San Lucas 18:19 - Wounaan Meu

¹⁹ Magbaawai Jesuu irig, —¿Khanthee pua mʉrʉg “chi ajapham” a sĩ? Õor ajapham chan chukhumgui ajim anʉm. Ajaphamʉn ãba Ẽwandamta ich appai ajapha sĩerrʉm.

Woun Meu

¹⁹ Magbaawai Jesuu hirig, —¿K'ant'ee pua mʌrʌg “chi hajap'am” ha sĩ? Hõor hajap'am chan chuk'umgui hajim hanʌm. Hajap'amʌn hãba Hẽwandamta hich happai hajap'a sĩerrʌm.

San Lucas 18:19 Iomraidhean Croise

San Lucas 1:35

Magbaawai chi Ẽwandam chogau magjim anʉm: —Jãan ich Cha Ʉ̃gthaa Phuu Nʉm ag Akhaar pʉ gaai sĩeicheewaita pʉ jõorjugui ajim anʉm, ich iiu aawai. Mag gaaimua mʉg chaai pua oobarm bʉ̃ʉrjã khaibag chukhu auwia ich mag khitaju. Ich Ẽwandamauta ich iiu pʉ bi ee papi sim den aawai i thʉ̃r Ẽwandam Iewaa a thʉ̃rjugui a jaaujim aajem.

San Lucas 11:13

Pãar o ãkhãraa khitheem khʉʉnaujã pãach chaainau nem jeeuwai ¿nem ajaphamjã ĩgkhaba deeba aajẽ? Ich jãgta aajemgui ajim anʉm maach Aai ʉ̃gthar chiraajemuajã agjo. Chadcha thãrau ichig jeeu simʉgan irua ich Akhaarjã deeb khaba deejugui ajim anʉm.

San Lucas 18:18

Biek ãb Jesús sim aig woun ãb chi thethem beejim aajem, phatkhon paraam. Mag wounau irig, —Maestro, pʉʉta chadcha Maestro ajapham aawai pʉrʉg jewaan beejim: ¿Mua khani jãgju aai chirʉ́, ʉ̃gthar oberaag? Mʉrʉg jaaubá aichejim anʉm.

San Lucas 18:20

¿Pua khaphʉ sĩebá ajim anʉm, Ẽwandamau Moiseeg ich iek phãpitarr gaai: “Oob dich õor khabam dʉi khapes am; oob õor thõom; oob nem jĩgkham; oob chikham eugarjã seukha nem ĩgkham; maimua pʉch aai jãsenkhanaa pʉch ãdjã jãsene abá” a sim?

1 Timoteo 3:16

Mag iek warrgar thumaam khʉʉnau khaugba aajerrta ĩsin maadeu dawaa oo nʉm, ich Ẽwandamau maachig khaugpitarr aawai. Mag maachig khaugpitarr iekhan mʉgau: Cristo Ẽwandamkha simta maach thaabaajemjo mʉg jẽb gaai thaabachewia, maach wounaan khĩir thegwia, mʉg jẽb gaaim khʉʉnag ich oopien beejim. Maimua meewia Ẽwandam Akharau deeu i phiriu athamua chadcha í pekau chukhu khitʉm a khaugpijim õrag. Mʉg jẽb gaai sĩeichewia irua nem wautarr thum Ẽwandam chognaanau ʉ̃gtharmua oojierram. Maimua amach aar pabaimaawaijã sĩi onee amach jua ee baarpi aujierram. Magtarr, durr warpham magwe aaidʉ jaaupʉiwia meupierram khʉʉnau khakhapdo thʉnʉm dʉi ĩchab durrpierr i iek ʉkha durrum khʉʉn nʉnʉidʉm.

Hebreos 7:26

Magua ichta chadcha maachdeu ig narr phad khabahab, maach kõit iekhaajem chaar. Ich chan nacharam khʉʉnjo khaba aawai bʉ̃ʉrjã pekau chukhu khitʉm; khaibagjã chukhu, ni bʉ̃ʉrjã chikham khaigba ajojoopaijã khaba, maachjo pekau pomkham khʉʉn eemjã khaba sim. Mag sĩewai ichta nem thum ʉ̃gtharm magwe thʉnʉm khãaijã ʉ̃rpai apijim Ẽwandamau, ich dʉi ãba.

Santiago 1:17

Ẽwandam edjã ee nem thʉnʉmpa wautarraun maachig nem thum nem ajapham appaita deejem. Ich chan maach mʉig eegarm khʉʉnjo cambibierrso khaba sĩerrʉm. Mag sĩewai prueba ee nʉm aigjã iruata magʉm khĩirjug deejim awi i gaai thʉju khaba nʉm.