chará pãrau pãach chaainag nem deejem khãaijã wajapcharamta deebajup ajim anʉm, ichig jeeu nʉm khʉʉnag.

San Lucas 11:13

Pãar o ãkhãraa khitheem khʉʉnaujã pãach chaainau nem jeeuwai ¿nem ajaphamjã ĩgkhaba deeba aajẽ? Ich jãgta aajemgui ajim anʉm maach Aai ʉ̃gthar chiraajemuajã agjo. Chadcha thãrau ichig jeeu simʉgan irua ich Akhaarjã deeb khaba deejugui ajim anʉm.

San Lucas 2:37

Mag ũanaa ochenta y cuatro años khitʉmjã chawag maba, edaram magwe Aai i jeeujem degpaita sĩejeejim aajem, sʉrkha simua Ẽwandamag jewaag.

San Lucas 21:28

Mamʉ pãachdeu mamagkham oophobaadeewai warag onee abat. Magbaadeewai ya pãrau khaphʉ nʉmgui ajim anʉm, chikham jua ee pãach dau aphʉʉ wenʉrrʉm ee Ẽwandamau ya pãach peerdʉ auwimʉʉ pam.

Romanos 8:33

Ich Ẽwandamauta õor wajaug paapʉiwi warrjã ich mag pekau chukhu arrjo sim a jaaujemta, khaíu i ichaaur maach ichdeucha jʉr autarr khʉʉn igwia irig, “Jãkhʉʉnan agtha pʉ dʉi kulp pom nʉm” abarju.

Colosenses 3:12

Ẽwandamau pãar khõsi sĩewai pãarjã ĩchab ich õor khamkhĩir ichdeuta pãar jʉr aujim. Magua, ich jãg ich garmua pãach jʉr autarrjo agdaujo chikham dau aug khaug paraa aajeethʉ̃, agdaujo o ajapha. Dichta chikham khãai ʉ̃rpai aju ẽkhaba dau maata abat, dich dʉi khaigba aawaijã magʉm igba sĩi warag khĩu jʉmpʉpʉi aa khaphʉ.

1 Tesalonicenses 3:10

Edaram magwe Ẽwandamag jeeu durrumua deeu ũwaai pãar dʉi khĩircha oobarkhiina a durraajem, mag ãba nʉisiewai agtha pãrau khaugba nʉmdam jaaubarmua khaugbaawai warag ubʉ nʉisimkhĩir.

2 Tesalonicenses 1:6

Jooi thumaam khʉʉn dʉi mag nem agcha waaujeewaita jãg pãar dau aug wau nʉm khʉʉn dʉijã irua ĩchab ich agjo am aphʉʉ apiju.

1 Timoteo 5:5

Ʉʉi ar chadcha thãraucha Ẽwandam iek ʉkha simta khoopawia ich appai igjujã chukhu sĩsiewain, “Igjujã chukhu ʉrraawai tag khai jua nʉbarju” awia, ãba Ẽwandamagta edaram magwe jeeu khitaajem ichdeu nemdam ig sim athee. Pãach ee khoopaa ʉʉin magʉm khʉʉnagta nem deeb khaba deeju aai nʉm.

2 Timoteo 1:3

Timoteo, pʉ igwi khĩir eyaanaa edaram magwe Ẽwandamag ʉu ajim a chiraajem, irig jeeupierr. Mua mag irigpaita jeeunaa ãba i atheepaita phidkha chitʉmʉn, ich jãg warrgarwe ĩchab mʉch jooinau aajerrjo Jooi dau najã mʉch khĩirjug ajapha chirʉm khapta mʉg phidkha chitʉm.

2 Timoteo 2:10

Maguata muan warag maach peerdʉajem iek aaidʉpim khõchgau, ich jãg phithurgjã igba ãwat chitaju, mʉg atag Ẽwandamau ich iek ʉkhapi aumam khʉʉndam ʉu amkhĩir; mag Jesucristo gaaimua peerdʉ nʉisiewai ich mag i sim aar wenʉrramkhĩir.

Tito 1:1

Mʉʉn Pabloou, Ẽwandam chog anaa ĩchab Jesucristoou ich i jaaumkhĩir jʉr autarr. Magtarr aawai mʉ phidagan, ar ich Ẽwandamau jʉr aumam khʉʉnag warag i iekta ʉkhamkhĩir amag jaau nʉmʉu, mag jaaumam gaaimua chadcha Ẽwandam iek maachdeu ʉkha nʉm chaarta thumaam khʉʉnau khaugphomamkhĩir.

1 Pedro 1:1

Mʉʉn Pedroou, Jesucristooucha ich i jaaumkhĩir jʉr autarr. Pãar pãach durr chaaur parhooba aaidʉ durrum khʉʉnag muata pãrag mʉg ẽsap phã deepʉi chirʉm: Ponto anʉm durram khʉʉnag, Galaciapienag, Capadociapienag, Asiapienag maimua Bitiniapienagjã agjo; ajapcharan maach meeun thum maach peerdʉajem iek ʉkha nʉm gaaimua durr chaaur dʉr durrum khʉʉnagma.

2 Pedro 3:9

Khar õrau jaaujemjo mʉg i da beeba sim chan mag ichdeu nem magju atarrjã ãsie wauba aajeewai khabam. Jãan ichdeu iwiir ãbjã okhoopimapha sĩewai ich bee nʉm ora thumaam khʉʉnau ãsie amach khaibag isegwi ichig chugpaapi jeeumkhĩirta jãg da beeba sim.

Apocalipsis 18:20

Mamʉ warm khʉʉn mag bĩephoo thʉnʉm daar, ʉ̃gtharm magwe onee abat. Onee abat ĩchab Ẽwandam chaain, Ẽwandam i jaaumien, maimua ich i jaaumkhĩir ichdeucha jʉr autarr khʉʉnjã agjo onee abat. Ẽwandamau Babiloniapien dʉi jãgbarmua, jũrr pãarta irua dau ee aug khaugwi am gaaita mas dee sim khabahab, amachdeu pãach dʉi aajerrjo.

Apocalipsis 6:10

Makhʉʉnau amach dau aphʉʉ juau khechmarr jũrr Ẽwandamag am dʉi agjo amkhĩir jaau durrumua thet mag naajim: “Ẽwandam, pʉchta thumaam khʉʉn khãai jua theeg ʉ̃rchanaa, pekaujã chukhu, pʉch iekhatarrjã chadcha khitʉm, ¿jãagwaita pua maar bag ãrtarr jũrr õor i agkhawi maar khechtarr khʉʉn dʉi ich agjoo ajuuta jãg sĩma?” anaajim irig.

Apocalipsis 7:15

“Magwiata jãg bʉ̃ʉrjã ijeeu khaugba edaram magwe porkhau gaai oo sim khĩirphee i ipierraa irig ich khĩircha jeeu durrumgui” ajim. “Maagwai jãg porkhau gaai oo simuata am thʉa wai sĩeju.