San Lucas 17:7 - Wounaan Meu

⁷ Mag jaaumamua ĩchab magjim aajem: —¿Khaíuta ich chog phidkha sĩi awia barbaicheewai ithũu irig, “Ar pʉ athee ya thach mes gaai thoi kherʉm khobá” aju khai?

Woun Meu

⁷ Mag jaaumamua hĩchab magjim haajem: ’¿K'aíuta hich chog p'idk'a sĩi hawia barbaicheewai hit'ũu hirig, “Har pʌ hat'ee ya t'ach mes gaai t'öi k'ërʌm k'öbá” haju k'ai?

San Lucas 17:7 Iomraidhean Croise

San Mateo 12:11

Magbaawai ichdeu amag magjim: —Pãar mʉg nʉm aig pãar ovejadam dau ãb khãijã jẽbdeg buudimaawai, ¿khaíuta jua ʉ̃ʉijem ed awia jẽu awaan maba aajẽ? Mag sim, ¿pãrau oowai maach wounaanta nemchaain khãaijã ʉ̃rcha balee naabá? ajim.

San Lucas 13:15

Magbaawaita maach Por Jesuu irig magjim anaabá: —Woun seunem, ¿khantheeta pʉ mag chitʉ́ma? ajim anʉm. Pãar mag jua ʉ̃ʉijem ed bʉ̃ʉrjã phidkhaba aajem anʉmta, ¿khan jãgwia pãrau pãach cabaai wa phak khãijã do dopien phe arrjẽma? ¿Jãg nʉm chan magan phidkha nʉm khabahab? ajim anʉm.

San Lucas 14:5

Maimua jũrr ich dʉi ãba thach khoog aig narr khʉʉnag magjim anʉm: —Pãar cabaai khãijã wa pãar phak khãijã jẽbdeg burrwia pod ich ap oberba sĩsim oobaawai, ¿khaíuta ag bʉrre mawia ich nemchaai jẽu aubaju khai ajim anʉm, sĩi jua ʉ̃ʉijem ed awia?

San Lucas 17:26

Mag mʉg atag mʉch chi Emkhooi Iewaa deeu beeju gayaa paawai, jooingar jooi Noé khakhitarr jaar õor dohãdau opäaiwai amachdeu ampierr thʉnaajerrjota thʉnaajugui ajim anʉm ĩchab.

San Lucas 17:6

Magbaawai maach Por Jesuu magjim aajem amag: —Pãrau khĩirjuawai chadcha Ẽwandam jua theeg sim khaphʉnaa pãachdeu nem mag abarmjo apiju khĩirjunaata nem waukhiin, Ẽwandam athee chan phithurm nem chukhu aajeewai, chadcha pãachdeu jajaaukhampierr ich mag pãachdeu jaau nʉmjo ajugui ajim anʉm. Pãar khĩirjug oojem anaa chi pomag mostaza daudam ar maach dau ee paba khitaajemjo khãijã khitakhiin, ar pabʉ pom simʉg wounagamjo, “Jãigmua mawia jũrr achum phũas ee dʉnʉʉubaimá” abaawai, chadcha pãar ipierraa ajugui ajim aajem.

San Lucas 17:8

Mag chan ni ãbmuajã iekhabamgui ajim anʉm. Jãan magju khãai warag, “Jopkhaa phiejãb wauwia mʉ jãhogbá, maimua murua nem ig chirʉm thum phedeebá; pʉchin nau mʉ kho dichtarr khur ẽudeechata khoju” a iekhaju.