San Lucas 17:6 - Wounaan Meu

⁶ Magbaawai maach Por Jesuu magjim aajem amag: —Pãrau khĩirjuawai chadcha Ẽwandam jua theeg sim khaphʉnaa pãachdeu nem mag abarmjo apiju khĩirjunaata nem waukhiin, Ẽwandam athee chan phithurm nem chukhu aajeewai, chadcha pãachdeu jajaaukhampierr ich mag pãachdeu jaau nʉmjo ajugui ajim anʉm. Pãar khĩirjug oojem anaa chi pomag mostaza daudam ar maach dau ee paba khitaajemjo khãijã khitakhiin, ar pabʉ pom simʉg wounagamjo, “Jãigmua mawia jũrr achum phũas ee dʉnʉʉubaimá” abaawai, chadcha pãar ipierraa ajugui ajim aajem.

Woun Meu

⁶ Magbaawai maach Pör Jesuu magjim haajem hamag: —Pãrau k'ĩirjuawai chadcha Hẽwandam jua t'eeg sim k'ap'ʌnaa pãachdëu nem mag habarmjö hapiju k'ĩirjunaata nem wauk'iin, Hẽwandam hat'ee chan p'it'urm nem chuk'u haajeewai, chadcha pãachdëu jajaauk'ampierr hich mag pãachdëu jaau nʌmjö hajugui hajim hanʌm. Pãar k'ĩirjug hoojem hanaa chi pömag mostaza daudam har maach dau hee paba k'itaajemjö k'ãijã k'itak'iin, har pabʌ̈ pöm simʌg wounagamjö, “Jãigmua mawia jũrr hachum p'ũas hee dʌnʌʌubaimá” habaawai, chadcha pãar hipierraa hajugui hajim haajem.

San Lucas 17:6 Iomraidhean Croise

San Mateo 14:29

Magbaawai irig, —Beejuma ajim Jesuu. Magbaawai chadcha Pedroou jap eemua waaidʉbaadewi Jesús khĩirphee dʉdʉrgmaa ajim, dojã ʉ̃rta durramjo.

San Mateo 17:20

Magbaawai ich Jesuu marag magjim: —Jãan pãachdeu mʉg chaai Ẽwandamau monaaujujã khĩirjuba narr gaaimuaugui ajim. Pãrau Ẽwandam jua theeg sim khaphʉnaa pãachdeu nem mag abarmjo apiju khĩirjunaata nem waukhiin, Ẽwandam athee chan phithurm nem chukhu aajeewai, chadcha pãachdeu jajaaukhampierr ich mag pãachdeu jaau nʉmjo apiju. Pãar khĩirjug oojem anaa chi pomag mostaza daudam ar maach dau ee paba khitaajemjo khãijã khitakhiin, chag durrsĩig khãijã, “Jopai mʉigmua mawia chum dʉnʉʉubaimá” abaawai chadcha phithurg chukhu mawia pãar ipierr pãachdeu jaaubarm aar dʉnʉʉuwimajugui ajim. [

San Mateo 21:21

Magbaa ichdeu marag magjim: —Pãrau pãachdeu Ẽwandamag jeeuwaijã pãachdeu jeeubarmjo aju khĩirjunaata jeeukhiin, mua mʉg pabʉ phuapibarmjopaijã khaba, ag khãai phithurcharam nemjã wauju. Jãgkhiin pãrau mʉg Olivo durrsĩigjã, “Mʉigmua mawia jũrr phũas ee ierrpabaad” akhiinjã, chadcha pãachdeu iekhabarmjo ajugui ajim, pãar ipierr.

San Marcos 4:31

Mʉg mua jaau chitʉm iekhan, mostaza daudam woun ãbmua ich dikhu gaau jĩir sĩubarmjota simgui ajim anʉm. Ichta nemjĩir daudam thumaam khʉʉn khãaijã bʉ̃rʉʉcha khitʉm.

San Marcos 9:23

Magbaawai Jesuu irig, —¿Jãgwi mag pua mʉrʉg “ʉu i monaaupʉiju aai chirʉm khai” a sĩwi? ajim anʉm. Ar Ẽwandam gaaita ʉkha nʉm khʉʉn ithee chan bʉ̃ʉrjã phithurm nem chukhum. Maagwai puajã chadcha thãraucha ʉkhamʉn, pʉ chaaijã monaaubajup ajim anʉm irig.

San Lucas 13:19

Magnaa ichdeupai, Mʉg Ẽwandam iekhan mostaza daudam woun ãbmua ich nemjĩir ee jĩirjemjota sĩerrʉm. Ichta nemjĩir daudam thumaam khʉʉn khãyaujã bʉ̃rʉʉcha khitʉm. Mamʉ mag khitʉmʉn nem bãau khaphí bãauwia sĩi pabʉ pom ãdee dʉnʉisiejemgui ajim anʉm. Mag ãdee dʉnʉisiewai nemchaaindamau ag gaai amach didam euphobaadeejem. Ich agjota simgui ajim anʉm ĩchab mʉg Ẽwandam iek mua pãrag jaau chitʉmjã. Mʉʉgwaiwe chan khapan khábata ʉkha durrum; pari mag durrumuata warag nem pom aaidʉbapäaiwai, õor khapankham khʉʉnau ʉkhajugui ajim anʉm.

San Lucas 17:7

Mag jaaumamua ĩchab magjim aajem: —¿Khaíuta ich chog phidkha sĩi awia barbaicheewai ithũu irig, “Ar pʉ athee ya thach mes gaai thoi kherʉm khobá” aju khai?

San Lucas 19:4

Mag warm khʉʉn por ʉ̃rmua ichdeu pod ooba abaawai, na khaphig mawia, pabʉ jeeubahkhar neneree khitʉm gaai waaidʉwia nʉbaadejim anʉm, ich eegar dichpinaa oog.

San Lucas 7:13

Maimua aar barwia maach Por Jesuu khoopaa ũan ich chaai athee dau aphʉʉ kherʉm oobaawai irig, —Oob bĩem ajim anʉm.

San Lucas 7:19

Jesús aar pʉijim aajem, makhʉʉnau irig “¿Pʉʉta chadcha nawe Ẽwandam i jaaumienau beeju a jaaujerrá, wa ar khabam khai warag ich jãg nʉag?” a khap jeeumkhĩir.

1 Corintios 13:2

Maimua khanim nemjo ãbmua mʉg atag Ẽwandamau nem oopipig majujã thumaa ag nawe khaphʉnaa, mʉg eegarm khʉʉnau khaphʉ nʉm khĩirjugjã thumaa khaphʉ sim dʉi ich Ẽwandamau khĩirju sim khĩirjugjã khaphʉ sim; pari mag simta bʉ̃ʉrjã ich khapeen kha khõchkhaba sim chan, magan Ẽwandamau oowai mag wounan parta mag sim. Wa magba ichdeu nem mag abaawai Ẽwandamau ichdeu jaautarrjo apiju khaphʉnaa, durrsĩig khãijã wounagamjo “Chum dʉnʉʉubaimá” abaawai, i ipierr chadcha ichdeu jaautarrjo mam mapi sim; pari mag nem wau simta bʉ̃ʉrjã ich khapeen kha khõchkhaba sim chan, magan Ẽwandamau oowai parta mag nem khĩir pogkhe khãijã wau sĩeju.