San Lucas 17:4 - Wounaan Meu

⁴ Ãbam edpai khãijã biek khapan pãach dʉi khaigba awia, “Kake mʉ perdonaabá, mua tag jãgbaju” a khʉrrkhakha awia khãijã, ich agpierr i perdonaabat ajim anʉm, tag magʉm iek bʉ̃ʉrjã igba.

Woun Meu

⁴ Hãbam hedpai k'ãijã biek k'apan pãach dʌ̈i k'aigba hawia, “Kakë mʌ perdonaabá, mua tag jãgbaju” ha k'ʌrrk'ak'a hawia k'ãijã, hich hagpierr hi perdonaabat hajim hanʌm, tag magʌm hiek bʌ̃ʌrjã higba.

San Lucas 17:4 Iomraidhean Croise

San Mateo 18:16

Mamʉ par pãachdeu iekha nʉmjã ũrbamʉn magan pãach daumaai õor numí khãijã thʉ̃rkha athat, maagwai iekhamamjã õor numí wa thãrjup nʉm dakhĩirta mag iekhamamkhĩir.

San Mateo 18:35

Mag nem ĩgkhaadam jaauwi deeu ich Jesuupai magjim: —Mʉ cha iekha chirʉm iekhau pãrauta pãach khapeendam chadcha perdonaawi tag magʉm iekjã igba ich mag khĩir okhoobam chan, mʉ Aai ʉ̃gthar chirʉmuajã ich agjo pãar perdonaabamgui ajim.

San Mateo 5:44

Pari ĩs mua mag chirʉmgui ajim anʉm ich Jesuu: Pãach kha ukhurm khʉʉnjã daupii abat; maimua agjo mʉ iek gaaimua pãach khaibag wauju ẽkhaajem khʉʉn kõitjã warag Ẽwandamagta jeeubat.

San Mateo 6:12

Ẽwandam, maar pekau thum chugpaabapʉi, maimua ar marau maach dʉi khaigba abarm khʉʉn dʉi tag magʉm iek igba ich mag khĩir okhoopäaijemjo, maar denjã khĩir okhoobapʉi.

San Lucas 17:5

Mag dich khapeen perdonaapi jaaubarm phithuurga sim khĩirjunaa, jũrr ich Jesuu chi doce jʉr autarr khʉʉn garmua irig magjierram aajem: —Señor, Ẽwandamau marag khĩirjug deebam chan pod marau maach khapeen perdonaabaju. Marag juapá deebá ajierram anʉm, mag pʉchdeu jaau simjo aag.

Romanos 12:20

Maimua agjo, “Pʉch kha ukhurm woun khãijã jãsoo khitʉm oowai wajapha i jãhogbapʉi; wa obisi khãijã khitʉm khai, khũwagdam wa dodam khãijã dopibapʉi” a sim. “Pua mag wajap ich jãhogbapäaiwai ich garmua pʉ dʉi mag sĩerr khĩirjuwia, ‘Jãg mʉch dʉi wajapha ajuuta mua jãgjujã khĩirjuba jãg i kha ukhur aajeebma’ awi khĩir naauju” a sim ĩchab Ẽwandam iek gaai. (Pr. 25:21-22)