San Lucas 18:22 - Wounaan Meu

²² Jesuu i mag iekha sim ũrbaawai irig, —Mamʉ agtha khĩir ãb pua waaur wai sĩebahab ajim anʉm. Pʉch nem thum perkhʉʉipʉiwia chi phatkhon aphʉʉ khitheem khʉʉnag jigbapʉi. Maimuan chadau mʉ ẽudee pidú ajim anʉm, mʉ dʉi chitam khõsi chirʉm khai. Pua magmʉn, ʉ̃gthar pawiajã bʉ̃ʉrjã augcheba, phatkhon khãaijã nem ajapham pomta wai chirsijugui ajim anʉm irig.

Woun Meu

²² Jesuu hi mag hiek'a sim hũrbaawai hirig, —Mamʌ hagt'a k'ĩir hãb pua waaur wai sĩebahab hajim hanʌm. Pʌch nem t'um përk'ʌʌipʌ̈iwia chi p'atk'on hap'ʌʌ k'it'ëem k'ʌʌnag jigbapʌ̈i. Maimuan chadau mʌ hẽudee pidú hajim hanʌm, mʌ dʌ̈i chitam k'õsi chirʌm k'ai. Pua magmʌn, hʌ̃gt'ar pawiajã bʌ̃ʌrjã haugchëba, p'atk'on k'ãaijã nem hajap'am pömta wai chirsijugui hajim hanʌm hirig.

San Lucas 18:22 Iomraidhean Croise

San Mateo 19:21

Magbaawai deeu ich Jesuupai irig, —Pʉ chadchata wajapcha am khõsi chirʉm khai, pʉch nem perkhʉʉipʉinaa chi phatkhon aphʉʉm khʉʉndamag jigbapʉi ajim. Mag khaita ʉ̃gthar pawiajã pʉ ich mag nem wajapham paraa chitaju. Mag perkhʉʉipʉinaa jigpʉiwi, mʉ dʉi marrau ajim.

San Lucas 10:42

Mamʉ sĩi dich bi atheepai nem thum wauju khĩirjuba awiajã ʉu sim. Mariaau pʉ khãyau ajapcha abarm. Jãg sim aig irua Ẽwandam iek ũrm khõchgauta pʉ juagjã ooba abarm. Maagwai mua pod irig ũrpiba jaauju aai khaba chirʉmgui ajim anʉm.

San Lucas 12:33

Pãach nem wai nʉm perkhʉʉimamua chi phatkhon aphʉʉm khʉʉn oomampierr jigpetat ajim anʉm. Magbaawai pãrau ʉ̃gtharm phatkhon jẽeuba aajemta paarpajugui ajim anʉm. Nem ajapham pãrau mag wai nʉisim chan bʉ̃ʉrjã obam. Ma mʉg jẽb gayam phatkhon khĩir khaba aawai nem jĩgkhaag chi ajaphamʉu awiajã pod aubam, ni comejenaujã ag ee dikhabamgui ajim anʉm.

San Lucas 16:9

Pãade ũrbat. Phatkhonan chadcha nem parhoobam wau nʉmua ganwia nem khaigbam atheejã iigjem. Mag sĩeb mamʉ, pãach phatkhon aauwai õordam dʉi nem ajapha wau nʉmuata am dʉi khapeen khabat ajim anʉm. Maagwai pãach meebarm ed mʉg jẽb gayam nem tag igba aadeewai jũrr ʉ̃gtharjã makhʉʉn dʉita nʉisiju, Ẽwandamau pãach ʉdʉraa obeerpibaawai.

San Lucas 18:21

Magbaawai chi woun phatkhon paraamua, —Mag pua jaau sim thum mua mʉch bʉ̃rʉʉwe ʉʉrkha chitabahab ajim anʉm.

San Lucas 18:23

Mamʉ Jesuu ichig mag nem thum perkhʉʉiwia chi phatkhon jigpi jaaubaawai, warre chi woun okhĩirjuu aadejim anaabá, chadcha phatkhon paraam arr aawai.

San Lucas 9:23

Maimua thumaam khʉʉnag eerpa eerpanaa, —Chadcha pãrau mʉ iek pãach thãraucha ʉkha nʉm khai, magan mua nem waupi jaau chirʉm appaita waubat ajim anʉm, “Mʉchdeuta khap chirʉm mʉchdeu nem wauju” a iekhaba. Mʉ gaaimua chikhamnau pãach dau aphʉʉ thõoju khĩirjuwia khãijã magʉm igba, waragta ʉkhanaat.

Filipenses 3:13

Keena, Cristo gaaimua khodamnaan, mua chan pãrag, “Ya mʉʉn ĩsin chadau mʉchdeu ig chirarrjo ajapha chirsim” aba chirʉm, agtha thum Cristoou jaau simjo khaba chiraawai. Mag agtha ajapcha khaba chirab mamʉ, ya warrgar mʉchdeu nem waaujerr chan tag khĩirjuba chitʉm. Magju khãai mʉ khĩirjugan, ãba khanta mua Cristo athee waubaawai i dawagaa abarju khai anaa irua nem khõsimpaita wauju khĩirju chitʉm.

2 Pedro 3:8

Mag nʉm dʉi pãade khĩir eyaa abat keena. Mʉchdeu pãar jãsene chitaawai pãrag pʉaba jaau chirʉm: Mag i da beebam awia oob i nʉba amiet. Maach Por Ẽwandamagan mʉg khãai ãb kheubaademʉn, mil añosjota sim; maagwai mil años jũrr khãai ãbpaimjota sim. Maachigta da beeba sim, pari ichigan atcha jophee sĩewaita nʉ sim, õrag ich iek ʉkhamkhĩir.