San Lucas 18:1 - Wounaan Meu

¹ Ĩchab Jesuu ich khapeenag mʉg nem ĩgkhaadam jaaujim aajem, mag jaaubarm gaaimua amachdeu nem ig nʉm Ẽwandamau da deeba awiajã warag pʉaba irig jeeuju aai nʉm a khap amkhĩir.

Woun Meu

¹ Hĩchab Jesuu hich k'apeenag mʌg nem hĩgk'aadam jaaujim haajem, mag jaaubarm gaaimua hamachdëu nem hig nʌm Hẽwandamau da deeba hawiajã warag pʌaba hirig jëeuju haai nʌm ha k'ap hamk'ĩir.

San Lucas 18:1 Iomraidhean Croise

San Lucas 11:10

Pãrau khaphʉ nʉmgui ajim anʉm, ar õor nem jeeu paraam khʉʉnagan nem deeb khaba deejem. Ar amachdeu nem inag ig nʉm pʉaba jʉr nʉm khʉʉnau baaujem. Maagwai ĩchab chi puertdi sirbaichem khʉjã weeu auwia dubpiejem.

San Lucas 21:36

Mamʉ warag Ẽwandamag jeeunaa ajap khĩir khaug nʉisit. Pãrau ich mag pʉaba irig jeeu wenʉrrʉmʉn, nem thumaamua mag õor chachmawiajã bʉ̃ʉrjã pãar chig abajugui ajim anʉm. Maagwai ya mʉch pierrum edjã bʉ̃ʉrjã chigag chukhu pãar mʉ aig mʉ khĩirphee bee thʉnʉisijugui ajim anʉm.

Romanos 12:12

Ẽwandamau mʉg atag maach ich aarcha phe auju khaphʉ naawai warag onee naat. Cristo gaaimua pãach dau aug wauju khaphʉ nʉmjã warag khuphĩita audʉdʉt abat. Mag nʉm dʉi Ẽwandamag jeeu nʉm chan oob khĩir okhoo jeeuba amiet.

2 Corintios 4:1

Magua mʉch chan khuseukhaba chitʉm, Ẽwandamau ich garmuata mʉch dau aug khaugwia ichdeuta mʉrʉg mʉg phidagjã deetarr aawai.

Gálatas 6:9

Maguata maach chan mʉg nʉm aig khuseukha phobaadem awi nem ajapha wauju aai nʉmjã wauba ich mag sĩuju aai khaba nʉm. ¿Jãgwi? Chokhõgba magta nem ajapham apha wau wenʉrrʉmʉn, Ẽwandamau oowai ichdeu magju ayaa am ed mag nem waum khõsi waaujerr jũrr maach dʉi agjo ʉu aju aawaima.

Efesios 6:18

Pari thum cha mʉchdeu jaau chirʉmjo dich garmuata podpäaigan, jeeub khaba Ẽwandamagta jeeunaat. Ich magta irig jeeu wenʉrrʉmua ideu ich Ẽwandam Akharagta pãachig jaaupibat, jãga Ẽwandamag jeeuju aai nʉ. Khĩir khaphʉ abat, eeu bʉ̃ʉr abarm gaaimua khãijã Ẽwandamag jeeumapha adukham. Magju khãai pʉaba irigta chaigpamamua jeeunaa ĩchab tagam khʉʉn thum durrpierr Cristo iek ʉkha nʉm khʉʉn kõitjã jeeunaat.

Filipenses 4:6

Pãach phithurg waauwai oob okhĩirjuu amiet. Mag khãyau warag mag pãach phithurg au wenʉrrʉm thum Ẽwandamagta jaaubapʉit, irig jeeumamua. Mamʉ mag jeeumamua ĩchab pãach iek ũurjem paarjã irig ʉu ajim abat.

Colosenses 4:12

Mag tag ĩchab pãach aram woun Epafras Jesucristo chogkha phidkha khitʉmuajã pãrag salud deepʉi sim. Ich mag ichdeun pãar kõit Ẽwandamag jeeu khitaajem, pãachdeu ʉkhatarr iek gaai ubʉnaa thumaa ich Ẽwandamau khõsimjota waumkhĩir.

Colosenses 4:2

Ẽwandamagta jeeu nʉʉ jeeu nʉʉ abat. Mag jeeu nʉmua ĩchab irig ʉu ajim abat.

1 Tesalonicenses 5:17

Ed eepierr Ẽwandamagta jeeub khaba jeeubat.