San Lucas 18:23 - Wounaan Meu

²³ Mamʉ Jesuu ichig mag nem thum perkhʉʉiwia chi phatkhon jigpi jaaubaawai, warre chi woun okhĩirjuu aadejim anaabá, chadcha phatkhon paraam arr aawai.

Woun Meu

²³ Mamʌ Jesuu hichig mag nem t'um përk'ʌʌiwia chi p'atk'on jigpi jaaubaawai, warre chi woun hök'ĩirjuu haadëjim hanaabá, chadcha p'atk'on paraam harr haawai.

San Lucas 18:23 Iomraidhean Croise

San Mateo 19:22

Pari ich mag woundam chadcha phatkhon paraam arr aawai Jesuu ichig magbarm ũrwia warre okhĩirjuu petajim.

San Marcos 10:22

Jesuu ichig mag iekhabaawai warre okhĩirjuu ich diig petajim anaabá, chadcha phatkhon paraam arr aawai.

San Lucas 12:15

Maimua ĩchab thum aig narr khʉʉnagpa magjim anʉm: —Khĩirjug paraa aajeet. Oob pãrau sĩi nem khĩir thum paarpaju appaita khĩirjumiet ajim anʉm. Pãrau nem thum wai naawia khãijã pãar eu meebamgui ajim anʉm.

San Lucas 18:22

Jesuu i mag iekha sim ũrbaawai irig, —Mamʉ agtha khĩir ãb pua waaur wai sĩebahab ajim anʉm. Pʉch nem thum perkhʉʉipʉiwia chi phatkhon aphʉʉ khitheem khʉʉnag jigbapʉi. Maimuan chadau mʉ ẽudee pidú ajim anʉm, mʉ dʉi chitam khõsi chirʉm khai. Pua magmʉn, ʉ̃gthar pawiajã bʉ̃ʉrjã augcheba, phatkhon khãaijã nem ajapham pomta wai chirsijugui ajim anʉm irig.

San Lucas 18:24

Jesuu oowai mag ichdeu nem jaaubarm gaaimua atcha okhĩirjug pom aadem oowi, —Phatkhon paraam khʉʉnta Ẽwandam chi Porkha sim aar oberaagan chadcha thethe simgui ajim anʉm, amach phatkhonagta ʉ̃rcha ee naawai.

San Lucas 19:8

Magbaawai Zaqueoou maach Por Jesús khĩirphee bʉjãau dʉnʉʉunaa irig thumaam khʉʉn dakhĩir, —Ũrbá, mua mʉchdeu nem wai chirʉm eem jãrrcha ar aphʉʉ khitheem khʉʉnag deejugui ajim anʉm. Maagwai iwiir ãbam den khãijã seukhawi mua phatkhon khũgur autarr khai, jũrr mua ag khãyau ʉ̃r biek jayap deejugui ajim anʉm.

San Lucas 21:34

Khĩir khaphʉ nʉisit ajim anʉm, mʉ beewai sĩi doo gaaipai nʉm dʉi warag pãach nem ig nʉmta khĩirju nʉm gaaimua mʉ iek ʉkhaba, warag thãar theeg sĩi mʉ beejujã khaugba, okhoppha nʉm pãach oochepim ugua.

San Lucas 8:14

Maagwai nemjĩir dau sirphʉg dʉi oberwia õt khaba bãautarr, jũrr ar maach khapeen ihãsisisdom khʉʉnta jaau simgui ajim anʉm. Amau Ẽwandam iek ũrm khõsi ũr nʉm, mamʉ deeu amach khĩirjug eepai, “Jãgʉm gaaimua pod mʉ phatkhon auba khãijã chitaju,” wa magbam khai, “Mua chadcha ʉkhakhiinjã pod parhooba mʉchdeu ampierr abaju” a khĩirjuajem. Mag gaaimua mag nemjĩirdam aphʉʉ bãauwia pod cheba arrjo ĩchab Ẽwandam athee nem ajapha wawaagjã podba, sĩi serbiibata nʉmgui ajim anʉm.

Efesios 5:5

¿Jãgwi mua mag chirʉ́? Mua mag chirʉmʉn mʉgau: Amach õor khabam dʉi khapes aajem khʉʉn, Ẽwandamau oowai maach inaam nem waaujem khʉʉn, wa chikham denjo paarpaag awi amachdeu nem ig nem ẽkhabaademjã pʉa chʉuu aajem khʉʉnjã pod Cristo Ẽwandam dʉi ãba chi Porkha sim aar oberbaju aawaita mag chirʉm. Ar jãg nʉm khʉʉnaun jãg amachdeu nem wau nʉmʉgta ʉ̃rcha ee thʉnʉm, Ẽwandamagta ee aju khãai. Amach mag nʉm gaaimuata pod i aar oberbam.

Filipenses 3:8

Warran mʉʉn chadcha magʉmʉg ee chitajim. Mamʉ maagjerr ĩsin jũrr mʉʉn Jesucristo deneu. Iita mʉ Porou. Tag ijo nem ajapham chan chukhum. Ʉ̃gthar oberaag awi warrgar mʉchdeu nem wau chitarr, ĩs mʉgnaa oowai chan bʉ̃ʉrjã maadeu nem igbata sĩsidʉm. Ajapcharan sĩi mag mʉch khõchagpierr nem wau chitarr thum mua isegjim, jũrr Cristo denkham khõchgau.

Colosenses 3:5

Magua, nem khaigbam wauju khõchagjã warre pãach gaaimua khecheunaa barbapʉimjo abat. Ni ãbmuajã ich õor khabam dʉi khapes am, Ẽwandamau oowai maach inaam nemjã tag waum, warr ich khõchag aig nem waunaa warag bigaaum khʉʉnta chigaa apiejerrjã oob tag agjo am, ni oob phatkhonagjã wʉrpa am; phatkhon khĩragta wʉrpa nʉmʉn nem parhoobamta ẽwandamkha waunaa agʉg jeeu nʉm dʉi ãba sim.

1 Juan 2:15

Magua ya chi jooinag awiajã pãrag mag chirʉm: oob pãrau sĩi mʉg jẽb gaai parhoobam khʉʉnau amach khõchagpierr nem waaujemʉgta ee amiet. Ãbmua khãijã magʉm nem waujuuta ʉ̃rcha khĩirju sim khai, magan magua chan jũrr Ẽwandamta khõchkhaba sim.